الفارس أنطونيو ...... حلمنتيشي مسابقة

[فصيح]

السلام عليكم يا حلوين

حلمنتيش للشباب اللي بيدور ع المظهر ويترك الجوهر ، وكمان أهل

العروسة اللي بيستغلوا العريس وطلباتهم فيها مغالاه ،

وسلامتها أم حسن قصدي بئا سلامتكم ، يا رب تعجبكم



الفارس انطونيو


ولأني الفارس انطونيو ..... زاغت فـ عينيا ازبيلا

فهممتُ برقه أُغازلها ..... اسم الله عليها يحرسها

ما أجمل أن تعشق مُزه ..... يبرز جلبابها تفاصلها

وحِلمتُ باني اُراقصُها ..... والرقصةُ قلبي يعزفُها

اجابتني دون تمهل ..... وشرارٍ يقطُب حاجبها

شوبش يا عينيه ..... ازبيلا دى تطلع مين

لا يا حبيبي أنا فوزيه

وبكل شرشحة الدُنيا ..... قالت متخلش عليه الملاغيه

شكلك باين منهم ..... واد سيس وأمك شوقيه

ففغرت بفاهي مذهولاً ..... والضغط يحبس أوردتي

رمقتني بنظرة مؤذية ..... فألنت القول شوية

اللعنة هل هذا لسان؟ ..... أم أن المدعو فرقله

قالت لو عايز يعني حنيه ..... my father عجله

ودا اسمه يا عينيه ..... روح عنده يديك الـok

ولأن الحُلم يُطاردُني ..... وحنيني يُنادي ازبيلا

أقصد يا دلعدي فوزيه ..... ذهبت ورأسي تُناطحُني

مفقودٌ يا ولدي ..... من كان حموهُ السيد عجله

تشجعتُ وطرقت الباب ..... فأجاب صوتٌ مئلوف

رعديدٍ ,, قال مين الحلوف؟ ..... فنظرتُ إلي السلم ملهوف

لكن حمايه باغتني ..... أثبت يا جاموس

فأجبت عذراً يا حمايه ..... أصل أنا مكسوف

زمجر العجله وزغدني ..... اتنين زغروف

قلت من فوري ..... زوجني بنتك فوزية

قالي بغباوة لو أوافق ..... أنا عندي شروط

فوزيه دى راس مالي ..... الشبكة عايزلها ألوف

وشقه وعربية والمصيف ..... نقعد باللمه شهور

وبصوت الكندوز المبحوح ..... حماتي أكملت المشئوم

يا منيل باقي المعلوم ..... الفندق والسهرة كم يوم

لم أدري بحالي أترنح ..... وأفقت أقلب نظري

فوجدتُ أني نزيل المُرستان ..... وأن جيراني أعقل ناس

فصيح بئا ،، قصدي

سيف

[ايمان طلعت]

ايه الفصاحه دي كلها
ازابيلا مين
ماقالتلك يادلعادي
كنت تاخد التوكتوك وتخلع
ههههههههههههه

حلوة اوي
موفق

[دمعه حائره]

ههههه
بصراحة فوزيه تستاهل
ايه العروسه اللى جاية من المدبح دى ياسيف
وبتعرف لغات كمان
حلمنتيشي اصلى وربنا
بس عاوزة اعرف يعنى ايه زغروف
بالتوفيق

[طبيب الهوى]

فكرة قيمة يا سيف أُحييك عليها

للأسف الشديد أصبحت البنت سلعة لأهلها في زمننا هذا

بالتوفيق إن شاء الله

أبو عصام

[شاعر الحب الحزين]

ههههههاي..حلوة جدا والفكرة واقعية

قدرت توصل المعنى بأسلوب ساخر جميل

وخلطت بين الفصحى والعامية بطريقة خدمت المعنى

تسلم بجد يا سيف الشعر..مميز دايما ومتألق..الله عليك

ربنا يوفقك ويسعدك

[ويبقى الأثر]

ههههههههههههه
مفقود مفقود ياولدى
جميله وربنا

حلمنتيشيه رائعه بالتوفيق سيف يارب

[مارد الغضب]

الله عليك فصيح
هي الافضل حتي الان
بس ليه مكملتش الحكاية
تحياتي مستر حلمنتيشي

[همس الكناريا]

يسلم قلمك وفكرك سيف
وصلت المضمون بطريقه جميلة
ليس المظهر كالجوهر..فاظفر بذات الدين تربت يداك
تحياتي لقلمك وفكرك الراقي
فلن أزيد فشهادتي فيك مجروحة
احترامي

همس الكناريا

[SaMa.]

ايه الجوازة المنيلة دي سيبك منها
حلوة اوي وعجبتني ههههههه

[حـيـــــآة ❤]

هههههههههه
حلوه بجد وجسدت بيها واقع بنعيشه :/
حفظك الله اخي سيف