احــــظــــر..

[حـيـــــآة ❤]

السلام عليكم ورحمة الله وبركاته

بصراحه انا هتكلم ف حاجه بجد مدايقاني ومش مستوعباها

كنت بتتريق ع الصحاب اللي الاول بيجيب درجه اعلي من التاني بيروح

ابو درجه اعلي يقطع علاقته مع صديقه اللي جاب اقل منه

والنهارده حصل معايا انا الموقف دا!

صحبتي اللي كنا لما بنمشي مع بعض الناس تحسدنا من كتر حبنا ف بعض

اتفاجئت بيها باعتالي بتقولي بالنص "لو سمحتي متتكلميش معايا تاني"

راحت دبالي الحظر!

مصدقتش ان ممكن التصرف دا يطلع منها.. مع انها عارفه اني من اخر المستحيلات

اني احقد عليها

كل دا وهي اعلي مني ب1%بس!!

سبحان الله.. بس انا بحمدربنا ان محصلش مني اي حاجه وحشه ليها ولا كلمه

وهي اللي اتصرفت من روحها

والله غني عن عباده

بس فوقوا بئا ياجماعه دي مش نهايه الدنيا.. هزعل ليه لو انتي اعلي مني

ايه التفكير دا؟؟ معقوله

ممكن الاقل منك دا يبقي اعلي منك مستقبلا.. ويبقي انجح

بجد، شئ محزن لابعد الحدود

ولكن انا حطيته مبدأ اللي ماشي سكتي اهلا وسهلا واللي هيطرق اهلا وسهلا برده

كنت محتاجه افضفض ف الموضوع دا عشان بجد متدايقه

[Aya 7ekaya]

معقول ناس بتفكر بالسطحيه دى !
عمر ما درجاتك او مجموعك ف مرحله معينه من عمرك هى مقياس لحياتك ..
ده جهل هى ممكن تكون جابت مجموع اعلى بس تفكيرها اقل بكتير
الناس دى مايتزعلش عليها دى يتكسر وراها زير

[♥○ moOoOoOna ♥○]

لا اكيد مش دا السبب

اكييييييييييييد يعنى

تحققى الاول ممكن تكون زعلانة منك عشان حاجة تانية

ماهو الظن دا اللى بيعمل مشاكل بين الناس

تقولى فى نفسك بقى ااااه دى عايزة تقاطعنى عشان هى اعلى منى

وممكن يكون السبب حاجة تانية خالص

لو منها لنفسها كده تبقى تعبانة اكيد ههههههههههه

[*فجر الاسلام*]

ولاتزعلى نفسسسسسسسسك هى اللى خسرتك ياقمرى
ربى يسعدك يااااااارب

[حـيـــــآة ❤]

منورين يا جماعه

مونه
انا عمري ماعملتلها حاجه وحشه ولا فكرت
وبعدين هي قالتلي ^^

[فداااااااااااء]

دى اكيد مش صاحبتك بجد
انا مثلا كنت بذاكر لصحباتى وكانوا بيجيبوا أعلى منى ههههه وبنفضل نضحك على الأمر.. دى عقليات غريبة
بس برضوا لازم تعرفى الأول السبب هى الدرجة ولا فى شيء تانى
ممكن ما تكونى واخدة لبالك لأمر زعلها او حد شحنها ضدك.. والناس اللى من النوعية دى بتتحذف من الذاكرة

[♥○ moOoOoOna ♥○]

قالتها كده انتى جايبة مجموع اقل منى ؟؟؟

لو دا حقيقة كان هيبقى ايه موقفها لو انتى جيبتى اعلى منها ؟؟؟

[حـيـــــآة ❤]

اقتباس المشاركة الأصلية كتبت بواسطة فداااااااااااء دى اكيد مش صاحبتك بجد انا مثلا كنت بذاكر لصحباتى وكانوا بيجيبوا أعلى منى ههههه وبنفضل نضحك على الأمر.. دى عقليات غريبة بس برضوا لازم تعرفى الأول السبب هى الدرجة ولا فى شيء تانى ممكن ما تكونى واخدة لبالك لأمر زعلها او حد شحنها ضدك.. والناس اللى من النوعية دى بتتحذف من الذاكرة

يامروه دي واحده بقولها مش هتجيبي معايا النتيجه من المدرسه
قالتلي ليه
قلتلها عادي براحتك قالتلي طريقتك معايا اتغيرت ولقيت بكابورد طفح
دا بذمتك ايه
وتقولي انتي منجم وانتي في ايه جواكي
قلتلها انا اخر واحده ممكن تحقد عليكي بابتي فوقي
قالتلي متكلمنيش تاني
دا بذمتك يعني ايه؟

[حازم34]

اولا اولا

ابارك لكي النجاح

الف الف مليون مبرررررررررررررررررررررررررررووووووووووووووووووووو وووووووك


وربنا يسعدك ويسعد حياتك يارب


اختي الكريمه لاتزعلي ابدا

دي كانت زميله مدرسه وطبعا بعضهم دائما وابدا وكم عانيت من هذا


يكره ويتنمي ان تكوني اقل منه في الدرجات


ولكن ان تصل الي الحد دا يبقي تخلف فعلا


والحياه ليست بالتوفق العالي في المجموع وخلافه الحياه هي توفيق من رب العالمين


لي زملاء كان حظهم من الفهم القليل والان اصحاب شركات عالميه ولهم اسم كبير جدا


التوفيق هو من الله

فلربما وكما نري طالب دخل كليه عاديه


كان حظه في الحياه اوفر واحسن من طالب كان من الاوائل


وطلب التوفيق من الله والسداد في الامور مهم جدا


احنا بمصر بس ال بتشغلنا الدرجات والتفوق غير بلدان العالم المتقدمه


اسال الله ان يوفقك ويبارك في عمرك وحياتك كلها


اعرف قريب لي من دبلوم الي اسم كبير في الجماعه بالدراسه والمواصله



الف الف الف مبروك اختي الكريمه ابارك لكي النجاح

واوعي تزعلي علي زميله دراسه بها الفكر


فيه كتير كدا عقليتهم كدا ربي يسعد ايامك


فين بقي الحاجه الحلوه


هو واجب علينا والله

[فداااااااااااء]

يبقى خلاص سيبك منها النوعية دى لا يزعل عليها
وبعدين الناس بتظهر حقيقتها فى الوقت المناسب
علشان حاجة تافهة تخاصمك فيها امال لو كان الأمر شيء كبير
كانت عملت ايه
صحاب ايه دول... ارمى ورا ضهرك وهى هتعرف بغلطتها بعدين