درويش ...

[فصيح]

درويش أحنكش الحناكيش

ألبس الطرابيش ..

ومش فارقه

أنا راضي بعيشتي أعيش

منا أصلي من الحرافيش

مقضيها بنص رغيف

أخاف اطفح يقول مفيش

مطحون

وأسلافي من المطاحين

مغروز لكتافي في قلب الطين

ولا بشكي ولا بتذمر

ولا بطلب ولا بتأمر

أنا عايز في أحضانها

...... أندفن وأعيش

أحلامي بسيطه

لا فيلا ولا أميره

أنا بحلم بلقمه حلال

على القمره أقول موال

قد ما بعافر تقدرني

تطبطب مش تكدرني

خلص الجواب

..... فـمتردديش السؤال

أصل السكات مدرسة

بتعجب البشاوات

والكلمة مش ببلاش

غير نطقها فمات

يرحم زمان .....

لكان فيه سياسه

ولا زعاق وميدان

ولا كان فيها شجاع

ولا منادى ......

يقول أنزل يا جبان

.

.

.

خلص الكلام

أصل لو قولت هـزودها

خلوني اكروتها

.

.

أنا الدرويش أغنيلها

وإن مالت أنا أعدلها

بحب ترابها ونخيلها

وأدعيلها بصلاح الحال


فصيح

[حـيـــــآة ❤]

روعه يابو الحناكيش ههه.
جميل كعادتك وكلماتها بسيطه ومتقنه
دمت في حفظ الله اخي الفاضل

[حكاية حب]

ايه يا عم دا
هتكروتها هههههههههه
امال لو اتكلمت هتقول ايه
نجم نجم ومش عايزه كلام
يا صاحب اجمل غنوه وموال
استاذ يا فصيح اللسان
مودتي وتقديري

[راجعة لحبيبى]

حتنكش حناكيش
وحنكوش
وكمان فيه مصطلح مصرى حديث ولاقديم ماادرى
اسمه فنكوش
اظن كلهم يوصلون لمعنى واحد
حلو سيف الخاطره وهدفها
تسلم
لروحك السعاده

[ساحرة القلوب.]

ههههههههه
رؤؤؤؤؤؤؤؤؤعة اوي
يسلم قلمك الراقي

[شاعر الحب الحزين]

الله عليك الله الله يا فصيح

مبدع جدا ف اللون ده ..ماشاء الله عليك

جميلة بجد ومعبرة عن حال الشباب

كل الشكر والتقدير

ربنا يوفقك ويسعدك

[همس الكناريا]

حلم مشروع


يا وطنى بعشق ترابك
رغم الأسى والضيق
وادفن فى قلبى عذابك
أداريه عن المخاليق
وأشتاق قوى فى غيابك
والدنيا بيا تضيق
أملى فى حلم بكره
وعشمى فى التحقيق
يحمل بوادر بشرى
وأمل بسيط وبرئ
ألاقى ضل شجره
وان كانش بلة رئ

الراقي / سيف

كلماتك تخرج من قلب قهر من استمرار ضغط أضلاعه عليه
ورغم كل هذا يظل قلبك ينبض بعشقها

يسلم قلمك وإحساسك سيف
رائع الحرف وراقي
دمت للقلم مداد
احترامي
همس الكناريا

[Fatma eissa]

كلماتك في منتهي الروعه الجمال
أبدعت
تسلم ايدك

[شاعرة الرومانسيه]

كلمات رااائعه تسلم ايديك اخى

[العاشق الذى لم يتب]

شعر حلمنتيشى هادف
سلمت مبدعنا
وسلم النبض
دمت بخير
تحياتى