الشبكة الفضة .. من تاني !

[Eng Esraa]

صباح الخير بقا ..

موضوعي مش هطول عليكوا فيه ...

هو موضوع اتفتح قبل كده و مش ناس كتير اعترضت عليه

و بردوا ناس كتير قالت .. قلة قيمة !

" الشبكة الفضة "

هي فعلا قلة قيمة للشاب قبل البنت ؟

و فعلا لو الشاب متعبش ف حق الشبكة اللي هيقدمها لخطيبته

مش هيحس بقيمتها و ممكن يتخلي عنها بسهولة ؟!!

و فعلا البنات اللي وافقت ع ان يجيلها شبكة فضة .. مش مدركة

موقف يعني ايه شبكة لعروسة علشان كده مفرقتش معاها دهب او فضة ؟!

الاسئلة كتير ف الموضوع ده من ناحية قيمته !

منتظرة ارائكم بقا

[.Lamar]

تعرفى يا سيرو
احنا نسينا و بعدنا اوى عن سنة المصطفى
عليه افضل الصلاة و السلام
كان يزوج المسلم بسورة يحفظها من كتاب الله
احنا باة استحدثنا بدع كتير اوى
ارهقتنا اكتر ما ريحتنا
افرضى شاب فى بداية حياته
و له مستقبل
و هيعاملها بما برضى الله
و يعوضها لما تتحسن ظروفه احسن
و لا عريس يجيب لها السوليتير
وبعدها يطلع عيونها و تتعذب معاه
لا الفضة و لا الدهب
هو اللى هيديهم السعادة و الاستقرار

موضوع هام اكيد
تسلمى حبيبتى

[حـيـــــآة ❤]

ابدا مش مهم ذهب او فضه
هو انتي بتتعايري ولا بتستري نفسك؟
للاسف دا كل اللي يهم اولياء الامور دلوقتي
وكانوا سباق

[BaAnoOta]

الشبكة دي اصلا المفروض العريس بيقدمها كهدية لعروسته ..
يعني القيمة كلها في الفكرة مش الحاجة المادية ^^

انا شايفه كل واحده حره تجييب دهب ألماس فضه .... أزاز مصنفر

وآغلبية اللي بيجيبو شبكه بس علشان مهمة للمظاهر و كلام الناس -
و صدقيني النقطة دي مهمة .. دا انا اعرف ناس
لما بيتفرجوا على شبكة و الا اي حاجة دهب، يفضلوا يدوروا ع الختم !
و كون احنا شعب بتاع مظاهر دي حاجة تانية
و اظن ان كل واحد فينا لازم يحاول يغير انشالله 1% من نفسه
لان للاسف انا حاسه ان احنا بقينا عايشين لمجرد حفظ ماء الوجه و بس

تسلمي ي سوسو للنقآش وده رايك ويحترم اكيد ..

[حازم34]

اهلين اهلين اهلين


القلم الراقي والفكر الراقي المهندسه اسراء


اولا الشبكه دي تعبر هديه للعروس


ودي ايضا تعتمد علي العريس من الناحيه الماديه


يعني لو قادر يجيب يجيب الماس او احجار كريمه


ولو مش قادر يجيب ولو خاتما من حديد


المهم في الموضوع هيا العروس سعيده بالعريس ولا لا


هل هو اهل لها ولا لا


هل ممن يخاف ربه ولا لا


هل هيكرمها وان لم يكرمها لايهنها ولا لا


موضوع مهم للنقاش فعلا


بس انا لي راي لو العريس قادر ماديا وراح جاب فضه تقوله العروس مع السلامه طريقك اسفلت روح


لانه يعتبر بخيل


والبخل ما هو ذين لها ابدا


تسلمي يارب


ونورتي والله قسم النقاش ربي يسعدك

[SaMa.]

موش موهم نووعها ايه الشبكة
الموهم يكونو بيحبو بعض ومتفاهمين

[همس الكناريا]

معني كده لما رسولنا الكريم عليه الصلاة والسلام
لما كان بيزوج بخاتم حتي لو من حديد
كانت قلة قيمة؟
مشكلتنا بعدنا عن الدين وعن سنة رسولنا قدوتنا
المهم التفاهم وخلق العريس ودينه
بعد كده اي شي مالهوش لللازمه
وكلام جد مش مجرد كلام وبس

تسلمي حبيبتي
لموضوعك

همس الكناريا

[دمعه حائره]

اعرف واحدة بتحب تلبس خواتم وانسيال فضة
الناس بيفتكروه سوليتير او دهب ابيض
اصل احنا اللى بنعمل قيمة للحاجه مش العكس
ومعرفه الناس كنوز يااسراء
يعنى ممكن العريس اللى شبكته دبله ولاحتى فضة
يكون احسن من اللى جاب الماظ ويقدر يصونها ويسعدها
تسلمى نقاش جميل

[۩۩ elMagic ۩۩]

وايه لازمة القيمة لو الاثنين مجبرين ع بعض
المهم يكون فيه تراضى
والاهم هو التقدير المعنوي المتبادل ما بين الطرفين
باقي ما باقي بقاا شكليات
ولكن مش معني كدا اننا نهمل الجزئية دي
لا دا بردوا شئ مهم وكل شخص بيحلم باليوم دا عشان
بيبقى يوم واحد ف العمر مبيتكررش
فا ان كانت هتبقى فضة بردوا يكون شئ قيم
واللون الفضي اصلا راقي جدا
مش اى حد بيقدر الذوق الرفيع ،، تسلمي اسراء بقاا

[فصيح]

حقيقي سعيد جدا بكلام البنات هنا
ودا فعلا يدل ع الثقافه والوعى
وانا في بنات كتير مش كل اهتمامها المظاهر الكدابه
وطبعا التدين اللي بيفرق كتير
وانا مع تبسيط الأمور اذا كان الشاب على خلق
ويستحق التيسير لدينه وكمان يا ريت أي آب يحسبها
صح البنت امانه يا ريت يعرف يميز مين يقدر يصون أمانته
شكرا إسراء لقيمة المطروح والفكر
احترامي