وبحبــك

[شاعر الحب الحزين]

في كل الحالات بحبك

حتى لما بكره الدنيا بحبك

بزعل منك ساعات بس بحبك

انتي بالذات مليش غنى عن حبك

صوتك همسك كلك ع بعضك

ما شالتش اجمل منك ارضك

خديني مني خليني طول العمر جنبك

بيسألوني عنك احكيلهم إيه

من غيرتي ارد بتسألوا ليه

ما انا مش بسألهم عشان مكتفي بقلبك

تعالي ياللي شاغلة بالي

يا سكر قهوتي والجو العالي

مفيش بغلاوتك مفيش بحلاوتك حلوة الدنيا بقربك

إزاي غيرتيني وخليتيني واحد تاني

قدامك بتكلم وقدامهم مربوط لساني

بيكلموني ف حاجات واسكت..واحب كلامك بصدقك وكدبك

بحبك وانتي زعلانة واكتر لما ترضي

حياتي ورقة إثباتها إنك عليها تمضي

كل إشاراتهم باللون الأحمر وإشارتي خضرا لدربك

بتكمليني واكملك صعب ف يوم اهملك

ولو عاندتنا الدنيا لازم تتحمليني واتحملك

ومش هتعاندنا ولا تبعدنا طول ما انتي بتحبيني وبحبك



شـــــــــــــــــــــــــــــــــــ . حــــــــــــــــــــــــــــــــــ

[YOo YA]

حلوة الاغنيه دي ههههه
نغمتها جميله
حلوة ي سكر قهوتي دي
ع شان يعرفه ان البنات ي دوب تحط ايدها فوحاجه تتسكر هههه
جميله كلماتك واحساسك
دوام الابداع ي رب
تسلم اخي ..

[فصيح]

الحب هو حلا الحياه والمحرك لنبض القلب
وعندما يكون ثقه فهو الرضا والنعمه
اسعدك الباري شاعرنا ورزقك الرضا
خالص ودي وتقديري
احترامي

[حكاية حب]

وبحبك حتي واحنا بعاد بحبك

ولما بياخدني العناد برضو بحبك

الله عليك يا شاعر

ما اجمل حرفك العاشق حد الثماله

كلمات رقيقه تلامس شغاف القلوب

إنتظرني شاعرنا في محاوره شعريه عاطفيه لرائعتك ( وبحبك )

مودتي وتحياتي

[فارس الكلمة]

بحبك
بحبك
بحبك
كلمة بحبك قليلة عليكِ
أنا بعشق سحر عيناكِ
أهيم فى حبك وأملى رضاكِ
أسكن فى حلمك والصبح أكون معاكِ
أرسم خطوات طريقنا سوا
ولا فى يوم نسمع كلام العدا
أحبك
أحبك
أحبك
الهمس منك نغم
والكلام منك شجن
النفس منك عطر
والحب منك مرادى

أخى شاعر
أسعد الله قلبك مع من تحب وتهوي
جميل هنا احساسك وسردك البسيط أفاد المعنى
تقبل مرورى وخالص ودى

[ندوشه 2011]

ما تحب ياخويه حد قالك ماتحبش سبحان الله ناس ليها حظوظ

[شاعرة الرومانسيه]

الله الله على الحب وجماله

بنحب عذابه واهاته

بنحب عمايله الصعبه بقلوبنا

لا بنتوب عنه ولا نستنى لحظه

راقى دائما فى احساسك يا شاعرنا

[راجعة لحبيبى]

الحب حلو وغريب
وحلاوته فى غرابته
وخالد صاحب اجمل الكلمات
والخوض فى كل المجالات
يعنى متعدد المواهب والصفات
وليك اغلى الباقت
من العنبر واليسمينات
تسلم
لروحك السعاده

[همس الكناريا]

وما أجمل الحب حين نكتب عنه وعن من نحب
ف الحب هو إكسير الحياة
تجد الحروف تنساب برقي لمجرد التحدث عنه

شاعرنا الراقي
دوما دوما رائع ومبدع ومتألق ومميز بكلماتك وتعبيراتك
ورقي وهمس وجمال وصدق حروفك
يسلم نبض قلمك الراقي
احترامي

همس الكناريا

[فداااااااااااء]

حروف تعبر عن حالة مبهجة
جميلة تلك النغمات التى تعزفها الكلمات
سلمت اخى شاعر
رائع اخى دام هذا النبض الراقى منك
وتدوم السعادة لقلبك ان شاء الله