قضيه للنقاش

[حازم34]

السلام عليكم ورحمه الله وبركاته


تحيه طيبه وبعد


الحمد لله حمد الشاكرين

واسال الله العظيم رب العرش العظيم ان يجعل

القران الكريم قائدنا وسائقنا الي جناته جنات النعيم


وان يجعلنا ومن نحب من اهل القران

الذين هم اهل الله وخاصته


القران اخواني واخواتي كلام رب العالمين الي امه محمد صلي الله

عليه وسلم وهو دستورها العظيم ان ارادت الخير تمسكت به

ورفعته عاليا وقالت الله اكبر الله اكبر

وكتاب الله بايدينا نتمسك به ولن نقهر


انه لقران كريم لايمسه الا المطهرون


اري وللاسف بعض المنتفعين يفتحون القنوات التي يخدون بها الناس

في منتجات لاتسمن ولاتغني ابدا وهي مضره وليست تحت رعايه

الصحه منتجات تدر عليهم ما تدر من اموال

وكيف لا وهم يستاجرون قنوات بالاف من الدولارات


تجد اعلانا فعلا خادش للحياء والقناه عليها مقرئ يقرئ

القران هل وصلنا لها الحد من الاجتراء علي كتاب الله

كيف لانسان ان يفعل هذا


وايضا تري بعض من يطلقون علي انفسهم مشايخ

ولهم القدره علي علاج الناس ما ادري كيف

وتري بيرجع الحبايب في ثواني وبيخلي الراجل يرجع زوجته

في لحظات والقران شغال يقرا


هل لهذا الحد وصلنا

ام انها الدنيا الكل يله وراء المال


واين المسؤلون عن بث ها القنوات علي اقمارهم


للاسف تبث علي النايل سات


ما رايكم بالقضيه ونحن امه القران

ونسير علي نهج الحبيب محمد صلي الله عليه وسلم

[big bốss]

ليس بعد الكفر ذنب

الترويج للعلاج بالسحر من اكبر الاخطاء و ليس هناك رقابه دينيه علي انتشار مثل تلك القنوات

نعم هو قمر صناعي مصري عربي مسلم و لكن لا سلطان يحكمه الا تحصيل الدولارات فقط

[مهيب الركن .]

اهلا بالأخ الفاضل حازم


يقول الحق جل شأنه فى سورة البقره

ولا تشتروا بآياتي ثمنا قليلا وإياي فاتقون

كل من يستعين بأيات الله فى النصب والسرقه وللحصول على مدح زائف
او وضعها فى غير موضعها او تسخيرها لأغراض دنيويه وسياسيه وللكسب
غير المشروع فهو يتاجر بأيات الله الشريفه
باختصار
استخدامها فى اى شئ غير ابتغاء وجه الله ورضائه فهو يشترى بأيات الله ثمنا قليلا
واى ثمن غير رضا الله وجنته هو ثمنا قليلا

والناس لازم تعرف ان دول دجالين شوية نصابين بينصبوا بأسم الدين
انا مش فاهم يجى أعلان بيقول جلب الحبيب فى 5 دقايق
طب لو فيه اتنين راحوا للشيخ ده وبيتخانقوا على واحد الشيخ هيعملهم ايه ؟
الراجل اللى بيتخانقوا عليه هيفضل رايح جاى بينهم الأتنين
والله تهريج ونصب والناس هى اللى بتدى فرصه للنصابين دول يعملوا كده

موضوعك رائع اخى حازم
بارك الله فيك

[حـيـــــآة ❤]

وعليكم السلام ورحمه الله وبركاته

كله تبع العائد المادي ولايهم اي مبدا ديني او غير ذلك

اهم شئ العائد المادي من وراء هذه المفتعلات

ربنا يهدي ويجازي والله خربوا واجهتنا
ربك يصلح الحال يارب
دمت في حفظ الله ورعايته ا/حازم

[شاعر الحب الحزين]

كتروا على فكرة .. وكل يوم بتلاقي قناة جديدة

وكفى بالله رقيبا

بيطلبوا مبالغ هائلة ..وبيستغلوا الناس ..الا قليل

عشان ما نعممش بس..لكن اغلبهم كده

وبالنسبة للمنتجات الدعائية التي تعرض ..إذا لم تستح فاصنع ما شئت

ولا حول ولا قوة الا بالله العلي العظيم


ربي يعطيك العافية أخي حازم

فعلا قضية مهمة للنقاش

وفقت في عرضها وطرحها أخي الحبيب حازم

ربي يوفقك ويسعدك

[فصيح]

يا عزيزي كلهم لصوص
وبالدين يتاجرون
دكتور حازم العزيز علي قلبي ، القضيه اللي طرحتها
منتشره جدا مش بس في القنوات دي دا يا دك
في التعامل العادي بين البشر تجد اي نصاب
عشان العمه تلبس صح يردد حديث ولا ايه بمقمه التأثر
لزوم الشغل علشان النصبه تبئا متسبكه صح
كل اللي اقدر اقوله لا حول ولا قوه إلا بالله
احترامي عزيزي

[۩۩ elMagic ۩۩]

كلاً يسير على اهوائه
الناس بقت تسارع في عمل الامور المربحه
بصرف النظر عن حكمها الديني
بس الشعب نفسه بيساعدهم
علشان بيشاهد التخلف دا وفيهم اللى بيتبعه
الجهل عم ع الجميع
ربنا يهدي الحال ،، تسلم أ\حازم لطرحك الطيب

[فداااااااااااء]

وعليكم السلام ورحمة الله وبركاته
للاسف لم يعد هناك رقابة لا من أجهزة دولة ولا حتى من الضمير الإنسانى... اعلانات الغرض منها فقط المنفعة حتى وان كانت فى مغضبة الله.. الناس تجرأت بشكل غريب وموحش
أصلح الله الحال
سلمت اخى حازم ودام نبضك

[بنت خديجة]

اقتباس المشاركة الأصلية كتبت بواسطة مهيب الركن . اهلا بالأخ الفاضل حازم يقول الحق جل شأنه فى سورة البقره ولا تشتروا بآياتي ثمنا قليلا وإياي فاتقون كل من يستعين بأيات الله فى النصب والسرقه وللحصول على مدح زائف او وضعها فى غير موضعها او تسخيرها لأغراض دنيويه وسياسيه وللكسب غير المشروع فهو يتاجر بأيات الله الشريفه باختصار استخدامها فى اى شئ غير ابتغاء وجه الله ورضائه فهو يشترى بأيات الله ثمنا قليلا واى ثمن غير رضا الله وجنته هو ثمنا قليلا والناس لازم تعرف ان دول دجالين شوية نصابين بينصبوا بأسم الدين انا مش فاهم يجى أعلان بيقول جلب الحبيب فى 5 دقايق طب لو فيه اتنين راحوا للشيخ ده وبيتخانقوا على واحد الشيخ هيعملهم ايه ؟ الراجل اللى بيتخانقوا عليه هيفضل رايح جاى بينهم الأتنين والله تهريج ونصب والناس هى اللى بتدى فرصه للنصابين دول يعملوا كده موضوعك رائع اخى حازم بارك الله فيك

اشارك مهيب في الراي

اشكرك ع اثاره هذا الموضوع حازم

[Lamees]

بيستغلوا ضعف الناس وجهلهم واحتياجهم
وللاسف هما بيقعوا فريسة الدجالين
واصحاب القنوات في حب المال ماتت ضمائرهم
تحيتي لك استاذنا