لابسة النقاب علشان محدش يعرفني !

[Eng Esraa]

اقتباس المشاركة الأصلية كتبت بواسطة aya 7ekaya الناس دى بيبقى فى حد مشغلهم بس هى مش هتقول اكيد انتى ماتقفيش مع حد افضل حاجة فى حالات كتير لخطف و بلاوى كتير المحتاج مش بيطلب بيكون عنده عزه نفس فى ناس تلبس النقاب ف الوقت ده وبليل لمل تخلص تقلعه وتلاقيها لابسه احسن منك ربنا يهدى

فعلا ربنا يهدي
نورتي يا حبيبتي

[د/ عبد الله]

هي حاجة معروفة وبديهية ان اللي واقفة تشحت ولابسة نقاب لابساه عشان محدش يعرفها
فدي بقى متتحسبش على المنتقبات خااااالص

فمحدش ييجي يقول شوف المنتقبات بتعمل ايه

ولا اللي يقول بيحصرو الدين في نقاب ولحية وسواك
انا معاك أيوة إن أهم حاجة العمل والقلب
لكن متحتقرش السنة وتقلل منها

[د/ عبد الله]

اقتباس المشاركة الأصلية كتبت بواسطة رعد السـماء شوفي يا باشمهندسة موضوع النقاب ده فاقع مرارتي من زماااااااان يعني لما اتكلم استحملوني إنتو اللي فتحتوني هههههههههههه أي واحدة تقولك لابسة النقاب عن اقتناع قوليلها انتي كدابة لأن مفيش حاجة اسمها اقتناع أصلاً لو قلتيلها في حديث شريف بيقول الوجه والكفين حتقولك حديث ضعيف يعني باختصار هي مجرد رخامة وخلاص هناك العشرات من الأسباب لارتداء النقاب آخرها الدين والاحتشام أنا ساكن في العجمي - اسكندرية في يوم عربيتي كانت بايتة في التوكيل ورجعت من شغلي في المواصلات العامة أقسم بالله شفت بعيني بنتين محجبات واقفين على أول شارع البيطاش شكلهم المريب لفت نظري .. وقفت اتفرج من بعيد لأن الواحد يخاف يقرب من الأشكال دي شبهة بعد شوية ركبوا عربية ملاكي بتاعت واحد من راغبي المتعة الحرام شكلهم مريب رغم النقاب حركاتهم وضحكتهم الخليعة وصوتهم العالي ومكياح عينيهم بيقول انهم فتيات ليل واخدين النقاب مجرد دروة يستخبوا وراها عشان محدش يشوف وشهم واللي بتشحت لابسة نقاب عشان محدش يعرفها من أهلها أو جيرانها واللي قاعدة تبيع جبنة قريش في الشارع لابسة نقاب وهكذا النماذج كتيرررررررر دي عينة بسيطة من الاستخدامات البشعة للنقاب ده غير إن النقاب ممكن يلبسه راجل ويرتكب جريمة أو يندس وسط النسوان وحصلت كتيررر زي ما حصل وعملها بديعة الكلب مرشد الإخوان لما هرب من اعتصام رابعة لابس نقاب أذكر مرة قرأت في أحد المنتديات موضوع حول النقاب وخلال النقاش عضوة من دولة عربية اعترفت انها مرتاحة في النقاب لأنها على حد تعبيرها قالت بالحرف الواحد (في النقاب أناظر براحتي) يعني تتفرج ع الناس براحتها وفاكرة إن محدش شايفها متتصوريش احتقرتها أد إيه وكرهتها وكرهت النقاب أكتررر لأن النماذج دي بشوفها كتير في عيادة دكتور أو في صالة الانتظار في البنك أو أي مكان فيه تجمعات .. بشوف الواحدة منهم قاعدة تلف ع الناس بعيونها واحد واحد من فوق لتحت بمنتهى القذارة والوقاحة .. في الحالة دي أتعمد أحط عيني في عينها وابحلق فيها عشان احرجها واحرق دمها غير كده أعرف ستات جيران في الشارع أو العمارة اتحجبوا فجأة هي أصلاً ناقصها شنب وتبقى راجل تعالي شوفيها لما اتحجبت عاملة إيه في عيونها .. شوية ميك اب اللي يشوفهم يفكر تحت النقاب قمر هههههههههههههههههههههههه ده غير ريحتهم الوحشة وريحة عرقهم القاتلة بس تعدي من قدامك تحسي حيغمى عليكي ماله الحجاب الشرعي ؟؟؟ الزي الإسلامي له مواصفات ليس من بينها النقاب البنت أو الست طالما محتشمة ولابسة زي ساتر عموم جسمها لا يصف ولا يشف الواحد يحترمها ويضربلها تعظيم سلام ختاماً الحجاب فرض والنقاب مش فرض بإجماع العلماء وعندنا نماذج من علماء المسلمين السيدات الدكتورة عبلة الكحلاوي والدكتورة سعاد صالح وغيرهن الكثيرات هؤلاء العلماء أكيد يعرفوا أكتر مننا ويخافوا ربنا أكتر مننا (إنما يخشى الله من عباده العلماء) ليه مش لابسين النقاب ؟؟؟ أنا واحد من الناس لما اتجوز إن شاء الله لو مراتي قالتلي عايزة ألبس نقاب حقولها لأ ولو أصرت حطلقها .. أنا ناقص قرف ههههههههههههه معلش يا إسراء طولت عليكي والله لسة عندي كلام كتير بس كفاية كده سلام .. كلمة أخيرة عشان الواحد مش ناقص ذنوب في هذا المجال لا يجوز التعميم ربما هناك عدد قليل يلبسن النقاب على حق ولأسباب دينية حقيقية لكن تأكدي أن كل واحدة منهن قصادها مليون واحدة لابسة النقاب لأغراض أخرى

يا أخي
إذا كان النقاب مختلف فيه, فهو مختلف فيه إذا كان فرض أو سنة
وفيه علماء أجلاء قالو انه مش فرض زي الشيخ الألباني في كتابه : جلباب المرأة المسلمة.

لكن فيه علماء كتير قالو انه فرض
وفيه من الايات والأحاديث اللي بيؤيد إنه فرض

فمينفعش تيجي تتكلم عن النقاب بالطريقة المهينة دي

يعني عشان فيه ناس بتسئ للنقاب وتستغله استغلال سئ تتكلم عنه كده
طب ما فيه اللي بيصلي وهو حرامي
وكل الناس بتذنب...أنا وأنت وكلنا مذنبين
هو فيه حد معصوم من الخطأ؟

إذا كان رأيك انه مش فرض ولا حتى سنة براحتك
لكن متهينوش بالطريقة دي.

ولا عجب إذا كانت من استشهدت بيها طالبت بتحريم النقاب.
ولم تجرأ على المطالبة بتحريم التبرج والبناطيل والميكرو جيب.

[Eng Esraa]

صح جدا د/ عبدالله
تسلم لمرورك الجميل
و ردك الاجمل

[دمعه حائره]

للاسف ظاهره منتشره بشكل كبير
التسول بالنقاب واغلبهم ناس مش محتاجة
بس كسل انهم يدورا على شغل شريف
ومايعرفوش عقوبة المتسول اللى يقدر يشتغل
عند ربنا كبيرها وذنبها عظيم
ربنا يهديهم لان ساعات المجتمع بيخلى الناس دى
تعمل كده احسن ماينحرفوا
ممكن جهل او معندهمش طاقه للشغل
بس عموما ده استغلال سىء للنقاب والنوعيه دى
اللى بتشوه صورة الاسلام والمنقبات وفيه بيستغلوه
ف حاجات تانيه اسوأ
تسلمى سيرو

[جالس لحالي]

الشحاته مهنة مربحة جدا لناس كتير

والنقاب فيها فعلا علشان محدش يعرفهم بس شوفي هو المشكلة مش فى الناس الى بتلبس النقاب علشان محدش يعرفها لا وكمان فى الناس الى بتلبس حجاب وبتبقى ملفتة للنظر اكتر من الى مش محجبة

الثقافات الدخيلة على مجتمعنا بهدلتنا

[رعد السـماء]

اقتباس المشاركة الأصلية كتبت بواسطة د/ عبد اللَّه يا أخي إذا كان النقاب مختلف فيه, فهو مختلف فيه إذا كان فرض أو سنة وفيه علماء أجلاء قالو انه مش فرض زي الشيخ الألباني في كتابه : جلباب المرأة المسلمة. لكن فيه علماء كتير قالو انه فرض وفيه من الايات والأحاديث اللي بيؤيد إنه فرض فمينفعش تيجي تتكلم عن النقاب بالطريقة المهينة دي يعني عشان فيه ناس بتسئ للنقاب وتستغله استغلال سئ تتكلم عنه كده طب ما فيه اللي بيصلي وهو حرامي وكل الناس بتذنب...أنا وأنت وكلنا مذنبين هو فيه حد معصوم من الخطأ؟ إذا كان رأيك انه مش فرض ولا حتى سنة براحتك لكن متهينوش بالطريقة دي. ولا عجب إذا كانت من استشهدت بيها طالبت بتحريم النقاب. ولم تجرأ على المطالبة بتحريم التبرج والبناطيل والميكرو جيب.

أشكرك يا دكتور
رأيي خطأ يحتمل الصواب
ورأيك صواب يحتمل الخطأ
إحترامي ..

[YOo YA]

عندك حق ي قمر
للاسف مش اللي انتي قولتي عليه بس
فيه كتير بيلبسوا النقاب يداروا بيه افعال كتير تانيه اووي
لا حول ولا قوة الا بالله
بنخاف م الناس ومن نظررتهم ومن افعالنا قدامهم
ومش بنخاف من ربنا لما نعصيه ع شان نرضي الناس
وفعلا بنتحجج بالظروف
ربنا يعافي الامه الاسلاميه ي رب
ويبعد عن الجميع الشر والمعصيه
موضوع هام للنقاش
تسلمي ..

[الملكة المسلمة]

مممممممممم هو رايك صح يا دكتور
بس يمكن الطريقة في التعبير مش حلوة حبة
بس بصراحة انا بشوف نماذج من دى

[Eng Esraa]

اقتباس المشاركة الأصلية كتبت بواسطة دمعه حائره للاسف ظاهره منتشره بشكل كبير التسول بالنقاب واغلبهم ناس مش محتاجة بس كسل انهم يدورا على شغل شريف ومايعرفوش عقوبة المتسول اللى يقدر يشتغل عند ربنا كبيرها وذنبها عظيم ربنا يهديهم لان ساعات المجتمع بيخلى الناس دى تعمل كده احسن ماينحرفوا ممكن جهل او معندهمش طاقه للشغل بس عموما ده استغلال سىء للنقاب والنوعيه دى اللى بتشوه صورة الاسلام والمنقبات وفيه بيستغلوه ف حاجات تانيه اسوأ تسلمى سيرو

فعلا و لقينها طريقة سهلة علشان كده بيرفضوا غيرها
ربنا يهدي الجميع
نورتيني حبيبتي