ناديه سهوكه وسيد انتكا

[انثى متمرده]

هالللللللللللوز

باللوز

على احلى ناس

انهارده جايبالكم موضوع

جديد للنقاش

من غير رغى ياما يلا ندخل
على الكلام المفيد

الواد سيد واد كسيب

بس بيحب يملى الفراغ
العاتفى

اللى عنده بانه يعلق البنات

وطبعا اللى على الشكل ده

لازم يقع فى حد شكله

سيد انتكه علق
البنت ناديه سهوكه

ومع شويه سهوكه ومع شويه

كلام حلو من الواد سيد

الاتنين انتموا مع بعض

المهم ناديه كل همها انها تحس
بانوثتها مع الواد سيد

والواد سيد علشان كان كسيب
كان بيصرف بعبط علشان
يعجبها

والبنت ناديه علشان كانت
فاضيه ومسهوكه كانت بتحب
الدلع مع سيد

وفى يوم اخدها معاه وقالها
هافسحك على الكورنيش
يا ناديه

ركبت معاه التوك توك بتاعه
وطلعوا على الكورنيش

وشغلوا اغنيه لو مكنتش
انت تدلعنى مين هايدلعنى

وفى عز الانبساط

ناديه قالت لسيد يا سيد انت
بتحبنى

قالها طبعا طبعا بحبك

وطبعا سيد كان حبها فعلا

قالت له طيب تعمل ايه لو انا
بعدت عنك

قال لها من بعدك حياتى مش
هاتبقى حياه

قالت له طيب

تتجوزنى يا سيد

سيد فكر وفكر وفكر

قال فى باله ناديه دى
للخروج وللدلع والفرفشه
وتقضيه الوقت

بس هل ناديه دى تنفع تكون
مرااتى وام عيالى

تنفع تكون حد اعتمد عليه

.. .. .. ..

ومن يوميها وهوه بدا يتهرب
من ناديه سهوكه وناديه سهوكه
حست انها ضيعت عمرها
فى السهوكه والدلع والكلام
ده اثر على سمعتها

بزمتكوا كده فيه كام سيد
وكام ناديه

؟؟؟؟

وهنا السؤال

هوه فية بنات للتسليه
وبنات للجواز ؟

وهل فيه بنت تنفع تكون
صديقه بس متنفعش تكون زوجه
وبنت تنفع تكون حبيبه ومينفعش
تكون زوجه

وهل انت ايها الشااب المحترم
ممكن تمشى مع واحده لمجرد
التسليه بس ؟؟

وايه اللى بتكسبيه
عزيزتى الفتاه لما بتتسهوكى
والناس تقول عليكى دلوعه
ومع الاسف مش بتسوى بصله
فى سوق الجواز ...

منتظره تفاعلكم


تحيااتى

[انثى متمرده]

اايه ده
كل دى مشاهدات ومفيش ردوود

[αЛαstoOorα]

مممممم

متهيآلي كل الناس مش زي سيد وسهوكة كدا

آي نعم في شريحه كبيرة من الشباب والمراهقيين

بيفكرو بنفس النهج اللي عرضتيه ف موضوعك

بس مش كل بنت حبت آو كل شاب حب بيتخلي

عن اللي بيحبها ومش بياخدها ؟ القضية هنا

ف الآخلاق والآدب ممكن الشاب يحب وحدة

ويكلمها وهي تكلمه ..وفيه بنهم آحترام متبادل

وفيه شاب ممكن يكلم وحدة لحاجات كتير ف مخه

وهي بتكون حباه فعلاً ..بس لو هنيجي للكلام المظبوت

البنت عشان تعزز نفسها وتكبر ف عين الشاب

لازم حتي لو بتحبه ..متدهوش الفرصه للآيطالة

يعني آتنين آعجبو ببعض والشاب حاول يكلمها

تجبله من الآخر كدا ..وتقوله بيت آهلي مفتوح ^^

وتفهمه آنها ولا بتاعة لف ولا مشي ولو هو بيحبها

هيخبط ع الباب ..آنما غير كدا ..ممكن يكون بيلعب

بيها ..ومش كل الشباب ..صادقة ف مشاعرها

زى ما مش كل البنات صادقة ف كلامها ^^

[توحد ارواح]

فعلا دا موجود بنسب
ولكن المسئوليه علي البنت
المفروض تكون زى الجوهرة
من يتزوجها هو الاحق بمشاعرها وحياتها
وبرده الشاب المفروض يتقي الله
يارب اهدى شباب وبنات المسلمين
تسلمي يا قمر ع موضوعكِ
نورتي المنتدى