طياره حلم بقلمى

[fanaa]

طياره حلم معديه قدامى .. وفاتت

مع نسمه هوا حلوه شقيه

مليانه أفراح

صحت جوايا حاجات ليا .. كانت فيا

صحت احلام أتمنتها من زمن

أهو راح

مابين الغيمه بتعدى

خيطانها تجيبها وتودى

طيور من حب حواليها

وبتحى بشمس صباح

عيونى معاها فين ما تكون

بتسحرنى بشيئ مجنون

بشوف أيامى من تــــانى

ممحـــى منها كل جراح

تعدى ... على كل شارع

للرايح ... والا راجع

ترسم البسمه ... فى نسمه

تزف الارض بالأفراح

أمل من تانى قدامى

ولحظه هزتلى كيانى

خلتنى أبدأ من تانى

وأنسى ماضى عدى ... وراح

بطير وياها أنا بخيالى

وقلبى من الهموم بقى خالى

ياريت الدنيا دى تخلالى

ومايسكنها الا طيـــر صداح

وفجأه الريح ... تغيرها

للأحزان ... تديرها

بغل عاوزه تدمرها

وتكسر فيها كـــل جناح

تصـــرخ فى الهوا وتنــادى

خيطانهــا أتشبكت فى أيــادى

اليـــأس يضمها ع الهادى

ويسكن فيها كل براح

ياطياره .. مابين الويل

يا دمعه حزن عتمه وليل

قرارك فى الامل كان غلطه

وكل شيئ أتهد ورا ح

ولحلمى معا كى دمعى يسيل

ورق الحــزن تــانى يميل

وسكــنت تانى جوايــا

ضلمـــه ليــــل مالوهش صبـــاح

[فداااااااااااء]

طيب ليه الخاتمة المحزنة دى
خليها بالأمل تانى وإن شاء الله تلاقى أجمل الأحلام
جميلة فناء
تسلم ايدك يا قمر

[توحد ارواح]

لا مش تيأسي
اليأس بيحطم النفس
ممكن من تاني الخيوط تتحل
وتطير الطياره فوق وتاخدك لاجمل حياه
حتي لو ف الاحلام
رائع فناء وذات معني
دام نبض قلمك

[حازم34]

جميل ما كتبتي وابدعتي ولكن


كنتي خلي الافراح والاحلام الجميله علي طول


وليه الحزن تاني تاني والياس


تسلمي يارب وقلم جميل


لكي مني خالص التحيه والتقدير

[العاشق الذى لم يتب]

قلم راقى
وقلب مليان غرام وموجوع
تفائلى مبدعتنا
تحياتى

[fanaa]

اقتباس المشاركة الأصلية كتبت بواسطة فداااااااااااء طيب ليه الخاتمة المحزنة دى خليها بالأمل تانى وإن شاء الله تلاقى أجمل الأحلام جميلة فناء تسلم ايدك يا قمر

مرورك اجمل يا فداء نورتينى حبيبتى

[fanaa]

اقتباس المشاركة الأصلية كتبت بواسطة توحد ارواح لا مش تيأسي اليأس بيحطم النفس ممكن من تاني الخيوط تتحل وتطير الطياره فوق وتاخدك لاجمل حياه حتي لو ف الاحلام رائع فناء وذات معني دام نبض قلمك

كلام جميل اختى توحد
الله يخلى ايامك امل وسعاده
تسلميلى ع المرور

[fanaa]

اقتباس المشاركة الأصلية كتبت بواسطة حازم34 جميل ما كتبتي وابدعتي ولكن كنتي خلي الافراح والاحلام الجميله علي طول وليه الحزن تاني تاني والياس تسلمي يارب وقلم جميل لكي مني خالص التحيه والتقدير

مرورك اجمل اخى الكريم
تسلم ع مرورك الطيب

[fanaa]

اقتباس المشاركة الأصلية كتبت بواسطة العاشق الذى لم يتب قلم راقى وقلب مليان غرام وموجوع تفائلى مبدعتنا تحياتى

قلم ضعيف جمب قلمك يا العاشق
تسلم لمرورك الكريم أخى

[King of sunglasses]

خاطرة راقية ومميزة وجديدة ورائعه كروعة روحك