يا اخينا دي زوجتك --

[انجي_1]

يا اخينا دي زوجتك --

مش عيب علي فكره انك تمسك ايدها وانتو ماشيين في الشارع
ولا عيب انك تعلن حبك لها قدام "اهلك" و "اهلها"
مش عيب انك تناديها باحب الاسماء ليها......،
ولا عيب ان في غيابك ترن وتطمن عليها
مش عيب انك تقول اسمها قدام الناس
ولا عيب انك تساعدها في شغل البيت ···
مش عيب انك تفسحها لوحدها وبس وتحسسها انها سبيشال ★
ولا عيب انك تجبلها حاجه بتحبها علشان تعرفها انك لسه فاكر بتحب ايه
العيب انك تحسسها انك غريب وانت ماشي جنبها في الشارع علشان الناس تقول عليك "سي السيد" وتمشي بينك وبينها متر علي الاقل
العيب انك متمدحهاش قدام اهلك وتحسسها انها غريبه عنكم
العيب انك تناديها باسم مش حباه او تفضل تناديها باسم ابنها لحد ما تقرب تنسي اسمها وتنسي ان الرسول امرنا ننادي الشخص باحب الاسماء اليه
العيب انك تكون في الشغل طول النهار وسايبها في البيت بلا ونيس ولا جليس ومتفكرش تطمن عليها !
العيب انك تفضل تقول قدام الناس "دي المدام" "دي ام علان" ومش راضي تنطق اسمها وكانه عار ونسيت الرسول وهو بيعلن حبه لعائشه وسط الجميع
(لو هي بتحب تناديها باسم ابنها كده انت في السليم )
العيب انك تكون قاعد قدام التليفزيون وهي رايحه جايه قدامك بالغسيل والكنيس وعماله تكح علشان تحس بها وانت ولا هنا ونسيت ان الرسول كان يعمل في مهنه اهل بيته
العيب ان يوم اجازتك تروح مع صحابك وتنساها بدل ما تفسحها وتفرحها وكانك نسيت ان الرسول كان بيتسابق مع السيده عائشه وكان بيفرح زوجاته !
العيب انك تفضل تنقط لها مصاريف الشهر وتكون بخيل معاها وتنسي تجيب لها هديه من حين الي حين !
هي سابت بيت كانت تعيش فيه اميره علشان تروح بيت تكون فيه ملكه مش مكينه تولد وتربي وتغسل وتمسح !
جاءت اليك لتكون نصفك الثاني يعني هي " روحك" (وجلعنا لكم من انفسكم ازواجا )
يا معشر الرجال استوصوا بالنساء خيرا ورفقا بالقوارير
.
.
.

[ندوشه 2011]

والله يا بنتي عمره ما قالي كلمه حلوه كان علي طول يشتمني وانا كنت بنفض له وعديها عشان محدش يقول دي ما ريحتش والكلام التافه دا كنت بنضف شقتي وانزل انضف للعقربه شقتها ان اسمع منها كلمه حلوه مفيش بس كان بدها تتخانق معايا باي طريقه لكن علي مين لا كنت عمللها عبده العبيط طب كان بيجى من شغله المفروض اسمع كلمه حلوه دا ابدا طب سمعني بقي من الكلام اللي كان ايام الخطوبه مفيش طب فين اليمين اللي اتعهدت به بينك وبين ربنا وبين شاهدين كتب الكتاب كله بلح ايام الله لا يرجعها يالا الحمد لله

[αЛαstoOorα]

آحم آحم آحمممممممم
ههههه
مش هتكلم ^^

[انجي_1]

شكرا ليك على المرور

[العاشق الذى لم يتب]

انتقاء جميل
ومواضيع مفيدة
دام النشاط والتميز
تحياتى وودى