أنا وهي

شاعر الحب الحزين · منذ /08-26-2016, 07:51 PM

شفت كتير بس ما شفت أجمل منك

وهجيبك هجيبك برضاكي او غصب عنك

انا نجمة بعيدة عليك..صعب تلمسها بإيديك

انا الحاجة اللي بتفرح ..لما تشوفها بعينيك

لا انتي بتكدبي عليا..ده انتي اقرب من نفسي ليا

بس مكدبتيش لما قلتي..إني بفرح لما تشوفك عنيا

إنتا واحد من بين ملايين..بتمثل عليا بالحب والحنين

روح شوفلك وحدة تانية..تحس بيك وتحبك يا حزين

من يوم ما شفتك نسيتهم..حتى اللي ف خيالي حبيتهم

لقيتهم فيكي شفتهم بعنيكي..ولا كإني ف يوم حسيتهم

مياكلش معايا يا واد كلامك..بطل بقى تعيش في اوهامك

ما بتثبتش ما بتهددش..انتا متعرفش مين اللي واقفة قدامك

لا معرفش..وانتي هتبقي مين..لا أنجلينا جولي ولا صوفيا لورين

بس اللي شايفه إنك أحلا منهم..ومفيش ف جمالك انتي اتنين

اديك بقيت تعرف تعاكس يعني..انتا على مين جاي تغني

وكلامك حلو دوبني.خايفة تخليني احبك وتبعد وتسيبني

حبيتك من قبل ما اقابلك..ومكنش فيه حب قبلك

إزاي حبيبك وإزاي اسيبك..إزاي دخلت ف عقلك

ما تسيبنيش ده انا اتعودت عليك

دي فرحتي بقت هي فرحة عنيك

مش هسيبك مهما يكون

واسيب عشانك كل الكون

شــــــــــــــــــــــــــــــــــــــ . حـــــــــــــــــــــــــــــــــــــــ

راجعة لحبيبى · منذ /08-26-2016, 07:59 PM

هى الجميله
هى الحبيبه
تستحق كل كلامك الحلو
تسلم شاعرنا
لروحك السعاده

ندوشه 2011 · منذ /08-26-2016, 08:04 PM

سيدي يا سيدي انا نفسي حد يحبني نص الحب دا ههههههاي قال حب قال طب سلم لي عالتروماي وكل حب وانت طيب يا راجل يا طيب. ..نحن في عصر الجهلاء

فصيح · منذ /08-26-2016, 08:22 PM

حوار المحب لحبيبه
وصد وخوف من الحبيبة يتبعه استسلام
لدقات نعني الحب وإصرار من الحبيب يثبت
قوة حبه ، يا رائع انتا ، شاعرنا الجميل
بتجددك المعهود صورت الموقف بكلمات
بين شد ورد وعاطفه منعشه تنعش القلب
الله يسعدك ويفرح قلبك
كل الود لك

همس الكناريا · منذ /08-27-2016, 12:26 AM

جميل التناغم الذي أحدثته بينك وبين نفسك شاعرنا
بتصوير تلك الحالة و المشهد الرائع
بين تمسكك بالحب ورفضها
والإصرار علي أن تكون لك حتي خضعت لنداء قلبك

أبدعت شاعرنا
وكلمات الثناء لا توفيك حقك
دوما أجد بين سطورك كل ما هو جديد
فكر معني مضمون
دمت ودام نبض قلمك وفكرك
احترامي

همس الكناريا

Lamees · منذ /08-27-2016, 01:14 AM

ما هي بتبدأ ما بتثبتش ما بتهددش
لحد انا مش قادرة اعيش من غيرك
بجد قصص الحب بقت متكررة
غريبة اوي احكام القلب
راقي التعبير والتواجد خالد
دام نبض القلم الراقي