التقييم بالنجوم

[د/ عبد الله]

السلام عليكم
فيه من ضمن طرق تقييم الموضوع التقييم بالنجوم
يعني خمس نجوم معناها موضوع ممتاز وأربعة يعني جيد
واتنين يعني سئ وهكذا.
طيب التقييم ده بيعبر عن وجهة نظر مين؟
بالتأكيد بيعبر عن وجهة نظر الشخص اللي قيّم
وممكن غيره يختلف معاه ويبقى شايف الموضوع بنظرة تانية.

طب ليه بقى حد يفرض وجهة نظره ع الجميع؟
لأن التقييم ده بيظهر للكل وبيبقى ثابت بالنجوم

المشكلة إن اللي بيدخل ويلاقي الموضوع واخد أي رقم من النجوم
بياخد إيحاء إن الموضوع بقى كده من قبل ما يشوفه.
يعني بيبقى داخل يقرأ الموضوع وهو ف دماغه انه موضوع ممتاز
أو جيد أو ميدخلوش خالص لأنه شاف التقييم بيقول إنه سئ.

كمان فيه نقطة تانيه
إن فيه كتير من الأحيان التقييم بيتم على أساس الكاتب مش الموضوع
يعني فيه ناس تلاقي فلان كتب موضوع يديله الخمس نجوم دايما
حتى لو مقرأش الموضوع
مع العلم إن لو حد تاني كاتب نفس الموضوع مكنش إداله الخمس نجوم.
طبعا التقييم بالخمس نجوم بيفرح صاحب الموضوع وبيشجعه
لكن ف نفس الوقت التقييم بنجمة أو اتنين هيكون محبط .
ونقطة اختلاف الآراء لازم تتراعى
يعني أنت شايف الموضوع بشكل معين مش لازم تفرضه ع الجميع.

في رأيي ممكن نخلي نقطة التقييم بالنجوم قاصرة على المشرفين والإدارة
مجرد اقتراح وتبادل للأراء
وأتمنى إن محدش ياخد الموضوع بشكل شخصي ويتحول لجدال عقيم
الموضوع أبسط من كده بكتير.
بانتظار آراءكم.

ماحوظة:
أنا كاتب الموضوع من قبل ما أبقى مشرف.. وقت ما كان المنتدى مبيفتحش
ونسيته من وقتها.

[مهيب الركن .]

وفيها إيه لما موضوع ياخد خمس نجوم ؟
وليه نفترض ان اللى اعطى خمس نجوم لم يقرأ الموضوع
ما يمكن قرأه وعجبه ومن وجهة نظره هو يستاهل خمس نجوم

وليه نعطى للمشرف حق التقييم ونمنع هذا الحق عن الأعضاء
دا على أساس أن المشرف حسه عالى ونظرته أعمق من الأعضاء
مثلا فى التقييمات ؟
مش عارف ..
عموما تسلم لموضوعك اخى الكريم

[العاشق الذى لم يتب]

يادكتورنا
ماتزعلش كده
الموضوع بسيط
ولو فيه عضو قيم
وقال لصاحب الموضوع قيمتك
يبقى لايحق لنانحن المتابعين نمعه
صح ولاايه
تسلم والطرح الجميل

[د/ عبد الله]

اقتباس المشاركة الأصلية كتبت بواسطة مهيب الركن . وفيها إيه لما موضوع ياخد خمس نجوم ؟ وليه نفترض ان اللى اعطى خمس نجوم لم يقرأ الموضوع ما يمكن قرأه وعجبه ومن وجهة نظره هو يستاهل خمس نجوم وليه نعطى للمشرف حق التقييم ونمنع هذا الحق عن الأعضاء دا على أساس أن المشرف حسه عالى ونظرته أعمق من الأعضاء مثلا فى التقييمات ؟ مش عارف .. عموما تسلم لموضوعك اخى الكريم

ما هو أنا قلت الأسباب ف الموضوع
وكمان قلت انه فيه ناس بتعمل كده..بيدوا الخمس نجوم لمواضيع فلان وهي ف الغالب متستحقش
لكن مش كل اللي بياخد خمس نجوم بيبقى كده

وممكن واحد يشوف الموضوع ممتاز ويستحق 5 نجوم وغيره شايفه ميستحقش

خمس نجوم بتعني ممتاز ..مش معقولة تبقى 90% من المواضيع

اما عن نقطة ان المشرف يقيم فده من باب تقليل التقييمات اللي بتملى المواضيع
مش أكتر وكان مجرد اقتراح مش أكتر وقلته وأنا مش راضي عنه تماما لكن بتناقش معاكم

تسلم لمرورك أخي

[د/ عبد الله]

اقتباس المشاركة الأصلية كتبت بواسطة العاشق الذى لم يتب يادكتورنا ماتزعلش كده الموضوع بسيط ولو فيه عضو قيم وقال لصاحب الموضوع قيمتك يبقى لايحق لنانحن المتابعين نمعه صح ولاايه تسلم والطرح الجميل

يا جماعة انتو خدتو الموضوع برضو بالحساسية اللي كنت خايف منها
طب أنا ايه اللي هيزعلني يا رفعت
ده أنا تقريبا كل مواضيعي بتاخد 5 نجوم

أنا مقلتش نمنع حد
ده مجرد نقاش

تسلم يا رفعت

[YOo YA]

طيب دلوقت
مش فاهمه ايه المشكله ف خمس نجوم او اكتر او اقل
هتكلم عن نفسي
انا اصلا مش بفتكر النجوم دي خالص
واكيد كتير غيري نفس الموضوع
المشكله عمرها ما بتكمن ف عدد نجوم الموضوع من رايي يعني
مش عارفه بصراحه مع تقديري لرايك
ايه لفتك لموضوع النجوم دا؟

[د/ عبد الله]

اقتباس المشاركة الأصلية كتبت بواسطة yoo ya طيب دلوقت مش فاهمه ايه المشكله ف خمس نجوم او اكتر او اقل هتكلم عن نفسي انا اصلا مش بفتكر النجوم دي خالص واكيد كتير غيري نفس الموضوع المشكله عمرها ما بتكمن ف عدد نجوم الموضوع من رايي يعني مش عارفه بصراحه مع تقديري لرايك ايه لفتك لموضوع النجوم دا؟

ما أنا قلت رأيي ف الموضوع
إن التقييم ده بيبقى معبر عن وجهة نظر الشخص المقيم بس
وفيه ناس هتختلف معاه

كمان اللي لفت انتباهي له
إني بلاقي مواضيع واخدة خمس نجوم وهي متواضعة ومواضيع رائعة متاخدش
وشايف ان ده عشان الكاتب مش الموضوع

[مارد الغضب]

انا اؤيد وجهة نظر د عبدالله
انا واحد من الناس عمري مفكرت في النجوم
و لكن لو كان هذا يعني تقييم العمل للاعضاء
يفضل ان المشرفين هم من يقيمون
و لا يترك الحبل علي الغارب
انا من المشجعين لمركزية السلطة و ان يكون
القرار في يد و احدة ...و اللي عايز يعبر للاخر عن
تقييمه فعليه بالردود يقول فيها كل اللي في نفسه
و لكن لا يعقل ان يكون موضوع ردئ و لكون الصداقات
و المجاملات يختلط الغث بالسمين

تحياتي لك د عبدالله هذا موضوع حساس لكنه يستحق
العرض و اخذ رأي الاعضاء فيه

[Eng Esraa]

انا من وجهة نظري مش بهتم بتقييم ال 5 نجوم
اكتر ما بهتم بالردود ع الموضوع او وجهات النظر اللي فيه
و كمان لما اجي اقيم موضوع بيبقي من خلال ردي
ع التوبيك مش برجع لتقييم النجوم !
مش علشان حاجة معينة بس فعلا ممكن يجي وقت
و يتعمل ع اي توبيك عادي .. دي بتبقي وجهة نظر
من عضو اخر .. بس انا بشوف ان لو عملته فانا كده
بقيم الموضوع بصفة عامة عننا كلنا ! و ده مش مستحب
لان طبيعي جدا وجهات النظر تختلف بيني و بين اي عضو
ف مش اجبره انه يشوف الموضوع ممتاز !
و ف الاول و الاخر 5 نجوم او 1 مش هتفرق كتير بقا
ده كان راي .. تسلم لطرحك

[همس الكناريا]

أولا هو مش موضوع إجبار ان العضو اللي اعطي نجوم
يجبرك انك تشوف الموضوع ممتاز وإلا اللي اعطاك نجوم
جبرنا إننا نشوف مواضيعك ممتازة في حين ممكن يكون ليا رأي تاني فيها
الموضو زي ما تفضلت وقلت هي وجهات نظر
وعشان هي وجهات نظر تحترم ليس أكثر
لسبب لأن العقليات تختلف وما تراه أنت جيد يراه غيرك
بعين اخري والعكس صحيح ..مجرد أذواق وآراء
وأنا مش شايفة فيها حاجه وخصوصا ان حضرتك قلت
برضو انها ممكن تكون نوع من التشجيع وهي بالفعل كذلك
وخصوصا ممكن يكون حضرتك او غيرك مقلل في الردود ع الجميع
ويكون رغم جودة الموضوع الا انه ما اخد حقه في الردود
ومن هنا لما ييجي حد يقيمه بيكون نقطة تشجيع ليه وميحصلوش احباط
ويساعده علي الكتابة اكتر...وان كانت مجاملة فالمجاملة عرف سائد في كل مكان
وهذا لا يخفي علي الجميع والكثير من يجامل الكاتب وليس مضمون الموضوع
وضد انها تكون في سلطة حضرتك أو أي حد من المشرفين
كده بتسلبو حق العضو في حرية رأيه بالطريقة اللي تعجبه
وإلا حضرتك شايف إنك أفضل من اللي هنا لدرجة تعطيك
حق التقييم وغيرك لا
عذرا في حين أن هناك الكثير ممن يتقنون الردود والنقد
وهم أحق بالتقييم
الموضوع ليس حكاية نجوم وتقييم
بقدر زي ما قلت في الأول هي وجهات نظر واختلاف عقول
في نظرتها للموضوع وتقييمها ليه
فلندع العضو يعبر عن رأيه كيفما يشاء
ولا نسلبه حقه
احترامي

همس الكناريا