زوجة مفترية

[دمعه حائره]

للدرجة دي انا هونت عليك
طاوعك قلبك
وافقت علي الكلام ده ايديك

طب يخرب بيت اللي يحبك
ويوقف حياته عليك
اصبر بس عليا والله لاوريك

هديك بالبوكس في عينك
واكعبلك من رجليك

تيجي تقول الحقوني
مش هاتلاقي اللي يسمي عليك

فاكرها هاتعدي بالساهل
ياخي دة انت طلعت ما تستاهل
غير اللي يطلع عينيك

انا حلوة اوي مع الطيب
لكن تستهبل
تبقى نهايتك قريب
وعلى نفسك جنيت

خزعبلاية ساعة تأملية
للشئون العائلية في اسرة مصرية
وزوجة مفتريه
وانا مش عارفه هى بتضربة ليه

[ندوشه 2011]

احسن يا رب تخنقه عشان طلع واحد ما يستاهل. ..يستاهل كل اللي يجراله

[بنت خديجة]

هههههههههههههه فصلتيني والله
الله يسعد قلبك

[اشرف 2006]

هههههههههههه همه كده الافتراء بيجرى فى دمهم

ده انا لو أطولها اقطع رقبتها ولسانها وأحلق لها


شعرها ...ياساتر على قسوتها وجبروتها


فين الطيبه بقا يامنه هههههههههه


تحياتى

[شاعرة الرومانسيه]

تسلم ايديكى منون

[حازم34]

بتضربه ليه هيا فاكراها سايبه ولا ايه

هقول لاخته فتكات وايديها مرزبه ولا بتعرف سكات هتيجي تشوف اخوها

وتضرب وتحوش عنه النكديه والمفتريه واول ما تشوفها

يغمي عليها وتقول يا لهوي يا خرابي انا حرمت حرمت اضربه يا فتكات

ونشوف بقي مع بعض ايش يسوي الستات ويخرج منها


العايب النايب ال بتضربه الستات


جميله الخوزعبلايه جدا

الاديبه والشاعره والكاتبه القديره

منه حسان


الله علي كتابتك الجميله في كل مجال


ما شاء الله

ربي يسعدك

[دمعه حائره]

اقتباس المشاركة الأصلية كتبت بواسطة ندوشه 2011 احسن يا رب تخنقه عشان طلع واحد ما يستاهل. ..يستاهل كل اللي يجراله

هههههههه هتخنقه متقلقيش
دة وقع فى ايد من لاترحم

[دمعه حائره]

اقتباس المشاركة الأصلية كتبت بواسطة خديجة هههههههههههههه فصلتيني والله الله يسعد قلبك

انا بضحك لسه من امبارح من وقت ماشفت الصورة
ههههههه

[دمعه حائره]

اقتباس المشاركة الأصلية كتبت بواسطة اشرف 2006 هههههههههههه همه كده الافتراء بيجرى فى دمهم ده انا لو أطولها اقطع رقبتها ولسانها وأحلق لها شعرها ...ياساتر على قسوتها وجبروتها فين الطيبه بقا يامنه هههههههههه تحياتى

تقطع رقبه مين مش شايف متغذيه ازاى
وطى صوتك لتسمعك ساعاتها معرفكش
هههههههه

[دمعه حائره]

اقتباس المشاركة الأصلية كتبت بواسطة شاعرة الرومانسيه تسلم ايديكى منون

تسلمى ياحنونتى شكلك فرحانة بالعلقه هههههه