أفضل طريقة لتفريز ورق العنب

[حـ,ـكـ,ـآيـ,ـهـ,ـ ۅطـ,ـنـ,ـ]

أفضل طريقة لتفريز ورق العنب ويضل لونه أخضر

حبيت افرجيكن آخر طبخة لورق العنب من الموسم الماضي طبختها من يومين كيف لونها اخضر وكانها فريش

أفضل طريقة لتفريز ورق العنب ويضل لونه أخضر

طريقتي بتفريز ورق العنب

افرد ورق النايلون الغذائي وارتب طبقات الورق وابدأ الفه مع النايلون وكأنو سويسرول مع الضغط عليه حتى يخرج كل الهوا منه

وبعدها ببرم الاطراف كانها بونبون لاضمن خروج الهوا واغلاقه بشكل محكم

وبعدها بغلفه بلفة سريعة حتى الاطراف ما ترجع تفتح وعالفريزر وعند الاستعمال بطلعهم قبل بليلة بتركهم بالثلاجة عادي حتى يدوبو براحتهم … وعند الاستعمال بغسلهم منيح
ازا الورق صغير وطري ما بسلقه بتاتا … لكن ازا الورقات كبيرة بس بحط ماء مغلي غليها لدقايق وبعدها بنشلها لماء بارد جدا

بالنسبة للون الورق بعد الطبخ عم بصير غامق معي لانو الورق سماري اصلا (ورق عنب اسمر )

سؤال وجواب:
هل بتسلقيه قبل التفريز؟
قبل التفريز ما بسلقه حتى اللون ما يتغير وليبقى متماسك وما يتمزق بعد التفريز
تسلم الايادي ممكن اعرف انت بتغسليه قبل التخزين ولا لاء
ما بغسله قبل التفريز لانو لو بقيت شوية رطوبة حيتغير لونه مع التفريز …. بغسله بعد التفريز وبعد ما يتفكك براحتو في الثلاجة طول الليل
كيف أرتب الكوسا ورق العنب لما اطبخهم؟
معلش بدي اسال لو بدي اطبخ كوسا ودوالي نفس الطنجره مين احط فوق ومين تحت
عزيزتي بيعتمد على الطنجرة اللي حتطبخي فيها
يعني لو طنجرة عادية بالعادة بحط الكوسا على الاطراف حول الحفف وبالمنتصف بحط شرحات بطاطا مع شرحات بندورة وفوقهم ورق العنب
واحيانا لانو العيلة بحبو حبات الورق طريين شوي بطبخه بطنجرة الضغط وممكن احط الكوسا معه لكن لونه بيتغير من ورق العنب لهيك بطبخ الكوسا لوحدة وبنفس سايل طبخ الكوسا اطبخ الورق
طيب بتغليه لما تستعمليها ولا من غير غليه
ما بغليه بتاتا …. ازا كانت الاوراق كبيرة بكتفي باضافة ماء حار على الورقات وبعدها بنشلهم على ماء بارد

[.Lamar]

وصفة طيبة

يسلموو

[ندوشه 2011]

تسلمي حبيبتي. ..يا شيخه مدي ايدك وماتكسفيش زي بتاعتكوا

[وسيم العاشق]

سلمت يدآك على روعة الطرح

وسلم لنآ ذوقك الراقي على جمال الاختيار ..

لك ولحضورك الجميل كل الشكر والتقدير ..

اسأل البآري لك سعآدة دائمة ..

ودي وتقديري لسموك

[سارة بنت مصر]

تسلمي ياقمر علي الطريقه الجميله

بالتوفيق

[حـ,ـكـ,ـآيـ,ـهـ,ـ ۅطـ,ـنـ,ـ]

لمار

ندوشه


ساره

وسيم

ورتوني وبتمنالكم الفائده


شكرا لمروركم

[Miss ωђατєvєr «●]

تسلم ايدك ..