هام جدا ( لكل المشتركين بمسابقة شاعر لمنتدى)

[شاعرة الرومانسيه]

اولا أتوجه بالشكر والتقدير لكل المشتركين بالمسابقه ثانيا عايزه أوضح شىء للجميع نظرا لكثرة العدد للمشتركين بالمسابقه سيتم تقيم المسابقه على مرحلتين حتى نعطى فرصة للفوز لعدد كبير وايضا لأن الاقلام المشتركه لا يستهان بها هذه اسماء المشتركين ايمان طلعت الفيلسوف د/ عبدالله طبيب الهوى اطياف الماضى شاعر الاحساس القيــــــــصر الساحر مهيب فناء مارد الغضب احساسى صحيح فجر الاسلام عدد المشتركين 12 مشترك هايتم تقسيمهم كل 6 بمجموعه ياريت كل الى ما نزلو مشاركاتهم يسرعو فى كتابة موضوع المسابقه حتى يتم تقسيم المجموعتين بالتوفيق للجميع احترامى / شاعرة الرومانسيه

[د/ عبد الله]

يعنى هيبقى فيه فايز من كل مجموعة ؟

[fanaa]

لاء ثوانى بقى
نظام المجموعات هيتقيم ع اساس ايه ؟
وكمان اصل انا نسيت بس قولتى الموضوع مفتوح بالعاميه او الفصحى صح

[۩۩ elMagic ۩۩]

ابعتى مواضيع ال12 واطلعلك منهم ال3 الفايزين
ومحدش هيعترض طبعا
يلاا ربنا معاكي ويعينك بقى يا عم

[الفيلسـوف]

والله ابتى الاسماء اللى ف المسابقه لوحدهم يخضوا انى تدخلى معاهم
شاعر القيصر ابوعصام د عبد الله اسماء كتيره والنعمه
مجهود جميل ياحنين بالانتظار بقى طب مااقولك الاسماء اللى مانزلت
تستبعديهم احسن هههه والحمد الله الاربعه اللى ذكرتهم ماحد نزل منهم

[شاعرة الرومانسيه]

اقتباس المشاركة الأصلية كتبت بواسطة dr.abdullah يعنى هيبقى فيه فايز من كل مجموعة ؟

مساء الفل يا دكتور

ان شاء الله 3 مراكز بكل مجموعه

يلا شد حيلك بقا قلمك راقى جدا

فى انتظار موضوع المسابقه

[الفيلسـوف]

اقتباس المشاركة الأصلية كتبت بواسطة ۩۩ elmagic ۩۩ ابعتى مواضيع ال12 واطلعلك منهم ال3 الفايزين ومحدش هيعترض طبعا يلاا ربنا معاكي ويعينك بقى يا عم

ابعد انته عن الادبى ياماجيك وريح الدنيا
انته راجل بتاع فوتوشوب تصميم
ارقام حسابات حجوزات وكله ماشى
لانى انته لو دخلت
حتخربها

[شاعرة الرومانسيه]

اقتباس المشاركة الأصلية كتبت بواسطة fanaa لاء ثوانى بقى نظام المجموعات هيتقيم ع اساس ايه ؟ وكمان اصل انا نسيت بس قولتى الموضوع مفتوح بالعاميه او الفصحى صح

منورانى ايه حبيبتى

انا رديت عليكى ياقمر فى التوبيك الثانى

انتى الى نسيتينى بقا

حبيبتى الموضوع غير مقيد بالعاميه او بالفصحى

التقيم على حسب ماكتبتى

قلت لكى الكلام ده بس انتى نسيتى

[د/ عبد الله]

اقتباس المشاركة الأصلية كتبت بواسطة شاعرة الرومانسيه مساء الفل يا دكتور ان شاء الله 3 مراكز بكل مجموعه يلا شد حيلك بقا قلمك راقى جدا فى انتظار موضوع المسابقه

تسلمى حنين
إن شاء الله هنزله قريب
بس شوفى محمود الأول عايز يستبعد اللى لسه منزلوش مواضيعهم..... ينفع كده؟
امممم رأيك ايه بقى؟

[fanaa]

اقتباس المشاركة الأصلية كتبت بواسطة شاعرة الرومانسيه منورانى ايه حبيبتى انا رديت عليكى ياقمر فى التوبيك الثانى انتى الى نسيتينى بقا حبيبتى الموضوع غير مقيد بالعاميه او بالفصحى التقيم على حسب ماكتبتى قلت لكى الكلام ده بس انتى نسيتى

هههههه
معلشى والله انا اصلا ربنا العالم بحالى
ادعيلى انتى بس