لو مستغرب اكيد هيكون فيه اغرب ..

[محمود الصاروخ]

لو مستغرب أكيد هيكون فيه اغرب

لو مش مصدق تعالي قرب وجرب

لو شوفت كلامي تعالي من غير ماتهرب

بس مش مسئول لو مشيت من عندي متكهرب

علم الرجوله تعالي ليا وانا اعلمك

ومعني الشقاوه تعالي برضه وانا افهمك

شاب تمام وفي أي مكان عامل قلبان

انزلي وانا أوريك بعينك معني الروقان

بس تقدرني وانا أخليك ديما فرحان

مش هتكلم كتير كل الحكايه ان بحب التقدير

عمري ماحبيت ولا هحب شغل التحوير

حياتي كلها للرجاله والعمد والأبطال

بعد كده مفيش أي كلام يتقال

انزل المنصوره واسأل عليا

في شارع الدرسات واسأل رأيهم فيا

بنزل أي مكان بره بلدنـا

تحت شعــار

الضربه الجويــه من أبطــال الدقهليــه

وده ملخص بسيـط في الإبداعات العاميه

ماهو أصل انا م المنصـوره عالميــه



#ملحوظه ومكتوبه في المدونه أكتر من مره ..
الحمدلله رب العالمين عمري ما ببدأ بخسارة أي حد دايما شاري وبكون
راجل ع الجد بس اللي بيخسرني مره لو هو مين أو بالنسبالي ايه
صعب انه يكسبني تاني بس أهو كل اللي ف إيدينا نقوله
ربنا يهدي الجميع ويدي كل واحد علي أد نيته

.. مش غرور بس كل الحكايه ان عمري م البشريه ماهكون مكسور ..

محمود الصاروخ
من أرض المنصوره عالميه
( الثلاثاء - 16 فبراير 2016 )

[fanaa]

يا سلام ياسلام ع الكلام
جميله يا محمود يا صاروخ
يدوم التميز

[الفيلسـوف]

ياعينى ياعينى ع المنصوره ورجالته
الجدعان يعنى الرجوله والاخلاق
يااخى انته عليك كلام ف الجون
تسلم ايدك ياحوده

[countess]

ايه دا دي أغنيه راب ولا ايه

بجد تنفع راب انا بقرا ببالي لحن اهل فن الراب ههههههههههههه


الكلمات جميله محمود استمر

[حازم34]

الله عليك تسلم ايديك يا حبيب والديك


يعني انت من المنصوره ونعم والله في المنصوره



شارع الدرسات هروح بنفسي واقول


فيه شاب هنا اسمه علي كل الالسنه راجل ومحبوب


اكيد علي طول هيقولوا محمود


اكيد وابصم علي كدا

كلمات جميله والله محمود اسعدتنا يا راجل


تسلم والله لك مني خالص التحيه والود

[شاعرة الرومانسيه]

ماهو أصل انا م المنصـوره عالميــه

فليحيا شباب المنصوره ورجالة المنصوره وبنات المنصوره

باريس مصر طبعا

[محمود الصاروخ]

اقتباس المشاركة الأصلية كتبت بواسطة fanaa يا سلام ياسلام ع الكلام جميله يا محمود يا صاروخ يدوم التميز

ياسلام ياسلام علي المرور الاجمل
منوراني اختي والله

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē ياعينى ياعينى ع المنصوره ورجالته الجدعان يعنى الرجوله والاخلاق يااخى انته عليك كلام ف الجون تسلم ايدك ياحوده

بنحب اللي يقدرنا وبالخير دايما يفتكرنا
مرورك هو الاجمل صديقي الغالي جدا
تسلم علي مرورك ياحوده

[محمود الصاروخ]

اقتباس المشاركة الأصلية كتبت بواسطة countess ايه دا دي أغنيه راب ولا ايه بجد تنفع راب انا بقرا ببالي لحن اهل فن الراب ههههههههههههه الكلمات جميله محمود استمر

كلمات بسيطه جدا ساره ولا راب ولا حاجه
مرورك هو الاجمل والله
منوراني ديما

[محمود الصاروخ]

اقتباس المشاركة الأصلية كتبت بواسطة حازم34 الله عليك تسلم ايديك يا حبيب والديك يعني انت من المنصوره ونعم والله في المنصوره شارع الدرسات هروح بنفسي واقول فيه شاب هنا اسمه علي كل الالسنه راجل ومحبوب اكيد علي طول هيقولوا محمود اكيد وابصم علي كدا كلمات جميله والله محمود اسعدتنا يا راجل تسلم والله لك مني خالص التحيه والود

حبيب قلبي حازم باشا الرجوله كلها
تسلم علي كلماتك الجميله جدا
منور يابوقلب طيب