أولاد من بطن وحدة

[شاعر الحب الحزين]

كنتوا اخوات وأولاد من بطن وحدة

مكنش حد يقدر يفرق بينكم

كنتوا تسندوا بعض ف وقت الشدة

والناس تحكي وتقول عنكم

ويا خسارة اللي فرقت ما بينكم وحدة

وقدرت تاخد اخوكم منكم

بعد ما كنتوا حبايب نسيتوا عهد المودة

بقت فين الإخوة وانتوا فينكم

بقت راحتكم في خلاف هجر وصد ووحدة

تستقووا على بعض وتنسوا دينكم

ف نهاركم قاسيين ولما تحطوا راسكم ع المخدة

تراجعوا نفسكم وتغرقوا ف دمع عينكم

يطلع النهار تنسوا دموعكم وتقفوا لبعض ع الوحدة

ومفيش أي إحساس ولا ضماير تدينكم

بقت فرحة الواحد فيكم لما يشوف نار اخوه قايدة

الدم بقى ميه والسواد قتل بياض لونكم

اذا كنتوا انتوا اخوات ونازلين ف بعض قسوة ومعاندة

ما تلوموش على الغريب بقى لما يهينكم

لسه بتوقع ما بينكم بكلام وتصدقوها ومش ح تهدى

الله يكفيكوا شر اللي جاي منها ويعينكم

ما تخسروش بعض عشانها ما تسمحوش تفرقكم وحدة

ده انتوا كل الدنيا قبلها ما قدرت تفرق بينكم

صالحوا بعض واتسامحوا يا اخوات يا أولاد من بطن وحدة

اقتلوا الفتنة والعداوة قبل ما تكبر وتزيد ما بينكم



شــــــــــــــــــــــــــــــــــــــــــ . حـــــــــــــــــــــــــــــــــــــــــــ

[فداااااااااااء]

أسوء شيء وهى الوقيعة.خاصة لما تكون بين اخوات والسبب امرأة
العيب الأكبر بيكون فيهم لأنهم بذلك يثبتوا ضعف الاخوة وهشاشتها
كلمات لا تخرج إلا من قلم مميز وبارع فى التجديد والتعبير عن الحالة
رائع وأكثر اخى شاعر
دوما ممتع اخى فى كتاباتك
سلمت اخى وسلم قلمك الرنان
احترامى وتقديرى لك

[دمعه حائره]

خاطره رائعه تناقش قضية يعانى منها الكثير من الاسر
تسلم خالد ابدعت فى توصيل الفكره

[طارق الجميل]

الكلام على الموضوع ده مش محتاج تعليق لانه بقه
حاصل وعلى امور اتفه من كده كمان عايز اقول
قد ايه النص رائع اثر فينا وورانا قد ايه بقينا
وحشين لدرجة خسارتنا لاقرب اقرب الناس

[همس الكناريا]

يسلم إبداعك شاعرنا
تحدثت حروفك عن ظاهرة ما أكثرها انتشارا في حياتنا اليومية
نص رائع وحرف وفكر أروع
دمت ودام نبض قلمك
احترامي

همس الكناريا

[Aya 7ekaya]

ظاهرة منتشره للاسف ولاسباب تافهه
الاخوات مش ممكن تتعوض ابدا

تسلم ايدك شاعرنا

[راجعة لحبيبى]

اشوف سببها
قله الدين
والبعد عن الله
والنشاه السليمه
اللى يسال عليهاالوالدين
ولايحق لاى سبب
الاخوان يتشاجرون
شاعرنا خالد
وين ماتكتب انت رائع
تسلم
لروحك السعاده

[Doaa Hammam]

للأسف فيه ناس ممكن تخسر بعض عشان أمور تافهة ولا تستحق

خاطرتك جميلة وهادفة

سلمت يمناك شاعرنا

[حكاية حب]

الله الله عليك يا شاعر الابداع المتجدد بكل حالاته

تعرف اجمل ما في قلمك هي المصداقيه واني كلماتك بتلامس القلب

الأخوه الافاضل كتبو كل ما وددت ان اقوله ولكني هنا سألتزم الصمت

فالصمت في حرم الجمال جمال وانت اهل له يا شاعر

مودتي وتقديري

[شاعر الحب الحزين]

اقتباس المشاركة الأصلية كتبت بواسطة فداااااااااااء أسوء شيء وهى الوقيعة.خاصة لما تكون بين اخوات والسبب امرأة العيب الأكبر بيكون فيهم لأنهم بذلك يثبتوا ضعف الاخوة وهشاشتها كلمات لا تخرج إلا من قلم مميز وبارع فى التجديد والتعبير عن الحالة رائع وأكثر اخى شاعر دوما ممتع اخى فى كتاباتك سلمت اخى وسلم قلمك الرنان احترامى وتقديرى لك

صدقتي فداااء حقا تكون النتائج كارثية ولا تحتمل

وكل ينظر لنفسه على أنه هو المحق والآخر مخطئ

وصدقا العيب فيهم لأن الأخوة أقوى من أي فتنة


أشكرك فدااااء وهذا الرد القلبي الصادق

والتفاعل الصريح الصحيح حقا قيمة الحضور انتي

الروعة هي مساهمتك النبيلة بفكر راقي صادق جميل

أسعدتيني حضورا وقولا الخلوقة دائما فدااااء

كل الأحترام والتقدير لك ..ربي يوفقك ويسعدك