"القطايف"

[انجي_1]

كل سنة وانتو طيبين
على مدار الشهر اللي فات سألناكم تحبو تاكلو إيه في رمضان.. وبالأصناف اللي طلبتوها عملنالكم منيو كبيرة لرمضان السنة دي.
ومن الحاجات اللي طلبتوها هي "القطايف" وطريقتها سهلة جداً.. أهيه:
اول حاجة هانعمل عجينة القطايف نفسها.. عبارة عن..
كبايتين دقيق.. ومعلقتين سكر.. معلقة كبيرة خميرة.. معلقة كبيرة بيكينج باودر.. نص معلقة صغيرة ملح.. كبايتين ميّه دافية.
هانقلب الخميرة والسكر في نص كباية ميّه دافية ونسيبها تخمر.. وبعدين نحطها عالدقيق وبقية المكونات ونضربهم بالخلاط لحد مايبقى سائل متجانس ونسيبه يخمر لمدة ساعة..
ودلوقت نجيب طاسة غير لاصقة وندهنها زيت ونحطها على نار هادية ونحط الخليط بكبشه صغيرة ونصب شكل دايرة ونسيبها لحد مانشوف فقاقيع عالوش.. ساعتها نشيلها من الطاسة (يعني بنحمرها من جهة واحدة بس) ونرصهم في طبق ونغطيها بفوطة عشان ماتنشفش وتفضل طرية.
نحشيها بخليط المكسرات والزبيب وجوزالهند ونقفلها من الأطراف وبعدين نقليها في زيت غزير ونصفيها من الزيت وبعدين نحطها في طبق العسل او الشيرا او الشربات.
طريقة الشربات: كباية ميّه وكبايتين سكر وعصير لمونه وممكن نحط نقطة ماء زهر.
نقلبهم ونسيبهم يغلو عالنار لحد مايتقل.
انتو بتعملو القطايف إزاي؟!.. بتحبو تاكلوها بالمكسرات ولا بالكريمة ولا بالجبنة؟!
و رمضان كريم
.

..

[esraa magdy]

وانتى طيبه
تسلمى انجى ^^

[سارة بنت مصر]

وانتي طيبه

طريقتها حلوه وسهله

[El_Magic]

القطايف من الحاجات المشهوره فى رمضان ولازم تتعمل

تسلمي