مشكله مع واحده صاحبتى :(

[♥○ moOoOoOna ♥○]

بسم الله الرحمن الرحيم


انا عندى واحده صاحبتى بحبها اوووى

ومن زمان وبقالنا سنين واحنا اصحاب

ومؤدبه جداً وبتحبنى جداً وانا كمان بحبها اوى

بس مش عارفه ليا معاها مشكله ممكن يتقال عليها تافهه

بس مخوفانى وقلقانى

المشكله انها احياناً كتير بتتأخر

يعنى يكون ورانا حاجه الساعه كذا و نكون متفقين على ميعاد تكون عندى فيه ونروح ممكن تتأخر و توصل عندى البيت على ميعاد المكان نفسه

ولما بتعدى عليا ايام الامتحانات و بتيجى متأخر ساعات انا بقلق ..

بخاف اتأخر او اوصل على ميعاد بدء الامتحان بالظبط

ولما نروح مراجعه مثلاً قبل الامتحان متأخر واعاتبها ومن حسن حظنا تكون لسه مبدأتش تقولى لما تبدأ تبقى تتكلمى

ياسلام !! وانا هستنى بقى فى مره تانيه لما تيجى فى حاجه كبيره فى امتحان ولا حاجه ؟

ومش كل مره تسلم الجره

وكل ما اكلمها او اعاتبها تقولى انتى بتجرحينى وبتقوليلى كلام جارح

ولما امشى واسيبها لما بتزيد عن حدها فى التأخير تزعل بردو وتقولى انا لو مكانك كنت استنيتك

طب اعمل ايه معاها ؟

استنى يعنى لما مستقبلى يضيع

وانا مبحبش ازعلها ومش عايزه اخسرها

بس مش بحب التأخير الزايد عن حده

[ايمان طلعت]

الالتزام بالمواعيد دي حاجه كويسه
خصوصا لو كانت مهمه
عن نفسي بكرة جدا عدم الالتزام بالمعاد المحدد
فانتي كلميها بالراحه وفهميها
انها لو اتاخرت هتمشي لانك مش بتحبي تتأخري
وملتزمه بمعاد رجوع للبيت
لو استمرت بقي متروحيش معاها تاني فمكان
والتزمي انتي بمواعيدك
متخليش صداقتها وتأثيرها عليكي يأثروا علي مستقبلك
لان دي حاجه سلبيه فالحياه عموما
موفقه

[♥○ moOoOoOna ♥○]

لا هى حكاية مرواح مش رجوع للبيت


يعنى اكون رايحه امتحان احياناً تتأخر عليا فبخاف


بس دى من اعز اصدقائى والله


وعلى فكره هو دا اللى بقولهولها مش بقولها كلام جارح ولا حاجه زى ماهى فكره


وساعات بمشى فعلاً الاقيها فى وشى بتقولى بكل برود ازيك هههههههههههههه


وانا بردو مش بحب ازعلها دى صاحبة عمرى

[♥○ moOoOoOna ♥○]

ااااااااااه صحيح

منوره يامنمونه ^ـــ^

[ايمان طلعت]

مهو لما تتأخري علي مشوارك هتتأخري في الرحوع
بعدين دي دروس وامتحانات مش رايحيين النادي
هي باين عليها مكبرة دمافها
بس حاولي معاها مادام مش عايزة تخسريها
مرة علي مرة تتلزم

[ابو نصير]

اقتباس المشاركة الأصلية كتبت بواسطة ♥○ moooooona ♥○ لا هى حكاية مرواح مش رجوع للبيت يعنى اكون رايحه امتحان احياناً تتأخر عليا فبخاف بس دى من اعز اصدقائى والله وعلى فكره هو دا اللى بقولهولها مش بقولها كلام جارح ولا حاجه زى ماهى فكره وساعات بمشى فعلاً الاقيها فى وشى بتقولى بكل برود ازيك هههههههههههههه وانا بردو مش بحب ازعلها دى صاحبة عمرى

ربنا يدوم الصحبه الطيبه ولا تنقطع بينكم
وخود صاحبك على عيبه طالما مبيضرش وكلنا عيوب ومن يتحمل عيوب الصداقه إذا تكون هذه الصداقه
صداقه صافيه خالصه من القلب سيدتى واستمرى
ارق التحايا

[حـيـــــآة ❤]

اهاا عارفه يامونه دي مشكله جيل بحاله
انا ممكن ابقي مستنياها ف البرد ده نص ساعه بحالها!
بس بمشي واسيبها..
منا مش هتاخر واربط نفسي بيها وكمان عشان تتعلم انه التاخير مش حلو
وكتير اوي بئا بيحصل الموضوع دا
بس دا مش معناه انكم تخسروا بعض
حاولي تفهميها انه الموضوع بيدايق فعلا وغير صحيح
والله يوفقج ويخليكوا لبعض بئا

[♥○ moOoOoOna ♥○]

والله لو مستنياها فى الشارع اخرى معاها 10 دقايق ههههههههه بستناها فى البيت الحمد لله

بس خليتنى استناها قبل كده بتاع 10 دقايق فى الشارع وانا مش بحب استنى فى الشارع ><

حاجه تضايق فعلاً دى مشكلة الناس كلها ههههههههه معظم الناس يعنى

وانتى جيبتى المفيد لما قولتى مش هربط نفسى بيها دى

وانا بكلمها مفيش فايده ><

بس فعلاً همشى بعد كده خلاص مش هستنى غير 5 دقايق

[د/ عبد الله]

مش هقولك سيبيها وامشى لان مرة فى مرة هتتعودوا على كده
ومش هتستنو بعض وتبقى كل واحده فى حالها وصداقتكم هتتأثر كتير

الحل انك انتى اللى تقفى فوق دماغها.
روحيلها انتى ع البيت مش تستنيها تجيلك
روحى قوميها من البيت وزنى عليها يلا اتأخرنا انجزى همشى واسيبك
بعد كده هى اللى هتجيلك عشان متروحيش تتعبيها
وربنا يوفق الدنيا على بعضها

[حـيـــــآة ❤]

اهههههه يانهااري
انا كدا عملت مشكل صح هههههه
اخرك معاها ايه متستنيهاش اصلاً هههههه
بصي انتي تكلميها تاني ولو لسه العاده دي مش سايباها اتخذي قرارك
لكن مين عالم يمكن عندها ظروف بتأخرها