اه لو لعبت يا زهر ..حصرى

[صمتى كلام]

عملت مقارنة باشعارى
..
قصاد رقاصة وقعدت احسب
..
لاقيت اشعارى خسرانة
..
والرقاصة ياناس تكسب
..
نزلت دموعى على الزهر
..
اللى. مش راضى يلعب
..
وناجية ..اه لو لعبت يازهر
..
الاقية مخاصمنى وش وضهر
..
والحظ منى بيهرب
..
واجرى ورى زهرى واديله عمرى مهر
..
الاقية يزيد قهرى فى السر او فى الجهر .
..
حظى بالحزن متكهرب
..
اه لو لعبت يازهر ..والحظ يبتسملى
..
واخد نصيبى بس بالعدل يتقسملى
..
عطشان ونفسى بقى اشرب
..
اه لو لعبت ياعم وتخلى عندك دم
..
كفايه عليا جراح العمر راح فى الهم
..
والشمس راح تغرب
..
اه لو لعبت ياسيدى من غير كلام او قول
..
واخدتنى من ايدى همشى معاك على طول
..
وفوق الموج هركب
..
اللعب عشان خاطرى ورسى كل المراكب
..
المركب اللى تعدى وياها انا راكب
..
انا اتغلب كتير نفسي بقى اغلب
..
طير حمام الحظ دانا عندى ١٠٠غية
..
زارع عيونى قمح ومجهز المية
..
مستنى الحمام يجلب
..
ويعدل ميزان حظى
..
او الظهر يتشقلب
..
عادل ..

[ايمان طلعت]

ازاي زهرك هيلعب بس
حتي حظك ملهي
مع وسط رقاصه بيتهز

وعجبي عالدنيا المشقلبه

كلمات جميله
تحياتي

[صمتى كلام]

اقتباس المشاركة الأصلية كتبت بواسطة ايمان طلعت ازاي زهرك هيلعب بس حتي حظك ملهي مع وسط رقاصه بيتهز وعجبي عالدنيا المشقلبه كلمات جميله تحياتي

...
والله يا ايمان ما تلهيت ولا جاحه
انا بس مستغرب على بيحصل فى البلد



على العموم نورتى

[ويبقى الأثر]

بتكسب ايه هيا
فلوس .. شهره ؟
شوفها من زاويه تانيه هتلقيها هيا اللى خسرانه

ربنا يسعد قلبك بالرضى ..ويحققلك كل ماتتمنى

جميله حروفك عادل
تقديرى لشخصك

[صمتى كلام]

اقتباس المشاركة الأصلية كتبت بواسطة قيثارة الصمت بتكسب ايه هيا فلوس .. شهره ؟ شوفها من زاويه تانيه هتلقيها هيا اللى خسرانه ربنا يسعد قلبك بالرضى ..ويحققلك كل ماتتمنى جميله حروفك عادل تقديرى لشخصك

...
كما تعودت منكى ياقيثارة الصمت
..
وجودك عطر وحرفك لبق نورتينى بعد الغياب الكبير

[أميرة محمود]

مقطوعة لا أدري كيف
دمجت فيها الحزن بالسعادة
ابدعت
و جاءت بعض كلماتك مثل الحكمة أو العظة من الحياة كهذه:
واخد نصيبى بس بالعدل يتقسملى
عطشان ونفسى بقى اشرب

[صمتى كلام]

اقتباس المشاركة الأصلية كتبت بواسطة أميرة محمود مقطوعة لا أدري كيف دمجت فيها الحزن بالسعادة ابدعت و جاءت بعض كلماتك مثل الحكمة أو العظة من الحياة كهذه: واخد نصيبى بس بالعدل يتقسملى عطشان ونفسى بقى اشرب

رغم انها اول زيارة لكى اختى اميرة الاانها مميزة جدا


....
لا تحرمينى مرورك الجميل
دمتى بكل ود