لابسة النقاب علشان محدش يعرفني !

[Eng Esraa]

اقتباس المشاركة الأصلية كتبت بواسطة جالس لحالي الشحاته مهنة مربحة جدا لناس كتير والنقاب فيها فعلا علشان محدش يعرفهم بس شوفي هو المشكلة مش فى الناس الى بتلبس النقاب علشان محدش يعرفها لا وكمان فى الناس الى بتلبس حجاب وبتبقى ملفتة للنظر اكتر من الى مش محجبة الثقافات الدخيلة على مجتمعنا بهدلتنا

فعلا ...
ربنا يصلح الحال بقا
تسلم لمرورك

[Eng Esraa]

اقتباس المشاركة الأصلية كتبت بواسطة yoo ya عندك حق ي قمر للاسف مش اللي انتي قولتي عليه بس فيه كتير بيلبسوا النقاب يداروا بيه افعال كتير تانيه اووي لا حول ولا قوة الا بالله بنخاف م الناس ومن نظررتهم ومن افعالنا قدامهم ومش بنخاف من ربنا لما نعصيه ع شان نرضي الناس وفعلا بنتحجج بالظروف ربنا يعافي الامه الاسلاميه ي رب ويبعد عن الجميع الشر والمعصيه موضوع هام للنقاش تسلمي ..

اللهم امين
تسلمي حبيبتي لمرورك

[Fatma eissa]

بصي الناس دي لقو حاجه
سهله جدا ونفس الوقت بخباهم فلوس كتير
ولاكتر تلاقيهم،اصحاب املاك
فهما اعتادو علي كدا
هي صحيح اهانه
بس خلاص اتعودو
فمن نسبلهم مصدر الرزق الوحيد
فمن الصعب تغيره
علي اساس هيجيب كام
وان كان هيكفي ولا ايه
فستحلوها
اما النقاق


فاكيد وراها حاجه
وهيه مستخبيه فيه
شوفتي لدرجه ايه الاهانه
واستهانه بيه
وعلي كدا مش هتستغوبي
لو شفتي واحد لابس النقاب
شفتي لغايه ايه وصلوه

موضوع قيم ومهم

[رعد السـماء]

يا جماعة الخير
نحن هنا للنقاش حول الموضوع المطروح للنقاش
وليس للتعليق على آراء بعض
كل واحد مقتنع برأيه وأنا كمان مقتنع برأيي

أنا اتكلمت وذكرت وقائع محددة أقسمت اني شفتها بعيني
وكلنا بنشوف حاجات زي كده مش أنا بس اللي بشوف

اللي مش عاجبه كلامي وطريقتي في التفكير وتناول الموضوع
هو حر وأنا كمان حر

دماغي كده .. كل واحد دماغه عجباه ومريحاه

[د/ عبد الله]

اقتباس المشاركة الأصلية كتبت بواسطة رعد السـماء أشكرك يا دكتور رأيي خطأ يحتمل الصواب ورأيك صواب يحتمل الخطأ إحترامي ..

أكيد كل واحد فينا ليه رأيه ولازم نحترم آراء بعض
والنقاش مفيهوش أي مشكلة
وأنا مش بتكلم عشان أقولك رأيك غلط ورأيي صح..
أبدا ..احنا عايزين نوصل مع بعض للصح...سواء كان عندك أو عندي.

بحترم تقبلك لرأيي واحترامك في الرد
كل الشكر والتقدير ليك

[رعد السـماء]

للمرة الثانية أشكرك يا دكتور
أسجل إعجابي بشخصك الكريم
وأسلوبك الراقي المتحضر في الحوار

[@ فارس الخليج @]

إديها وسيبي البائي على ربنا ياشيخه

[@ فارس الخليج @]

الدنيا لساتها بخير

[الفيلسوف العآشق]

اقتباس المشاركة الأصلية كتبت بواسطة رعد السـماء شوفي يا باشمهندسة موضوع النقاب ده فاقع مرارتي من زماااااااان يعني لما اتكلم استحملوني إنتو اللي فتحتوني هههههههههههه أي واحدة تقولك لابسة النقاب عن اقتناع قوليلها انتي كدابة لأن مفيش حاجة اسمها اقتناع أصلاً لو قلتيلها في حديث شريف بيقول الوجه والكفين حتقولك حديث ضعيف يعني باختصار هي مجرد رخامة وخلاص هناك العشرات من الأسباب لارتداء النقاب آخرها الدين والاحتشام أنا ساكن في العجمي - اسكندرية في يوم عربيتي كانت بايتة في التوكيل ورجعت من شغلي في المواصلات العامة أقسم بالله شفت بعيني بنتين محجبات واقفين على أول شارع البيطاش شكلهم المريب لفت نظري .. وقفت اتفرج من بعيد لأن الواحد يخاف يقرب من الأشكال دي شبهة بعد شوية ركبوا عربية ملاكي بتاعت واحد من راغبي المتعة الحرام شكلهم مريب رغم النقاب حركاتهم وضحكتهم الخليعة وصوتهم العالي ومكياح عينيهم بيقول انهم فتيات ليل واخدين النقاب مجرد دروة يستخبوا وراها عشان محدش يشوف وشهم واللي بتشحت لابسة نقاب عشان محدش يعرفها من أهلها أو جيرانها واللي قاعدة تبيع جبنة قريش في الشارع لابسة نقاب وهكذا النماذج كتيرررررررر دي عينة بسيطة من الاستخدامات البشعة للنقاب ده غير إن النقاب ممكن يلبسه راجل ويرتكب جريمة أو يندس وسط النسوان وحصلت كتيررر زي ما حصل وعملها بديعة الكلب مرشد الإخوان لما هرب من اعتصام رابعة لابس نقاب أذكر مرة قرأت في أحد المنتديات موضوع حول النقاب وخلال النقاش عضوة من دولة عربية اعترفت انها مرتاحة في النقاب لأنها على حد تعبيرها قالت بالحرف الواحد (في النقاب أناظر براحتي) يعني تتفرج ع الناس براحتها وفاكرة إن محدش شايفها متتصوريش احتقرتها أد إيه وكرهتها وكرهت النقاب أكتررر لأن النماذج دي بشوفها كتير في عيادة دكتور أو في صالة الانتظار في البنك أو أي مكان فيه تجمعات .. بشوف الواحدة منهم قاعدة تلف ع الناس بعيونها واحد واحد من فوق لتحت بمنتهى القذارة والوقاحة .. في الحالة دي أتعمد أحط عيني في عينها وابحلق فيها عشان احرجها واحرق دمها غير كده أعرف ستات جيران في الشارع أو العمارة اتحجبوا فجأة هي أصلاً ناقصها شنب وتبقى راجل تعالي شوفيها لما اتحجبت عاملة إيه في عيونها .. شوية ميك اب اللي يشوفهم يفكر تحت النقاب قمر هههههههههههههههههههههههه ده غير ريحتهم الوحشة وريحة عرقهم القاتلة بس تعدي من قدامك تحسي حيغمى عليكي ماله الحجاب الشرعي ؟؟؟ الزي الإسلامي له مواصفات ليس من بينها النقاب البنت أو الست طالما محتشمة ولابسة زي ساتر عموم جسمها لا يصف ولا يشف الواحد يحترمها ويضربلها تعظيم سلام ختاماً الحجاب فرض والنقاب مش فرض بإجماع العلماء وعندنا نماذج من علماء المسلمين السيدات الدكتورة عبلة الكحلاوي والدكتورة سعاد صالح وغيرهن الكثيرات هؤلاء العلماء أكيد يعرفوا أكتر مننا ويخافوا ربنا أكتر مننا (إنما يخشى الله من عباده العلماء) ليه مش لابسين النقاب ؟؟؟ أنا واحد من الناس لما اتجوز إن شاء الله لو مراتي قالتلي عايزة ألبس نقاب حقولها لأ ولو أصرت حطلقها .. أنا ناقص قرف ههههههههههههه معلش يا إسراء طولت عليكي والله لسة عندي كلام كتير بس كفاية كده سلام .. كلمة أخيرة عشان الواحد مش ناقص ذنوب في هذا المجال لا يجوز التعميم ربما هناك عدد قليل يلبسن النقاب على حق ولأسباب دينية حقيقية لكن تأكدي أن كل واحدة منهن قصادها مليون واحدة لابسة النقاب لأغراض أخرى

اتقي الله فيما تكتب
ولا تفتي في دينك بما لاتعلم

[الفيلسوف العآشق]

كان نفسي ابدء بالرد علي موضوعك
بس استفزني تعليقات كتير من اناس لاتفقه شي في ديننا
وتفتي بما تجهل ولاتعلم في امور ديننا

كلمه واحده لهم
سيدنا عمر ابن الخطاب كان يخاف ان يفتي ولو في امر واحد
من امور ديننا بما لايعلم << وهذا هو الفاروق
ونحن سهل عندنا ان نفتي بكل جراءه في امور ديننا بدون علم
او فهم لامور ديننا وشرع اسلامنا من اوامر ونواهي