قالي يابني الزمالك هو حياتنا ..!

[محمود الصاروخ]

بدايه من جديد في مدونه جديده بنفس العنوان
[ طلقة نار تسكن في الصدر ]

البدايه الجديده اللعب فيها هيكون علي المكشوف
الراجل هحترمه وفي نن عيني هشيله
والعيل هقل منه وطلقاتي هي اللي هتديله

منا أصلي طلقة نار تسكن في الصدر
مع كل واحد ينوي معايا ع الغدر

من هنا صوتي هيوصل وانت هتسمعني
من هنا هكون الأصل وانت الصوره
لسبب بسيط اصل انا م المنصوره
علامه مسجله وهي دي كل المسئله

فكسان كلام الناس اللي في المشاكل بيوقعني
والمكان ده هيشهد علي كلامي
هتلاقيني هنا ثابت في مكاني
واللي مش مصدق يجي ويتحداني

معاكم من أرض المنصوره عالميه
محمود الصاروخ

[محمود الصاروخ]

هاتلنا كانشه وغرقانه بس الفركه تكون مفروكه

[محمود الصاروخ]

في يوم قالو التحدي للرجال ياعويل
وقبلت انا التحدي وقولت أنا اقوي الرجال
لو اشرب طول الليل صامد زي الجبال

[محمود الصاروخ]

ده انت عشان تزامل في الدنيا هيطلع عين اللي خلفوك

[محمود الصاروخ]

لايمكن أبدا المقارنه في الوقت الحالي بين مدرستين مختلفتين لكل منهما
إحترامها وهما مدرسة الفن والهندسه والتي اغلقت أبوابها منذ الفوز بدوري
وكاس 2015 ومدرسة الاهلي التي استفاقت مؤخرا بجهد نجم واحد فقط
وهو الذي ينسف المقارنه نسفا ولو تابعنا أخر مباريات للاهلي لم ولن
نجد غير رمضان صبحي هو السبب في فوز الاهلي

أتوقع أن يعود الزمالك من جديد من المباراه القادمه
الامل في الرجوع للمنافسه ضعيف الموسم ده ولكن
الاهم ان يعود الزمالك كما كان الموسم الماضي

بالتوفيق لـ ابناء ميت عقبه
بالتوفيق للزمالك

[محمود الصاروخ]

كوني لأجلي فقط - وسأبيع العالم بأكمله من أجلك
عنوان عجبني وكنت عملته تصميم قبل كده اهداء لمن أحببتها وبالفعل
ليس مجرد عنوان فقط ومن الممكن أن أبيع العالم بأكمله لأجل من أحب

[محمود الصاروخ]

بالنسبالي هي اجمل حاجه في حياتي وبالرغم ماحدث أو مايحدث
لم ولن أعشق سواها

[محمود الصاروخ]

فـ يقومو بدور غربان فوق جثتك المتشرحه
هتقول دول مني لاء - دول أصحاب المصلحه !

[محمود الصاروخ]

بعد ماسمعت البوم جنات الجديد علي السريع اتأكدت مليون في الميه ان كان
عندي حق لما كتبت في يوم من الايام علي جنات انها صوت ملائكي وامتداد
للعمالقه نجــاة وشاديه وبالفعل جنات في كل البوم وكل اغنيه لها تثبت هذا الكلام

الكلام ده طبعا بعيد عن بعض الاغاني في الالبوم الجديد لان عموما جنات
معروف عنها من زمان في أغانيها انها ملكة الرومانسيه ولكن مش هتفضل
في كل البوم ليها تقول بحبك ووحشتني والكلام ده يعني لازم تنوع في
أغانيها بشكل عام واللي خلاني أقول رأي ده ان شوفت هجوم
كتير ضد جنات علي صفحتها عشان الالبوم

البوم بنفس الكلام لجنات
البوم مميز وجميل جدا باستثناء بعض الاغاني اللي هي مش لون جنات
يعني لو شوفنا اغنية بطل تغني مش عجباني تماما بس زي ماقولت فوق
جنات مش هتفضل تقدم كل البوم حلو أكيد هيكون فيه بعض الاغاني
مش هتعجبنا ولكن في النهايه تبقي جنات ملكة المطربات

مجرد رأي بصفتي من جمهور جنات العظيم
وعارف إني هتضرب بعد ما أقول رأي ده من حبيبتي
بس هو مجرد رأي بعيد عن أي شيء

محمود الصاروخ

[محمود الصاروخ]

هنا هتكلم عن الزمالك بشكل عام وعن أبرز البطولات التي كانت
من حق الزمالك وسرقت منه إما بالتحكيم أو بالمجاملات أو بغيرها

هنا هتكلم عن قضية لقب القرن التي سرقت من الزمالك بعد ماكان
متربع علي عرش افريقيا القرن الماضي ونكتشف في النهايه نادي أخر
يتوج بلقب القرن الافريقي بنااء علي طرق جديده من الكاف

هنا هتكلم عن مباريات الزمالك الماضيه والقادمه
هنا هتكلم عن الوسط الرياضي بشكل عام

.. محمود الصاروخ ..