ميلي للاحلام شوية

[a7med -3del]

مش مطمنالك
شكلك هتكمل عليا
صحيح انا مرتاحلك
بس خوفي زايد شوية
مانا اللي شوفته قبل منك
قادر ينسيني الحنين
كنت عايشة واحدة ساذجة
سهل احب بكلمتين
....
اطمني
سيبي نفسك واحلمي
ومتخافيش
عمرك في يوم ماهتندمي
هتشوفي شوقي سابق كلامي
هتشوف عينيكي وتفهمي
....
انا خايفة منك
وياريت تفهمني
مش هارضي اشوفك
في يوم ظالمني
محتاجة احس حاجات كتير
محتاجة بس تطمني
وتنسي قلبي اي حاجة
عيشتها قبليك
واحس اني بجد ملكة
واشوف ده جوه عينيك
....
لوحدي اكيد مش هاقدر
هاتي ايديكي في ايديا
واخرجي من ضعف جرحك
وميلي للاحلام شوية
اقفلي علي الماضي باب
وانسي كل الدنيا ديا
متسبيش نفسك لذكري
فيها ليالي تفكري
وارمي كل شئ وراكي
ساعتها بس هتقدري
وهتقدري
Ahmed adel
19-8-2016

والله ماعارف بجيب الكلام ده منين
😅

[SaMa.]

شكلها متعقدة وعشان تقدر هيكون صعب...
ثانكس عجبتني الكلام

[همس الكناريا]

دع روحك تحلق بي في سماء الحب والهنا
وتسدل ستار الأمان في درب النوى
دع روحك تناجي نجوم السما
وتعانق ثريات الوجد وتنير الفضا
دع روحك تراقص فراشات الهوى
وتنسج لي نسيم الصبح آمال ودوا

مسائك أجمل أستاذنا
بعبارات تخط القلوب بألوان الهنا
تحياتي لعذوبة الحروف والمعاني
دمت ودام نبض قلمك
احترامي

همس الكناريا

[العاشق الذى لم يتب]

مبدعناالراقى احمد
منورالدنيا
وروعة كلمات
سلمت ودمت

[فصيح]

جميله يا احمد
واجمل حاجة بحبها فيك التلقائيه
عفوي ما بتتجملش عشان كدا
عباراتك سلسه دون تعقيد
تسلم يا نجم

[Lamees]

تلقائية وبسيطة
وكلماتك راقية احمد
دام نبض قلمك

[YOo YA]

ببساطه .. لامست روحي كلماتك
وجدتها حقيقه اراها في نفسي دائما
عبرت عنها باسلوب رائع
كلام حقيقي بجد
واحساس عالي ف الكتاابه
صادق بدرجه كبيرة
ادام ربي لك السعاده
ودي .. وتقيييمي ..~

[Eng Esraa]

كلماتك بسيطة
تسلم احمد

[حـيـــــآة ❤]

روعه اكيد
الكلام من عاطفه، جميله.
تسلم أستاذـ احمد
دمت ف حفظ الله

[.Lamar]

الخوف شعور انسانى
خاصة ان مر الانسان بتجربة فاشلة
محتاج يتغلب على خوفه
ودة بيجى مع الصبر و الوقت

كلمات جميلة اخى
تحياتى