برنامج همسات رجل (الحلقه13)(a7med -3del)

[ايمان طلعت]

السلام عليكم ورحمة الله وبركاته عالم الرجل عالم كبير غامض و اسرار قلبيه قل ان تخرج من القلب معانا النهاردة عضو خلوق صاحب قلم قوي دايما بيكتب عن قضايا مجتمعيه بصورة راقيه ضيفنا النهاردة Ahmed- Adel عرفنا عن نفسك سريعاً؟ احمد عادل 29 سنة من القاهرة بشتغل في شركة ادوية زملكاوي متجوز وعندي بنت عمرها سنة وكام شهر ما هي مواصفات شريك حياتك ؟ قصدك الزوجة التانية تكون زملكاوية وبس ههههههههههه من يعشق قبل الاخر من وجهة نظرك القلب ولا العين؟ ولماذا؟ القلب بيترجم لغة العين وافتكر العلاقة واحدة العين تشوف القلب يحب والحب اصلا زي حاجات كتير بقيت دبلانة متى تشعر بالوحدة ؟ لما ببعد عن ربنا متى تكره المرآة ؟ لما تمثل من هي المرآة المسؤله برأيك ؟ اللي تعرف تكون متجددة فتخلي جوزها دايما شايفها حلوة المبتسمة المشاركة بفاعلية في كل تفاصيل الحياة يقال أن الطريق لقلب أدم معدته هل هذه المقوله صحيحة ؟ لا طبعا سوري يعني ده مش برسيم وهيفرح بيه في ناس بتعيش عشان تاكل وناس بتاكل عشان تعيش ماهي الصفة التي لاتتنازل عنها في المرآة ؟ الجمال وخفة الدم والتدين ماهي أجمل هديه تتمناها من المرآة ولماذا ؟ مبتمناش غير انها تبطل نكد وعكننة وتفرض بوزها شوية دمعة المرآة ماذا تعني لك ؟ كل حاجة.. يعني وجع تمثيل ممكن فرح حب اي حاجة الست بتعيط اكتر مابتتنفس اصلا فمبنعرفش امتي بتكون زعلانة هل يهتز قلبك لدموع المرآة ؟ ومتى ؟ لدموع اي حد عموما الدموع ضعف هل المال يحقق لك السعادة؟ ليا بس لاي حد طبعا المال بقي للاسف بيشتري حتي الحب ولو تمثيل ما الشئ الذي تمتلكه المرآة وتتمني امتلاكه؟ ............. هل من الممكن ان تبوح اسرارك لصديق ام صديقه ولماذا؟ لا ده ولا دي لله وبس في سجدة بسجدها لمراتي وامي وبس ما هو السبب لخيانه الزوجة ؟ تقصير الراجل في جواتب كتير واولا واخيرا تربيتها هي وفي داوفع تاتي بس الثابت مهما حصل مايتهزش متى تشعر بالضعف ولماذا ؟ قدام بنتي وامي بحبهم جدا لدرجة اني مبقدرش الا اني استجيب واتاثر الى أين يصل مفهوم الحرية بعالمك ؟ الحرية بقت بجاحة في نظرية الحرية بضوابط مش اللي الشباب فاهماه ماهو المفهوم الحقيقي للحب لديك ؟ الحب يعني اشوف الدنيا في حد يضحك اضحك حزنه يقتلني افرحله اكتر من نفسي الحب شخصين في جسد واحد الحب امااااااان ماهو اول و اهم شيء يجذب نظرك للمرآة و يجعلك تهتم بها ? اللي بيجذب اي راجل الشكل العام الهيئة الجمال الاسلوب هل تعترف بشيء اسمه الصداقه بين الرجل والمرأة ؟ اه بس مش بشجع ده لان ربنا قال ميتفعش فمش هاجي انا احللها هي حرام نصيحه منك لكل ادم ؟ متشجعش الاهلي تاني مشكورة جدا استنونا وحلقه جديدة وهمسات رجل جديدة تحياتي ايمان طلعت

[ندوشه 2011]

منور ..ربنا يوفقك ويسعدك ويخليلك بنوتك. ...تسلمي ربي يوفقك ويسعدك

[بنت خديجة]

لقاء راق لي جدا
والاجمل من كل هذا انك زمالكاوي ههههه

نورت اخي احمد والله يوفقك في حياتك ودنيتك ويباركلك ببنتك

[Eng Esraa]

احمد اجاباته جميلة و ف مكانها
تسلمي حبيبتي ع برنامجك الجميل ده
موفقة بقا

[Aya 7ekaya]

احمد من الناس الجميله صاحب قلم قوى ف المنتدى
ربنا يخليلك بنوتك ويخفظهالك
وتسلمى ايمى ع الحلقه المميزة

[راجعة لحبيبى]

هلافيك احمد الزملكاوى
ربى يسعدك ويباركلك فى البنوته ومامتها
ومبشكوره ايمان
وروعه البرنامج

[همس الكناريا]

حلقة جميلة واستضافه أجمل
مع شخصية رائعه وقلم جميل وقوي
وإجابات جميلة برضو
إلا إنه زملكاوي
لا وكمان مش عايز حد يشحع الاهلي
كده هنزعل من بعض ع فكرة
منور كتير شاعرنا وىبنا يبارك في بنتك ووالدتك واهل بيتك
تسلمي إيمان ع الحلقة والمجهود
احترامي


همس الكناريا

[حازم34]

اه بس لو مكنتش زملكاوووووي بس دا حب بقي هنقول ايه


غير الاهعلي بطل الابطال


منور الاستضافه الجميله وفكرك الراقي وقلمك الراقي


اهلين والله استاذنا الجميل منورنا دايما واجاباتك الجميل الا موضوع انك تدعوا الناس الي الزملكه


ههههههههههههههه


مشكوره والله صاحبه اجمل اعداد وتقديم واخراج اجمل البرامج


لا حرمنا الله تواجدك الراقي ايمان

















لكما مني خالص التحيه والتقدير

[a7med -3del]

شكرا ليكو جدا كلكم بلا استثنتاء
ويارب تدوم المحبة والعلاقة المحترمة بينا
المنتدي بقي زي البيت فيه كل الناس
مع تفاوت مسب العلاقة
انا بحب المنتدي ده
تحياتي

[توحد ارواح]

اجابات كتير عقلانيه وواقعيه
بالفعل حلقه مميزه
تسلمى ايمان لجميل مجهودكِ