عامله نفسى بعيش :(

[BaAnOtA 7eKayaa]

انا ........ جوايا جرح كبيير اووى ومن اقرب نااس ليااا
اتجرحت كتير من صحاابى ونسيت
اتجرحت كتير من حبايب ونسيت
اتجرحت من اهلى ونسييت
ودلوقتى ناس بتكرر نفس الجرح تااانى وبينسوا انا عاملت علشانهم ايه وقطعت صلتى بناس كتير علشاانهم
بس شكلهم كانوا جايين بغرض استغلال لما لاقونى تعبانه ومحدش جنبى قالوا يظهروا فى الصور وبعدين يحرقوا ومحدش يشوف الصور دى تااانى

طب اعمل ايه ؟!!
اموت نفسى ؟
ولا انسى دول برده واعيش حياة جديده وناس تانيه تتضحك عليا ويسبونى وانا اللى ازعل واتجرح وهما يعيشوا حياااتهم عااادى

ياااااااااااااااااااااااااااااااارب عملت ايه لده كله ؟؟!!

[♥○ moOoOoOna ♥○]

هتعيشوا بقى هههههه

مش فاهمة الجرح من الصديقات ولا من ايه

بس انتى لازم تنقى الناس وتختارهم بجد

نقى الناس الملتزمة وماشية فى السليم دول اللى تلاقى عندهم الاخلاق

وخلى بالك بردو ماتتخدعيش

انما لو تقصدى حاجة تانية

فانا نفسى الناس تفوق بقى وتفهم انها تبقى مالهاش علاقة بحد خااااااااااااالص غير لما ييجى رسمى للاهل

مش هيبقى صادق غير لما ييجى رسمى فعلاً

ولو كان الكلام رسمى يبقى تصلى استخارة

وبس كده

اتمنى اكون افدت الناس وتسمع النصيحة

الواحد بيعمل الخير ويرميه فى البحر بقى عشان ربنا بس

[O.o°•حكــاياتـ كتيــر O.o°•]

انسى دول كماان واتعلمى وسيبك منهم وفكك من ام الدنيااا دى عيشى حياتك وغيرى مودك ورمزيتك غيرهااااا كمان انتى عسولة والناس بتحبك متفارقيش الناس علشان شخص دخل حياتك وخرج منها بسهولة ...^ ^ ربنا يسعدك

[أميرة محمود]

أهم قاعدة
شيلي الناس من دماغك
حطي في عقلك نفسك والمباديء وأفكارك وأحلامك
وامشي ..
عمرك ما هتقعي أبدا ولا هتتجرحي وهتلاقي عيونك بتميز وتختار صح

[BaAnoOta]

آيه الياس ده كله ي رانسي
ي حبيبتي اللي ميستهلكيش اعمليله بلوك من حياتك
مش مستاهله تزعلي نفسك عشان ناس هما اصلا مش هاممهم زعلك
اتفائلي شوية وارمي همومك ورا ضهرك واتوكلي علي ربنا
هيا حياة واحدة هنعيشها ف ياريت نعيشها بسعادة
وغيري رمزيتك وخلي عندك ثقة وايمان ف ربنا
تسلمي يارب واتمني المرة الجايه تكون فضفضه عكس دي

[*قمر*]

سيبك من الناس البعد عنهم راحه ولما تتعاملي مع حد فكري مليون مره قبل ماتدي ثقتك لحد ومهما كانت درجه القرب منهم خلي دايما فيه حدود وخط احمر مينفعش اي حد يتعداه معاكي وبعدين ده اختبار من ربنا خليك دايما فاكره لايكلف الله نفسا الا وسعها وربنا يفرحك ويريح بالك يارب

[دمعه حائره]

اسوأ العلاقات هى المبنيه على المصلحة
اتعلمى من التجربة واعرفى ازاى تختارى اللى يدخل حياتك
طول مانتى عايشه بتتعلمى
وعيشى حياتك بس اختارى صح
ربنا يوفقك

[*فجر الاسلام*]

اهدى مش كده
محدش يستاهل كل ده لو كانوا يستاهلوا ماكنوش جرحوكى
تزعلى شويه بس ماتعشيش فى جرحهم كتير ده فى رب كبير هيجبلك حقك من بعيد
بس انتى ثقى تماما ان ربنا مابيبعتش حاجه وحشه ده اختبار ليكى
خليكى قويه

[Lamees]

مش اي حد تفتحي له قلبك بسرعة
خليكي واعية

[ندوشه 2011]

اهدي كدا شويه وصلي على النبي وغيري رمزيتك وادينا عايشين في الدنيا بنتعلم والحمدلله علي كل حال والوحش في ستين داهيه ربنا يوفقك ويسعدك. .