الحرمان

[pen whisper]

مدخل ::

هل فكرت يوماً لما تقف الفتاه امام المراه تتغازل فى نفسها ؟

هل فكرت يوماً لما تعشق الفتيات الغزل ؟

هل فكرة يوماً لماذا تبحث الفتاه عن الحب ؟

التحليل ::

انه الحرمان

فحين تتعارض سيكولوجية الفتاه التى تتميز بحب الجمال و الاناقه و التباهى

بالذات مع سيكولوجية الاسره و المجتمع التى تتفن فى وضع القيود تحت

مسمى [ المحافظه على الفتاه ] و النتيجه تكون الحرمان ، فتستعيض الفتاه

عن هذا الشعور و فقدانها لذاتها بالحركات اللا اردايه مثل الوقوف بساعات

امام المرآه تتغزل فى نفسها و تتمايل لترى انوثتها و تكبت حظها الشئوم

و فى صمتها الف سؤال و حيره و لكنها مغلوبه على امرها ، لذالك تبحث

الفتاه عن الحب و هو اسمى اهدافها لانها كائن شعورى و حسي يهوى

الاحاسيس بكافة الوانها الجميله ، فهى كائن لا يستخدم العقل كثيراً

فى مقابل مشاعرها لانها غير مقتنعه بكثير من تصرفات المجتمع اتجاهها.

الخلاصه ::

الحرمان ليس مرادف للمحافظه

و المحافظه فكره و ليست اجراء او قيد

[د/ عبد الله]

لا ضير أن تقف المرأة أو الفتاة أمام المرآة وتتزين لتشعر أنها جميلة
لكن إذا تزينت المرأة أو الفتاة ثم خرجت للشارع, فلمن تتزين؟
فالمرأة تتزين لزوجها والفتاة قد تتزين فى بيتها لتشعر بأنوثتها وجمالها
فإذا خرجت إلى الشارع فلا زينة , فقط لبسٌ محتشم مهندم

فما تسميه بقيود الأسرة والمجتمع على الفتاة هو عين المحافظة عليها
فهى ليست مَشاعا لكل الناظرين
إنما هى درةٌ مكنونة لا يمتلكها إلا من يستحقها
وهذا هو أمر الدين

[pen whisper]

اقتباس المشاركة الأصلية كتبت بواسطة dr.abdullah لا ضير أن تقف المرأة أو الفتاة أمام المرآة وتتزين لتشعر أنها جميلة لكن إذا تزينت المرأة أو الفتاة ثم خرجت للشارع, فلمن تتزين؟ فالمرأة تتزين لزوجها والفتاة قد تتزين فى بيتها لتشعر بأنوثتها وجمالها فإذا خرجت إلى الشارع فلا زينة , فقط لبسٌ محتشم مهندم فما تسميه بقيود الأسرة والمجتمع على الفتاة هو عين المحافظة عليها فهى ليست مَشاعا لكل الناظرين إنما هى درةٌ مكنونة لا يمتلكها إلا من يستحقها وهذا هو أمر الدين

لا استبيح الفجور و لكن أمر الدين فكره تحتاج الى اقتناع

لتنفذ بحكمه و ليس قيود توضع فمن السهل الخروج عنها

الالتزم ياتى عن قناعه و ليس عن توارث

شكرا لك

[شاعرة الرومانسيه]

مش كل النساء عاشقات للمرآه

لأن الوقوف بالساعات ده سلوك مرضى

بتسيطر الأنا على الروح

ومن صفات هذه الشخصيه

الأنانيه وحب الذات والسلبيه

ايوه ما بنستغنى عنها

لكن كوسيله وليست غايه

تسلم ايديك اخى

[د/ عبد الله]

اقتباس المشاركة الأصلية كتبت بواسطة pen whisper لا استبيح الفجور و لكن أمر الدين فكره تحتاج الى اقتناع لتنفذ بحكمه و ليس قيود توضع فمن السهل الخروج عنها الالتزم ياتى عن قناعه و ليس عن توارث شكرا لك

أخى , أى اقتناعٍ هذا الذى يحتاجه أمر الدين؟

ما جاء فى الدين ومتفقٌ على صحته كأمر احتشام المرأة وعدم تبرجها لا يحتاج إلى اقتناع

فما أمرنا الله به هو الخير والصلاح وإن لم نعلم الحكمة منه , بل وجب الالتزام به.

فهل تحتاج الصلاة إلى إقناع؟

[pen whisper]

اقتباس المشاركة الأصلية كتبت بواسطة شاعرة الرومانسيه مش كل النساء عاشقات للمرآه لأن الوقوف بالساعات ده سلوك مرضى بتسيطر الأنا على الروح ومن صفات هذه الشخصيه الأنانيه وحب الذات والسلبيه ايوه ما بنستغنى عنها لكن كوسيله وليست غايه تسلم ايديك اخى

ليسوا مرضى بل هم نتيجه مجتمع معقد

لو اوجدنا الحنان و الحب فى الاسره لما افتقرت الفتاه الى الانطواء

و البحث عن الذات خارج حدود الاسره

شكرا لك

[pen whisper]

اقتباس المشاركة الأصلية كتبت بواسطة dr.abdullah أخى , أى اقتناعٍ هذا الذى يحتاجه أمر الدين؟ ما جاء فى الدين ومتفقٌ على صحته كأمر احتشام المرأة وعدم تبرجها لا يحتاج إلى اقتناع فما أمرنا الله به هو الخير والصلاح وإن لم نعلم الحكمة منه , بل وجب الالتزام به. فهل تحتاج الصلاة إلى إقناع؟

كام واحد مسلم و مش بيصلى ؟

ملايين

و هل تعرف السبب لانه الدين عنده متوارثه و بس خانه فى البطاقه

اما لو اقتنع فكرينا بدينه هينفذ كل التزاماته و هيصلى و يصوم و هيعمل

كل حاجه

اما لو مش هقتنع هيسمع الاذان و مش هيصلى و الكسل هيغلب عليه

[د/ عبد الله]

اقتباس المشاركة الأصلية كتبت بواسطة pen whisper كام واحد مسلم و مش بيصلى ؟ ملايين و هل تعرف السبب لانه الدين عنده متوارثه و بس خانه فى البطاقه اما لو اقتنع فكرينا بدينه هينفذ كل التزاماته و هيصلى و يصوم و هيعمل كل حاجه اما لو مش هقتنع هيسمع الاذان و مش هيصلى و الكسل هيغلب عليه

اللى مش بيصلى عشان مش مقتنع بالصلاة فهو كافر

ولو سألت كل أو الغالبية العظمى من اللى مبيصلوش مبتصليش ليه؟ هيقولك كسل

واتعودت على كده.

شوف... أنا مش ضد ان المسلم يقتنع بأمور دينه لكن ميبقاش الاقتناع هو السبب للتنفيذ

فيه مقولة لعلى بن أبى طالب بيقول: لو كان الدين بالعقل لكان المسح على أسفل الخفين أولى

من المسح أعلاها.

يعنى لو هنتكلم بالعقل يبقى المفروض امسح رجلى من تحت ف الوضوء لو همسح ع الشراب

لو تعارض العقل مع النقل فالنقل هو الصحيح.

علم ابنك دينه صح ولو فيه حاجه تقدر تفهمهاله وتبينله الحكمة منها اعمل كده

لكن متقوليش مش هعمل الحاجة دى الا اذا كنت مقتنع بيها؟؟

وبعدين هو الاحتشام وعدم التبرج محتاج اقناع فى ايه؟

[fanaa]

مش عرفه هتصدق ولا لاء انا عندى فوبيا مرايات لدرجه بتوصل معايا للصريخ
ممكن تشوفها حاجه غريبه
بس انا احب اشوف انعكاس صورتي فى اى حاجه مشوشه ولا اني اشوفها بمرايه
تحليلك مش منطقى مش كل وحده بتبص فى مرايه بتعانى من حرمان
فيه وحده تبص فى مرايه وكأنها بتحاكى نفسها
وممكن بتبصلها عشان تلعن شكلها
واحيانا بتبص ليها بكنيه الغرور
والقيود الا بتحطها الاسره دى مش قيود بالعكس دى محافظه وواجب هيتسألوا عليه
موضوع راقى

[pen whisper]

اقتباس المشاركة الأصلية كتبت بواسطة dr.abdullah اللى مش بيصلى عشان مش مقتنع بالصلاة فهو كافر ولو سألت كل أو الغالبية العظمى من اللى مبيصلوش مبتصليش ليه؟ هيقولك كسل واتعودت على كده. شوف... أنا مش ضد ان المسلم يقتنع بأمور دينه لكن ميبقاش الاقتناع هو السبب للتنفيذ فيه مقولة لعلى بن أبى طالب بيقول: لو كان الدين بالعقل لكان المسح على أسفل الخفين أولى من المسح أعلاها. يعنى لو هنتكلم بالعقل يبقى المفروض امسح رجلى من تحت ف الوضوء لو همسح ع الشراب لو تعارض العقل مع النقل فالنقل هو الصحيح. علم ابنك دينه صح ولو فيه حاجه تقدر تفهمهاله وتبينله الحكمة منها اعمل كده لكن متقوليش مش هعمل الحاجة دى الا اذا كنت مقتنع بيها؟؟ وبعدين هو الاحتشام وعدم التبرج محتاج اقناع فى ايه؟

انا مش جبيت سيرة التبرج او عدم الاحتشام يا سيدى الفاضل

و رايك يحترم

شكرا لك