Sad Love مدير عام لمنتديات بنات مصر ؟!

[شاعرة الرومانسيه]

بصراحه يا أحمد انت أخ خلوق ومحترم

وتحب الحق وعمرك ما واريت احد ولا

أخطأت فى حق أحد

أنا شخصيا ما كنت شايفه عيرك فى الاداره

مع احترامى للادارين

مفيش مشكله الا ولجأت لك إلا وحليتها

وبعدها تنصحنى اعمل ايه ومعملش ايه

عمرى ماحسيت انك أصغر منى وكنت بقول

حاضر لانك صح وفعلا تفاديت مواقف كتير

واهنئك واشكرك كل الشكرعلى اختيارك الموفق

فعلا اختيارك كان مليون المائه صح

محمود نسخه من اخلاقك وطبيعتك

وهو صديق للكل وكلنا بنحبه ونحترمه

بتمنى له كل التوفيق

ولك كل التةفيق بحياتك

[Śลяą..ღ]

اقتباس المشاركة الأصلية كتبت بواسطة ƧĀƉ_ĿŌ∀Ē السلام عليكم بعد التحيه بدايه احب اذكر الاشخاص الذين اسهموا حقيقه ف جهد عطاء مميز ف الحقيقه ياجماعه انا كنت الاول داخل المنتدى لانه طلع ليه ف استطلاع وبحث ودخلت اعجبت بناس كتير ولم اكن اعرفهم دخلت وعرفت اول واحد وكان محمود المشرف الرياضى وشجعنى ولقيت تدعيم من احمد بطريقه خرافيه اعرف من يقولوا انى اللى بقولوا ده علشان منصب او الكلام ده لكن يعلم الله انا لا اخاف ف الحق لومه لائم خلينا نتفق انى المنتدى عايز خطوه ثبات لناس كتير بتحبه وبتشتغل تشريف وليس تكليف ونشتغل بحب اما تعليقى اولا ع كلامك يااحمد علشان النقط ما تهرب منى انا هنا موجود للمساعده وليس مكان احد ولا اقبل ان اكون مكانك او مكان د اسماء او اركو بلانكو او توحد كل واحد وليه دور يمكن انا مااعرف د اسماء عن موقف شخصى ولكن اقرا لها الكثير وكثير من الكتاب يقولوا عندما تريد ان تعرف شيئا اقرا عنه وعندما تريد ان تبحر وتعرف شخص اقرا لها وهذا ما ينطبق على د اسماء اما بالنسبه لمجهود احمد الماجيك صدقونى انا من يوم بس عرفت انى الاحمر ده مش مجرد منصب ده حمل تقيل اوى من طلبات ورسايل وده وده ومشاكل وتقنيات ونحن متفقون انى احمد كلمه مدير عام دى اقل حاجه لاحمد يمكن ساعات لاننا مش بنشوف اللى جوا الصندوق هو انسان مطلوب منه انه ينفذ قوانين وفى نفس الوقت يرضى الناس جميعا وف الناس الوقت ما يكون متعصب وف الناس الوقت يكسب الكل ولايكلف نفسا الا وسعها وانا عرفت احمد عن قرب وصدقا عمره ما رفض طلب وعمره ماتاخر اما بالنسبه لاركو بلينو حورى انا ارى انها تقوم بالجهد المبذول ع قد مااقدر وبرده كانت ليها مجهودات جميله من تصميمات رائعه وكلمات محفزه وكمان توحد الاستاذه ندى بتعمل للى عليها ولا ننسى انى لكل واحد بيت ومسئوليه الدنيا مش منتدى الدنيا واقع وصدقا اللون ورانى ناس كتير بتحبنى عن صدق اقسم بالله ده يكفى وصدقنى يااحمد انا كسبت من بنات مصر كتير اوى كسبت د اسماء شخصيه محترمه جدا ف التعاون والاسلوب المميز كسبت جبل عالى وتعلمت منها الكثير كسبت ايمان طلعت كسبت اخى الحبيب ابو عصام كسبت فداء دمعه حائره كسبت ايمان طلعت اللى فعلا اكتر حد انا قرفته ف حياته من كتر طلباتى ولكن كانت مثال حسن ونموذح الاخت اللى انا بعزها جدا د حازم محمود الصاروخ نور لمار د هنا كلهم اخواتى اللى انا بحترمهم وبتعلم منهم وليعلم الجميع انى شخص مكمل وليس اداارى شخص بيحاول يعمل لمنتدى بجد انا حبيته ولما بكتب مقال بكون مبسوط من ناس بترد عليه ناس محترمه انا اتعلمت منهم صدقا اكتر واحد اانا اخدت حقى هنا والله ساعات بننسى انى دى اماكن تشريفيه والباقى هو الحب والاحترام وصدقا انا مبسوط انى معاكم وتعقيب اخيرا انا مش مكانك يااحمد ولا مكان د اسماء ولا مكان اركو ولا توحد انتوا عملتوا كتير وقبلى اانا علمت واستمريت معاكم نتيجه لاسلوبكم الجميل وصدقا انا حته من غير لون برده حفضل ادى احسن مكان انا حبيت ناس وتعلمت فيه الكثير تعلمت من ابوعصام وجبل روح الكتابه من القيصر وايلانا التعاون والفكره السليمه من الصاروخ الخناق والاختلاف والحب الاخوى اننا نشد وبرده بنحب بعض تعلمت من د هنا الروح الحلوه تعلمت من لمار الخلق الحسن تعلمت منكم الكثير وفعلا انا مش رئيس ع حد ولا انا احسن منكم يكفى كلمه لن انساها من د اسماء تستحق الشكر عليها مافيش اوامر احنا كلنا اخوات دى ليه معانى نبيله كتير فلكم منى كل الاحترام الوافر لكم واشكر كل من اشعرنى بالاحترام والتقدير منكم واسف ع الاطاله

روحك حلوة والله يا محمود
وانا عارفه انو حمل صعب
مع انى مجربتوش قبل كدا
بس انت تستاهل بجد
وانا اول واحده هزهقك
زى ما كنت مزهقه احمد كدا:d
استحملنى بقا يا عم ^^

[حـيـــــآة ❤]

احمد!!
اومال انا هدوش دماغ مين؟
الاداره القديمه طارت كده؟
عامةً والشهاده لله انت ونعم الاداري ونعم الاخ
وعمري ماهنسي مساعدتك ليا
بس منقدروش منشوفش اسمك ف المنتدي باللون الاحمر
اللي ع طول مخفي ده
فـَ انت اخ جميل واداري بيتعامل مع الاعضاء بكل عادي
عارف يعني ايه بكل عادي دي؟؟
ههههه
بكون مبسوطه لو رجعت ولاقيتك احمد وباللون الاحمر
اومال هخلص وازهق مين؟؟
بالنسبه لمحمود
هو اكيد بيستاهل واكثر وانا واثقه انه بايده يقدم ومستعد يقدم كل شي حلو للمنتدي
والله يوفقه باذن الله
الله يوفقكم احمد،ومحمود

[Just Ahuman]

وعليكم السلام ورحمة الله وبركاته ... أولاً إختيار موفق أحمد بصراحه محمود خير أهل للموضوع والله يكون في عونه على المسئوليه المهوله اللى إتولاها حاجه صعبه جداً وعن تجربه حاجه تقيله جداً بجد بس هو قدها إن شاء الله

بالنسبه لقرار تنازُلك عن الإداره أنا مش معاك فيه بصراحه .. كلنا عندنا حياتنا وشغلنا بس بندخل ونشوف المنتدي وندي على قد ما نقدر .. وزي ما قال محمود الصاروخ و بصراحه هو مغلطش فيه ناس كتير هنا ألوان على الفاضي ومش بتضيف أي شئ فى المنتدي فمش هيحصل حاجه لو حتي تدخل ساعه كل يوم تطمنا عليك وتحسسنا إنك موجود .. وبصراحه مش شايف حد هيقدر يتعامل فى المشاكل التقنيه غيرك مع إحترامي للجميع وبجد يعز عليا أفتح وملاقيكش .. حاول تفكر تاني عشان هنا كلنا بنحبك

[ملاك صعبة الإمتلاك]

احم احمم
مبرووككك قبل كل حاجه للاداري الجديد
وانشاء الله هو اكييد اد المسؤووليه
المهم بقا الماجيكك لازم تفضل موجود
انا من الناس القديم هنا بجد على الرغم من اني مش بدخل الا نادر
بس مش معقول لما ادخل اشوف خبر استقالتكك
بس اكييد لو انت شايف ان المنتدى بيعيقكك عن حاجات مهمه فطبعا مستقبلك اهم
بالتووفيق ليييكك ولييه وانشاء الله خير ^^

[Doaa Hammam]

الف مبروك لمحمود على االادارة

وربنا يعينه على المسئولية لان مثل ما هو قال الادارة تكليف مش تشريف

الله يعينك يا محمود ويوفقك وانت قدها وقدود

لكن زعلانة من قرار الماجيك انه يهجر المنتدى

يا ريت تدخل بس لو ساعه باليوم لان الكل هنا بيحبك ويحترمك

مع تمنياتي ودعواتي لك بالتوفيق في حياتك العملية وحياتك الخاصة

لكن برضو لا تحرمنا من تواجدك بينا ولو بأقل وقت متاح عندك

[Lamees]

علي طول الحياة
نعاشر ناس
ونعرف ناس
ونرتاخ ويا ناس عن ناس
هي الدنيا كده
منقدرش نقول غير ربنا يوفقك
ووفقت اكيد في اختيار محمود
الف مبروك الادارة محمود
وربنا يوفقك ماجيك

[۩۩ elMagic ۩۩]

مبدأيا انا معملتش لايك لاى رد ف الموضوع
عشان محدش بس ياخدها بحساسيه كلكوا اخوتي
خلينا ف جانب الحياد بقى
بس واجب عليا اوضح نقطه مهمه
يا جماعه المنتدى بالماجيك ولا من غير ماجيك هيمشى بردوا
ومش الماجيك لوحده اللى اسس المكان دا
كل شخص اعطى بضمير وبصفاء نيه وعمل اللى عليه اتجاه المكان
يعتبر ساهم في تأسيس الموقع
ولو هنتكلم عن الاداره
موجود اركو بالينو صاحبة الطلات الغير تقليديه بافكارها ومسابقاتها
و توحد ارواح النسمه صاحبة التواجد البسيط الهادي
ليها لمساتها وطريقتها في ادارتها لمواضيعها
ونختمها بـ أسماء يمكن ضغوطات الدراسه كانت غالبه
ولكن عندها افكار راقيه واسلوب مميز وان شاء الله هتنزل بيها لاحقاً
ربنا يقدرنا جميعاً بإذن الله واللى جاى يكون أفضل ان شاء الله
كل الشكر والتقدير لمن اعطى مقوله في حقي
دا شئ يشرفني اكيد
اخجلتم تواضعنا

[طبيب الهوى]

يا واد يا حودا

اياك تكون فاكر ان أحمد اداك هدية

ده اداك مصيبة كارثية

الله يكون في عونك بئا

بس أنت ادها يا واد

وانت يا عم أحمد بتتبغدد علينا

عشان تعرف غلاوتك عندنا

طيب ايه رايك بئا ملكش اي غلاوة خلاص

يلا لم عزالك وامشي

بس تفتكر هتقدر تمشي؟

شوف يا احمد

من حقك تبحث عن تكوين مستقبلك وتبدأ حياتك

بس حاول توزن الوقت هتلاقي على الاقل ساعة اسبوعياً

تقدر تدخل وتطمنا عليك ولا احنا مش غاليين عليك ولا ايه

الله يوفقك يا أحمد في حياتك العملية والأسرية آمين

ويوفق البروف حودا في مهمته الصعبة ويقدره عليها

تحياتي وودي وورودي

أبو عصام

[ساحر الأحزان]

محمود شخصية محترمة ومحبوبة

يستحق التقدير الف مبروك يا حودة

اما انت ماجيك

مش ينفع حاليا تترك المنتدى

لانك تعتبر الداعم الفنى لية

لان دة يعتبر اهم شىء فى المنتدى

خليك معاهم وشجعهم

ولما تحس ان الوقت خلاص والولاد فهمم كل شىء

يبقى توكل على الله

ولكن حاليا صعب الرحيل