800 ألف مواطن خارج الدعم

[همس الحنين]

	السلام عليكم ورحمة الله وبركاته هنقول أيه منك لله يا حكومه ما أظنش تكفى بعيد بقا عن منع الزياده العماليه المنتظره للعامل البسيط كل سنه واللى هيا يادوب ما تكفيش حتى وجبه فى اليوم بس اهو بالاسم فى زياده ونعلم ان بزياده المرتب هتزييد السلع الف مره وده امر عاهدناه من الحكومه السالفه ومش جديد الدعم وما ادراك ما الدعم يعنى مش كمان السلع التمونيه هنوفر عشان صندوق تحيا مصر ولا ايه لما يتعمل احصائيه بعدد المواطنين اللى تم حذف اسمائهم من الدعم التموينى واللى بلغ عددهم 800 الف مواطن ودول طبعا من الطبقه الى تحت خط المتوسط بشويه ولما وزارة التموين تعلن انها مستعده تلقى اى شكوى من المواطنين والله ضحكت هو اصلا فى بلدنا حاجه اسمها حق المواطن فى الشكوى هنعديها بس نرجع تانى ونلاقى برنامج حكومة العسكر الجديد والذى لاقى انتقاد شديد يعتمد على رفع الدعم فى المقام الأول لتوفير الملاذات الآمنه لقائدهم عبدالفتاح السيسى وتوفير ما يلزمه من مال لشراء أسلحة وإقامة مشاريع وهمية كما تضمن البرنامج زيادات جديدة فى رواتب الشرطة والقضاء والجيش وتقليص العديد من الميزانيات كالتعليم والصحة وغيرها امر محير طالما هيكون زياده لمرتبات فئه معينه طيب باقى الفئات تعمل ايه انا شخصيا مش فاهمه ايه الحكمه من ذبح المواطن وتقليل او منع الدعم منه قضيه اظن تستحق النقاش تقديرى لكم همس

[واد حبيب]

بعني انا شالو عني الدعم
ده انا اروح فيهم في داهيه
والله يا همس كل حاجه في مصر دلوقتي غاليه اوي
كل ما هنقولو السلع الاساسيه هتنزل بتزيد اكتر مش بتنزل
مش عارف هنروح فين بعد كده
طيب الناس الغلابه اللي عايشه علي الدعم ده هتروح فين بعد كده
والله حرام اللي بيحصل ده

[العاشق الذى لم يتب]

اونكل سيسى قال
اناطلبت من وزيرالتموين
يزود نقط فى بطاقة التموين
علشان تزبزبات الدولار
وزيرالتموين قال
تم اضافة 285قرش
لكل مواطن فى بطاقة التموين
كده كل مواطن هيشترى حوالى خمسين كيلولحمة وفراخ كتيرة
تحيا مااااااسر

[Lamees]

والله يا بسنت المواطن مالوش قيمة ده اذا كان بيتقتل بالخارج
ولا حد بيسأل عنه تقوليلي دعم
الله يرحم المواطن المصري

[.Lamar]

ما هو لازم يعمل كدة
عشان يوفر
لانه ميقدرش يجى غير على الغلابة
اللى هما نور عينيه

باقى الفئات ملهاش لزوم عنده

حسبنا الله و نعم الوكيل

تسلمى بسنت

[αЛαstoOorα]

آآآآآآآآآآة
لو لعبت يازهر !!

[BaAnoOta]

وآلله ي همس ياريت الفساد بس ف آلتموين
مع ان التموين لا يستهان بيه لآن مصدر عيش للغلابه
بس هيآ آلمنظومة فآششله اصلا
خلاص بقآ آلفساد بيعم ف كل شئ حته ف آقل مستحقات المواطن
معندنآش غير نقول حسبنآ الله ونعم الوكيل .. والكلمه دي كفيله بآنها ترجع حقهم
تسلمس للنقآش ..

[همس الحنين]

اقتباس المشاركة الأصلية كتبت بواسطة واد حبيب بعني انا شالو عني الدعم ده انا اروح فيهم في داهيه والله يا همس كل حاجه في مصر دلوقتي غاليه اوي كل ما هنقولو السلع الاساسيه هتنزل بتزيد اكتر مش بتنزل مش عارف هنروح فين بعد كده طيب الناس الغلابه اللي عايشه علي الدعم ده هتروح فين بعد كده والله حرام اللي بيحصل ده

غلو فى الاسعار ونقص فى الاموال فالامر لا يطاق

شاكره تفاعلك ابو اياد

[همس الحنين]

اقتباس المشاركة الأصلية كتبت بواسطة العاشق الذى لم يتب اونكل سيسى قال اناطلبت من وزيرالتموين يزود نقط فى بطاقة التموين علشان تزبزبات الدولار وزيرالتموين قال تم اضافة 285قرش لكل مواطن فى بطاقة التموين كده كل مواطن هيشترى حوالى خمسين كيلولحمة وفراخ كتيرة تحيا مااااااسر

لا سمعت 3 جنيه خلينا على حق حلوين برضو

والله امر مؤسف وماعرفين نضحك من الحزن ولا نبكى من خيبة الامل

سلمت

[همس الحنين]

اقتباس المشاركة الأصلية كتبت بواسطة lamees والله يا بسنت المواطن مالوش قيمة ده اذا كان بيتقتل بالخارج ولا حد بيسأل عنه تقوليلي دعم الله يرحم المواطن المصري

هو بصى الدعم ده مجرد تسكيت للمواطن

معاكِ مافيش اى خدمات بتقدم للمواطن المصرى الا الفُتات

فلما يمنع الشئ اللى بيساعد على المعيشه ولو بنسبه ضئيله

يبقى ايه كمان

غاليتى شاكره لكِ