احنا عملنا ايه؟

[د/ عبد الله]

السلام عليكم

أول موضوع ليا هنا ف الفضفضة

كنت بأصلى مع العمال فى المسجد وبعد الصلاة بصيت كده لاتنين منهم وقلت فى نفسى

الناس دى اللى عدت الستين وفيه واحد معدى السبعين , سايبين بلادهم ومتغربين فى بلد

ميعرفوش لغتها وبيقعدو أقل حاجة سنتين عشان ينزلو أجازة وفيه اللى بيقعد تلاته و أربعه

الناس دى قضت حياتها بعيد عن أهلهم وأولادهم عشان يقدروا يوفرولهم متطلبات حياتهم

ولو واحد عنده بنت عشان يزوجها ده محتاج شغل سنين لان الزواج فى الهند بالنسبة للبنت

مكلف جدا لان ابو العروسه هو اللى بيدى العريس فلوس وبيجهز


المهم انهم عايشين حياتهم عشان رسالة معينة عايزين يأدوها ومتحملين

التعب والمشقة وحياة الكفاف والبعد عن ولادهم عشان يكملوا رسالتهم

واحنا لو حد فينا تعب شوية وهو فى عز شبابه أو بعد عن أهله سنة بيحس انه عمل اللى

متعملش وانه بيضحى

يا ترى احنا عايشين عشان رسالة عايزين نأديها وبنتحمل التعب عشانها

[واد حبيب]

انا عندي هنا برده ناس من كوريا الشماليه ومن الهند كبار في السن
الناس دي بتختلف عننا كتير
احنا صعب علينا اننا نقعد سنتين او تلاته
لكن دولت ممكن يقعدو عمرهم كله هنا
طبعا كل واحد فيهم فيه حاجه عوز يعملها ومتغرب علشانها
بس فيهم اخد علي الغربه ومش عوز يسبها
وفيه برده مصريبن معاهم فلوس بس حبو الغربه ومش عوزين ينزلو مصر

[حازم34]

اهلين اخي الحبيب دكتور عبد الله


لو دققت شوي سوف تري اغلب الموجودين من المسلمين


ناس غلابه جدا مضطهدين في بلدانهم يعيشون اسوا عيشه


ولذلك قله من رايت من غير المسلمين اوما تعلم ان هناك اغنياء العالم


اغلبهم من الهنود وان الهند دوله كبري الان ولكن الي الان لايحسنون معامله


المسلمين ولذلك ياتي الي هنا ويفرح اشد الفرح ويكلفه السفر الكثير


والكثير واغلب المهن التي نراها من المهن العاديه اما هناك هنود في ارقي


الشركات واحسنها واسال عن دبي ومابها من ابراج لهنود وبالطبع اغلبهم غير مسلمين


هؤلاء الناس فعلا مجتهدين في الحياه ويحبوا اولادهم جدا والان يصرفون اموالهم


في تعليم اولادهم سواء بنين او بنات في المداارس العليا


وهم في رساله والكل منا في رساله


وارض الله واسعه فليهاجر من يهاجر


ولاتنسي ان نحن المصريين حنونين بطبعنا


ولانريد البعد كثيرا للعلاقات الوطيد ه


بارك الله فيك

فضفضه جميله

[العاشق الذى لم يتب]

ومن المصريين
من يقعدباكثرمن خمس سنين وشوفت بنفسى
واظن السبب الرئيس
هو الفقرالمتكامل
وظروف الحياة
كان الله فى عونهم
وعون زوجاتهم واولادهم
شكرالك
دكتور
مودتى

[د/ عبد الله]

اقتباس المشاركة الأصلية كتبت بواسطة واد حبيب انا عندي هنا برده ناس من كوريا الشماليه ومن الهند كبار في السن الناس دي بتختلف عننا كتير احنا صعب علينا اننا نقعد سنتين او تلاته لكن دولت ممكن يقعدو عمرهم كله هنا طبعا كل واحد فيهم فيه حاجه عوز يعملها ومتغرب علشانها بس فيهم اخد علي الغربه ومش عوز يسبها وفيه برده مصريبن معاهم فلوس بس حبو الغربه ومش عوزين ينزلو مصر

هما أغلبهم مبيروحوش كتير عشان التكلفة والمصاريف
وبيقعدو هنا وهما كبار فى السن
ربنا يعينهم ويعينا
بس بتوع كوريا دول فين يا ريس

[دمعه حائره]

الغربه مره حتى لو كانت فى جنة
واحنا المصريين لينا عادات وعاطفه بتربطنا ببعض
قليل اللى يقدر يبعد المده دى عن اهله
وكل انسان لازم يخلق فى حياته هدف ورساله يعيش عليها
هى اللى بتدى لحياته معنى
تسلم دكتور وربنا معاك ويوفقك

[ابو نصير]

اقتباس المشاركة الأصلية كتبت بواسطة dr.abdullah السلام عليكم أول موضوع ليا هنا ف الفضفضة كنت بأصلى مع العمال فى المسجد وبعد الصلاة بصيت كده لاتنين منهم وقلت فى نفسى الناس دى اللى عدت الستين وفيه واحد معدى السبعين , سايبين بلادهم ومتغربين فى بلد ميعرفوش لغتها وبيقعدو أقل حاجة سنتين عشان ينزلو أجازة وفيه اللى بيقعد تلاته و أربعه الناس دى قضت حياتها بعيد عن أهلهم وأولادهم عشان يقدروا يوفرولهم متطلبات حياتهم ولو واحد عنده بنت عشان يزوجها ده محتاج شغل سنين لان الزواج فى الهند بالنسبة للبنت مكلف جدا لان ابو العروسه هو اللى بيدى العريس فلوس وبيجهز المهم انهم عايشين حياتهم عشان رسالة معينة عايزين يأدوها ومتحملين التعب والمشقة وحياة الكفاف والبعد عن ولادهم عشان يكملوا رسالتهم واحنا لو حد فينا تعب شوية وهو فى عز شبابه أو بعد عن أهله سنة بيحس انه عمل اللى متعملش وانه بيضحى يا ترى احنا عايشين عشان رسالة عايزين نأديها وبنتحمل التعب عشانها

حبيب قلبى عبودى
لا يشعر بألام الغربه وعذابها اللى تغرب ........
ولكن سيدى هون عليك غربتك بذكر الله لكى يطمئن قلبك وكمل تلك الرساله فى سلام
ابو نصير
قال الامام علي : "الغنى في الغربة وطن، والفقر في الوطن غربة".
دمت بخير ودمت بحفظ الرحمن وربنا يهون عليك غربتك عبودى
............

[SaMa.]

محدش عندو هدف وكل الاحلام بتموت يوم ورا يوم
وكل الناس عاوزة تهاجر ولو هاجرو بردو موش هيرتاحو
لاننا كلنا غلط
ثانكس...