الخطوبة- من غير زعل يا بنات‏

[ŌиĹч.Ḿё]

انا جايب النهاردة شوية نصائح لاجمل بنات
عشان بس مشتقولو انى حرمكم من حاجه












يلا نشوف


آنستي العزيزة..



لو ربنا فك عقدتك.. واتخطبتي.. فإليك نصائحي حتى

تأخذي بخطيبك من مركب الخطوبة إلِّي محدش عارف

هاترسى على إيه.. إلى مثوااااه الأخير في قفص النسانيس..

قصدي قفص الزوجية السعيد..






أجمل ما في الخطوبة العزومات الرومانسية..

على أحلى محلات أكل ف البلد..

واللي عمرك مانتي شايفاها بعد الجواز..

المهم نصائحي لك عند أي عزومة مع ختيبك.. قلنا رقَّه ....





1. الأول لازم تعرفي إن الشوكة والسكينة بيتمسكوا

من إيديهم من الطرف يعني مش م الوسط

ولا م البوز زي الخنجر ولا من فوق طبعًااا








2. العيش أوعي تفضحينا وتقطعيه بسنانك..

ولا الرغيف نصين بأيدك وكل نص لقمة وتحشري..

أوعي.. العيش بيتقطع بالسكينة ف الطبق.. وبعدين تاخدي

لقمة.. لقمة.. بالعافية.. قال يعني نفسك مسدودة..

اضغطي على أعصابك جدااا وبعدين لما تروَّحي..

إبقي حِفِّي زي مانتِ عايزه....








3. الشوووربة.. أبوس كعب رجلك.. بندالشوربة ده

مهم جدًاااا.. الشوربة تتشرب من غير صوت خالص..

ومن غير ماتقعدي تنفخي فيها.. زي القهوجي

اللي بينفخ ف الحجر للزبون..

وطبعًاااااا عايزك تنسى تمامًا.. السلطانية اللي بتقيميها

على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت..

وتسيبي تلت الطبق ع الأقل.. مش تميليه.. عشان

تلهطيها لآخر نقطة.....






4. الرز طبعاً .. بيتاكل بالشوكة.. أوعي إيدك

تتمد ع المعلقة.. وتغرفي من طبق الرز وتعبي.. إوعي..

الرز بالشوكة.. وكأنك بتبوسيه مش بتاكليه..





5. المكرونة.. الاسباكتي.. برضه بالشوكة.. تتلف على

طرف الشوكة.. لحد ما تخلص وبعدين تحطيها ف بؤك

من سكات.. مش تشفطي المكرونة عود عود..






6. السمك.. مشكلة.. شوفي.. بتفصلي اللحم

عن الشوك.. إزاي..؟؟
تقطعي اللحم من النص.. بالطول وبعدين تفردي اللحم
ع الجانبين ولما تخلصي ناحية.. متقلبيش السمكة..
بلاش فلح.. شيلي السلسلة بالشوكة والسكينة وحطيها
ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص..

قولي مابحبش السمك وخلصي نفسك..










7. الجمبري.. -إذا كنتي عارفاه-.. أول ماطبق

الجمبري ينزل.. بصيله بقرف واحتقار شديدين..
آل يعني زهقانة من كتر أكل الجمبري الجامبو فى بيت ببااااا.. وأتنهدي جامد وقولي.. برضه..؟؟؟
وتروحي قاطعة راس الجمبرياية.. بالشوكة..

أنا ف عرضك إنسي المصمصة دلوقت..











8. البطاطس سواءمسلوقة أو محمرة.. أوعي تهرسيها

وتدبيها ع الرز وتدي ...لا..لآ...لآ...بالشوكة حتة حتة

وإنت زي ما تكوني هاتعيطي من كتر ما البطاطس

صعبانة عليكي..










9. الفاكهة.. لو الفاكهة فيها بذر.. طلعيه من بؤك

بالراحة وحطيه فى إيدك وهي مقفولة..
وبعدين فى طفاية السجاير اللي ع الترابيزه..

أوعي ياحبيبتي من نظام التفتفة للبذر.. إنسي....









10.ولما تخلصي أكل تحطي إيدك على بطنك..
-اللي عصافيرها بتصوصو من العينات اللي كلتيها-..

وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....










وبعدين تمسكي الفوطة اللي دايمًا موجودة ع التربيزة

من غير لازمة.. وتبوسيها.. آل يعني بتمسحي بؤك..




وبعدين تستأذني منه لدخول التوليت لإصلاح ماكياجك..

وتخشي التواليت وتطلعي من شنطة إيديك.. لفة الفول

والطعمية اللي جايباها معاكي..

وبالهنا والشفااااااااااااا

[ܢღ..مسـ{ج}ـله خـ{طـ}ـر..ღܢ]

لا
بصراحه نصليح غاليه من اخ غالي


انت ليه واخد عننا فكره وحشه اوي كده؟


ههههههههههههههههههههههههههههههههه
بس متألأش

كلامك مظبوط وهخد بيه

[ŌиĹч.Ḿё]

مش حكايه فكرة وحشه ولا حاجه الواحد بيكسب فيكم ثواب ههههههههه


نورت يا جميل

[* lovelygirl*]

شكرا على نصائحك المفيده
هههههههههههههه

[marwoo]

ايه ده ايه ده انت غيبت وقعدت تراقب فكل واحده تاكل وجى تطلعه علينا ولا اييييييييييه ؟؟؟؟؟!!!!!! لالالالالالالالالالالا حاسب على كلامك وبعدين لو بعد ده كله وطلع بيشخر وهو نايم نعمل ايه بقى ساعتها هههههههههههههههه لالالالالالالالالا عوده جامده يا ليموووووووووووور ماشى مردودالك برده

[Just G!rl]

فول وطعميه ههههههه

نصائح جميله اكيد لازم نعملها

تسلم إيديكـ يا جميل

بانتظار جديدكـ

[اوتار الحزن]

ههههههههههههههههههههههههههههههه
ههههههههههههههههههههههههههههههههههههههه
تسلم على النصائح الحلوة

[smsma666]

ده انت واضح ان فكرتك عن البنات انهم من العصر الحجرى وكل دى عيوب فينا ولكن كله كوم ولفة الفول والطعميه اللى فى الاخر كوم تانى ههههههههههههههههههههههههههه

مشكور على النصايح مع انك واخد فكره وحشه اووووووووووووووووووووووووووووووووووى على البنات مع انهم ارق مخلوقات ههههههه

مشكور على الموضوع

*تحياتى*

[اسيره الغرام]

هههههههههههههههههههههههههههههههههههههههههههههه
حرام عليك موتنى من الضحك

ميرسى على الموضوع
مردودالك ان شاء الله

[Tewister]

هههههههههههه
جامده والله