: آنا والفيلسوف / الحلقة الثانية / همس الحنين

[αЛαstoOorα]

انا اللون الآسود
بسنت اللي هي همس الحنين اللون الآحمر:d
//////



السلام عليكم
آنتي ضيفتى ف البرنامج الجديد
/
وعليك السلام

تسلم بس اعمل ايه مش فاهمه
/
تعملي ايه ف آيه؟؟
/

يعنى ضيفه فى اسئله ولا اتابع قصدى
/

هتبعي آزاي وآنتي ضيفه؟
آكيد هتتسآلي!!
/

ان شاء الله

تحت أمرك
/
نتي مستعدة للآسآلة؟؟
البرنامج غير آي برنامج علي فكرة
ولا تحبي تخدي فكرة الآول؟
/
لا عادى

بس امتى لانى هاخرج دلوقت ومش هتدخل الا بالليل
/
خلاص يبقة بليل
بس فكري تاني برضه
عشان البرنامج كبير وهتكون عليه مشاهدة عالية ومفهوش اي خطوط حمرا:d
/

خلاص اخد فكره بسيطه وده مش هيغير موقفى بس افهم بعد ائذنك برضو
/
طبيعة البرنامج اننا بنعمل تقرير عن العضو الآول
وبناخد آراء بعض الآعضاء عنه وبيوجهوله اتهامات بيجاوب عليها
غير ان في حاجات قولتيها ف كتاباتك بتنتقد شخصيتك تماماً
غير ان في كلام من اعضاء معينه علي شخصيتك
وكل دا لازم تردي عليه لآنك لو مردتيش هتكون بتتصنعي وجه آخر للتعايش معاهم ودا الآنطباع اللي هيتاخد عنك لو الحلقة نزلت ومردتيش وانا عملت تقرير عنك وجالى حاجات كتيرة
/
طيب ماشى مافيش مشكله
/

علي فكرة في حاجات واتهامات جتلي ..كبيرة ومعناها كبير ..وزي مابقولك البرنامج مفهوش خطوط حمرا يعني اسآلة جامدة وآتهامات جامدة .وهيكون لازم تردي
ومش هينفع تسآليني ساعتها مين قال عني دا؟؟
/

ى اتهام لى او لشخصى

لو انا اتنازلت ومردتش كده بهين نفسى

طالما انت بعت وجالك كلام

يبقى خلاص لازم من غير ما تسألنى هرد

امر كمان

انك تحكم على غيرك بدون معرفه امر صعب

والاصعب انى اسمع كلامك ده واسكت

عادى خالص ومش هسألك مين قال عنى كده

لانى ميهمنيش

يهمنى ارد على اى اتهام وافهم سببه بل اوضحه

والخطوط الحمرا بالنسبه لى امر واحد اسرتى

غير كده معنديش خطوط حمرا
/

تمام
يعني آحنا كدا متفقين آنك تردي علي آي آتهام او كلام جالى عنك بدون متسآليني من اللى قال كدا
وف نفس الوقت متتهربيش من اى اجابة ..لآن ساعتها
هتكوني ف نظر الكل زي ما بيتقال
/
انت مستفذ على فكره

ماشى مافيش مشكله

ثم ارفض ليه كل انسان عارف نفسه كويس

الله المستعان
/
مستفز ليه؟؟
اصل بصراحه الكلام اللي جالي مضايقني ومخليني بعمل معاكي الحلقة بس واخد افكار غريبة عنك !
/
هقولك شئ بسيط

انك ترضى كل الناس امر صعب

ان الناس كلها تتفق انك كويس امر اصعب

محدش هيتفق على شئ محدد ده حال البشر

ولانك استفزتنى فانا جاهزه لاى سؤال واى اتهام

وتقدر تبعتلى بعض اسئله هارد عليها قبل ما اقفل
/
لاء بليل بقة عشان الاسآلة والكلام جامد وممكن يحبطك دلوقتي ..متستعجليش علي الآسآلة بس يارب منهربش بس
/

زى ما تحب مافيش مشكله

بالليل ان شاء الله
/


ان شاء الله
مع اني هعمل الحلقة دي وانا بجد مُستاء !
/
لو ندمان على اختيارى ده امر تانى

واخر شئ احب اقوله لك

سواء بتهم بشئ فيا او سوء ظن فى كل الاحوال هرد

راجع انت نفسك عشان واضح انك ندمان على قرارك

انا عادى والله مافيش اى ضرر
/
البرنامج بيحتم عليا استضيف الاعضاء كلها
وللآسف انا مُلزم اني استضيفك حتي لو دا خارج ايرادتي الشخصية ..عامة ربنا يصلح حال عبيده
/
لالالا خالص ولا يهمك انك تستضفنى
تقدر تستضيف اى عضو غيرى

استحاله هكون فى برنامج صاحبه مُستاء اوى انى ضيفته

لا الغى الفكره اصلاً


وبرضو اى كلام هرد عليه بس بقا فى مدونتى بعد ائذنك طبعًا
ولا ضد ارداتك ولا اى شئ خالص والله

انا يهمنى نجاح برنامجك مش انك تضايق من ضيوفك

استعن بالله واختار غيرى

ولو سامحت ابعتلى الاتهامات دى هرد عليها فى مدونتى الخاصه احترامًا لك
/
مينفعش متكونيش ضيفة لآنك عضوة معانا غير انك
عضوة انتي كمان ادارية ومحطوطة ف الهرم الآداري
يعني من الشخصيات الآساسية اللي لازم تتحط ف البرنامج ..
وانا مليش علاقة اذا كنتي زي متقال عنك او لاء بس انا زعلت
لآني كنت بشوفك غير كدا ..بس لما الواحد بيحاول يفتح الستارة
علي حد بيشوفه كويس
/
ههههههههههههههههه طيب الحمد لله انك شوفتنى كويس

يا اخى مش تقول ما اخدتش بالى انى قافله الستائر



ماشى يا سيدى متشكره جداً لزوقك

هاقوم بقا للاسف

وان شاء الله بالليل


ربنا المستعان
/


يحلها ربنا معاكي بليل بقة ولتاني مرة هقولك الكلام اللى هقوله ياريت متسآليش مين قاله عشان مش هقول
غير ان فيه تجاوزات من بعض الاعضاء عليكي برضه هقولها عشان بس متجيش تحسسيني ان انا اللى بقول وتفضلي تتشنكي عليا /

اتفضل حضرتك بالاسئله

ومش هشتكى ولا حاجه

تسلم
/
شوية كدا بقة عشان انتي اسآلتك محتاجة سهرة ويمكن متعرفيش تنامي ^^
/
لا بسرعه لانى مش هطول معلش ماما تعبانه والله ودخلت بس لتفكر انى بتهرب

فرجاءً بسرعه عشان عندى سفر الفجر
/
ماشي لو مامتك تعبانة قومي شوفيها
الف سلامة عليها
بلاش بقة اسآلة ابعتهالك انهاردة عشان مكملش عليكي مش هيبقة تعب ماما والاتهامات اللى زي الزفت:d
/
لا معلش لو سامحت لانى هاسافر قولت

واتهامات ولا غيره اتفضل ابعتلى اللى عوزه

برجاء السرعه
/
طب معلش بس سؤال؟
آنتي بتكلميني بالطريقة دي ليه؟!
وبعدين ايه بسرعه ومش بسرعه هو انا شغال عندك
ايه الآستفزاز دا !
/
لا اله الا الله

يا عم الشاعر الله يهديك بقول مش هطول

ومش عاوزه اقفل عشان متفكرش انى بتهرب من الاتهامات الرهيبه اللى موجهه ليا

ماشى

ثانيا يا سيدى بكلمك ازاى ربنا اعلم عندى ايه فى البيت وداخله تقدير منى لك

وبلاش بسرعه طالما هتفهمها غلط
/

عم الشاعر؟ !!
هو تقريباً انتي طلعتي بحجة عشان لو مشيتي نديلك عذرك يعني ..ف عملتي قصة ماما تعبانة وبتاع !
/
دى بقا من الخطوط الحمرا عندى تقدر تقول اى شئ الا انك تكلم عن شئ انت متعرفهوش

وعنداً فيك هانتظر اسئلتك

ثم اى حجج انا لا عارفه انت عاوز ايه ولا حتى لحد دلوقتى بعتلى اى شئ

عمال ترد على رسالتى برساله فين البرنامج

بص انا مش بحب كتر الكلام اتفضل اعرض عليا اللى عندك
/
عنداً فيا؟؟
دي شكلها استضافة سودا كدا وربنا
يابنتي بتكلميني كدا ليه؟
خدي بالك عشان انا خولئ ضيق ومعنديش مرارة
هعوز منك ايه يعني
قولتلك في حلقة هتتعمل ولازم تتعمل وربنا يستر فيها والله عشان اول القصيدة كفر كدا
/
ا استاذ منشاوى ما انا قبلت وانتظرت اسئلتك

فين هيا طيب
/
يبقة تتكلمي كويس طيب وتقولي ابعت الآسئلة
مش تقوليلى متتكلمش كتير ومبحبش الكلام الكتير وبتاع
هو انا ناقص كلام هاجي اتكلم معاكي !!
/
ا حول ولا قوة الا بالله

ماشى واسفه لو اسلوبى مش كويس

اتفضل ابعت الاسئله
/
ماشي طلاما انتي جاهزة بقة
خشي على فقرة الآتهامات على طول
واول اتهام بيقول
///////

آزيك يا....
/
الحمدالله انت ازيك يا منشاوى
/

انا تمام في برنامج جديد اسمه فك اللغز بعمله
واول ضيف معاية همس الحنين وبعمل تقرير عليها
وباخد اراء من بعض الاعضاء
وعاوز رآيك فيها
ولو تعرف حاجة عنها
[/quote]

لا بلاش انا معلش يامنشاوى
[/quote]

ليه؟
[/quote]

اصلها معلش مقنعه ولابسة وش غير وشها
[/quote]

طب قول تعرف ايه عنها
[/quote]

ياعم اصلا هى متجوزة وعندها 3 عيال
وبتحور علينا هنا انا عارفها كويس
واسمها الحقيقي عزة
[/quote]
ياراجل؟
[/quote]

اة والله لابسة وش غير وشها خالص
انا خليت وحدة ف المنتدى تكلمها وعرفت حاجات كتير
ياعم بالله عليك بلاش انا اتكلم ف حقها
عشان هتمشى لو قولت كل حاجة عنها
[/quote]

دا اول اتهام ردك عليه ايه؟؟
/

هههههههههههههههههههههه

اقسم بالله انا فطست من الضحك

عزه مين و3 اولاد

لالالا غلطان

عندى 5 ولسه ان شاء الله هكمل 6 يادوب

اوى اى حد عندى على الفيس او فى المنتدى حتى

عارفين كويس مين انا ومن اى بلد

غير عمرى فى حياتى كلمت حد وغيرت اسمى

غير كده

لو حابه البس قناع مش هخفى انى ام بالعكس ده امر كل بنت نفسها تحققه

طبعا اللى قال كده منافق وكذاب ومحصلش اصلا ان كلمت حد حتى لو معرفهوش الا ويعرف همس الحنين

انا حتى غيرت اسم الفيس بتاعى عشان كتر الاسئله

وليه همس والحوارات الهايفه دى

معلش بقا دى فبركه مش اتهام

تسلم
///

انتي بتقسمي وهو بيقسم نصدق مين فيكم احنا؟!
هو بيجزم علي دا وبيقول انك كمان علاقتك ببعض الاعضاء مش كويسة وكنتي بتشتمي عليهم مع اللى كانت بتكلمك ..وبيقسم بانك متجوزة وعندك 3 اولاد
/
يابنى الحلال عيب الكلام ده

اصورلك بطاقتى والله معنديش ادنى مشكله

اصلا الاتهام نفسه غير منطقى يا اخى اعقل الكلام

طالما انا راسمه لنفسى ادام الكل صوره وكيان معين

هكون بالسذاجه دى انى اعترف لحد بالسر ده

ازاى حتى لو مش فى المنتدى لسبب

لان عندى اصدقاء من المنتدى على الفيس ثم اعضاء مين اللى هجيب سيرتهم

هو اى فتى وخلاص

ثم علاقتى بالاعضاء هنا كويسه ومافيش مشاكل بينى وبين اى حد

حتى يا سيدى لو فرضنا فى مشكله لما بشعر ان حد اخد منى موقف بسأله عن السبب

كلام هقول عنه

اتقى الله يجعل لك مخرجا

الخوض فى حرمات الناس بغير حق امر مش بسيط

وعيب والله جداً
/
لا اله الا الله؟؟
يابنتى انتى بتكلمينى انا ليه ؟؟؟
هو انا اللى متزفت قايل دا؟
انا كنت عارف انها استضافة سودا
انا بقولك ردي ع الاتهام تتهمينى انا بخوضي ف اعراض الناس ؟؟ ايه الجنان دا
/
استضافه سودا

الله يكرمك

عموما ردى عليه مش عليك انت
/
والله ردك عليا انا بس هعديها عشان يعدي اليوم دا

خدي الزفت الاتهام التاني

:::

بسنت هى انسانه محترمه بس بحس كده انها مغروره بصراحه
انا عن نفسى بضيف مواضيع ف قسم النقاش وبلقى منها تجاهل رهيب
لدرجه انى كنت بحب اكتب ف النقاش جدا ولكن فضلت اكتب ف قلم الاعضاء
انا اعرفها من زمان لما كانت ع قلم الاعضاء ولكن ع قلم النقاش حاسه انى الاسلوب اتغير مش زى الاول كمان بلقى ف قلمها كده تكلف ولغه غير موزونه انا اسفه لصراحتى بس اتعودت انى ماانافق
/

ردي بقة متنسيش تردي عليا برضه!!
/
شكرا طيب طالما متاكد وهتعديها
____________________

بمناسبة الغرور

انا مش هفضل اقول انا مش مغروره ولا انا بسيطه والحوار ده بس يكفينى انى عارفه حتى بينى وبين نفسى

ان فى كتير هنا افضل منى سواء اقلام او فكر

وكتير بشوف اعضاء اظنهم احق منى بالاشراف

لكن المعلومه دى ظلم جدا

مافيش موضوع بعتمده الا وبرد عليه ومافيش عضو كتب بالقسم الا وتابعته ممكن اكون غفوت ولكن مره مش استمرار

ولا متكلفه ولا غيره انا بتب لغه عربيه وساعات بكتب عاميه بالبلدى عادى جدا

واهو برد عليك عادى

امر انها تسيب القسم وتروح قلم الاعضاء بسببى

دى معلش بتبالغ اوى

لان زى ما قولتلك بتابع الكل

وعندى ولا قلم الاعضاء الاتنين فائده للمنتدى
/
بقولك ايه مش مكمل الحلقة دي عشان انتي بجد مغرورة حتي عليا بالكلام !!
مستفزة جدا[
/
ههههههههههههههههههه ماشى ياسيدى الف شكر برضو

الامر يرجعلك

حابب تكملها براحتك مش حابب صدقنى مش هجبرك

بس بالله عرفنى عشان هاقفل
/
انتي بتضحكي علي ايه؟؟
انتي قمة الآستفزاز يابنتي وربنا !!
اول مرة اشوف بني ادمة كدا
بلاش اكمل عشان الاتهامات اللى جاية
ممكن تخليني انا اللي اتنرفز عليكي
/
طيب الحمدلله انك شوفت

لا عادى وتتنرفز عليا ليه الامر يخصنى انا انت ايه دخلك

عندك اتهامات تانى هاتها مافيش خلاص قولت امر يرجعلك

ومعلش اهدى وبلاش تتعصب الشوجر وحش عليك خاف منه
/
ال الآيه؟؟؟؟
/
إنا لله وإنا إليه راجعون

يا عم الحج في اتهامات تانى ولا لا

ثم بقول شوجر سكر يعنى ربنا يبعد عنك الشر يعنى اعتبرها رخامه
/
والله العظيم انتي اللي سكر هههه
دا ياستي برنامج مقالب
واسمه الحقيقي انا والفيلسوف
وانتي كنتي معايه ف الكاميرا الخفية
وبجد آحلي كاميرا خفية عملتها ف حياتي يعني ^^
/
ههههههههه كاميرا خفيه

والفيلسوف كمان

هكشف راسى وادعى عليكم لانى النهارده بالتحديد ربنا اعلم بحالى

هاموت واعرف مين عزه بس

تسلم برضو بس بجد مستفز والله

اسفه طبعا لو اتعصبت فى الكلام بس عندى اسبابى

تسلمو بقا[
/
لالا انا كنت هلغي الحلقة لما عرفت موضوع مامتك ربنا يارب يعفي عنها ويشفيها ..خوفاً عليكي وعلي آعصابك ..بس لقيتك ماشاء الله يعني داخله بقلب جامد ف الحكاية مش همك ..دا اللى ساعدني اكمل ..بخلاف كدا في اسآلة كتيرة خارجة عن المضمون محبتش اسآلهالك بصراحه برضه عشان متضايقيش مني ..
انا اللي اسف لو كلمتك باسلوب وحش ..والله عشان المقلب بس؟ ..كل سنة وانتي طيبة دا هيتعرض ف رمضان بس متقوليش لحد بقة ؟ ومتزعليش مني لو ضايقتك او كلمتك باسلوب مش تمام..وانتي بجد انسانة جدعه
/
الله يكرمك مافيش مشكله

ربنا يوفقكم لولا والله هاسافر كنت طولت

بس اعذرنى

ويارب رمضان مبارك عليكم

اشوفك بخير ان شاء الله
/
بسلامة بآذن الله
ورمضان مبارك علينا وعلي الامة الاسلاميه كلها
والف سلامة للوالدة مرة تانيه
وانا اسف برضه مرة اخيرة ..

[واد حبيب]

انت فعلا مستفز ههههههه
حلقه جميله منك با منشاوي
اختي همس طيبه علشان كده شربه المقلب
تسلمو علي الحلقه

[Lamees]

لعبتك مكشوفة يا سكار ههههههه
منورة بسنت
كل عام وانتم بخير

[ايمان طلعت]

يخربيت استفزازك
مستغربه هي استحملتك وكملت معاك ازاي
دي كفايه طريقتك في الكلام تقفل اي حد منك
يلا مبروك المقلب بسنت

[ويبقى الأثر]

ياربى على قمة إستفزازك
ايه ده
هههههه وحلوه الشوجر دى منك بسنت
بس بجد رغم عصبيتك الا انك كنتى هاديه مع استفزاز المنشاوى
وربنا يخليلك مامتك يارب ياقمر

[حازم34]

حلقه بصراحه صعبه جدا علي الاخت بسنت

قبل اعلان اول سؤال

لاني اولا اقول لها سلامات سلامات للوالده ما تشوف شر

ابدا اسال الله ان يشفيها ويعافيها


بعد اول سؤال هيا الاصول كانت فهمت علي طول

يعني 3 اطفال وعزه

يا راجل

جميله والله يا استاذنا المنشاوي

وجميله الاستضافه لزهره من زهرات المنتدي


ومنوره دايما يارب

ويارب ربنا يسعدها ونعيش ونشوفها ويكون عندها يارب

اولاد كما تتمني يارب


وتكون معانا هنا باذن الله


يسلموا لكم مني خالص التحيه والتقدير