بيجاملوني

[شاعر الحب الحزين]

فضلوا يجاملوني ويقولوا كلام ويفرحوني

كدبوا عليا كدبوا على نفسهم وعشموني

لقيتهم بيزعلوا من غير سبب وبيخاصموني

وروني صورة تانية غير اللي شفتها ف عيوني

كان الحقد متداري ورى حبهم

كانت الطيبة تمثيل من قلبهم

أمنتهم وصدقتهم وخسارة خابت فيهم ظنوني

للسما وصلوني بكلامهم

كنت الحقيقة ف أوهامهم

ولما ابتدا زعلهم وخصامهم ف سابع ارض نزلوني


كنت بقول عنها رقيقة..بس ظهرت الحقيقة

بانت إنها كارهاني..وعمرها ما كانت صديقة


اللي قاللي معاك للموت..ف شدتي ما سمعتله صوت

فضل معايا لحد ما مات ضميره..وقدامه سابه يموت


كلامي عمري ما جملته

من قلبي على لساني

حزني جوه مني شلته

ما عرفت حد اني بعاني


وقت جراحهم بيبكوا ف حضني

عمري ما صديت حد ف يوم

وانا اللي لما بغرق في حزني

من قوة حزني بيغلبني النوم


بيجاملوني بكام بكلمة حلوة

طول ما انا حبيبهم

ينسوني وابقى ف نظرهم ولا بسوى

لو اغيب واسيبهم


بكرا الغياب يطول..بكرا يعرفوا قيمتي

بكرا يبطلوا جمايل.لما يتعلموا طريقتي

هلعب معاهم لعبتهم

بطريقة تفكيرهم وخطتهم

هجاملهم هما عايزني كده اعاملهم

يا إما أبقى زيهم..يا إما ابعد وانسى طيبتي



شـــــــــــــــــــــــــــــــــــــــــــــ . حــــــــــــــــــــــــــــــــــــــــــــــــ

[جبل عالي]

بكيتني قسما بالله ياخالد







الله يسامحك


لي عودة

[حكاية حب]

يا صاحب القلب الجميل

زي الجبل شامخ

ما يهزك أبدا ً ريح

انسي اللي باع خسران

حبك وقلبك الكبير

وان كنت أكيد ندمان

والقلب أخد تحذير

إنت يا باشا كسبان

خسرت انسان حقير

يا تري بقي زعلان

علي شئ مالوش تفسير

خسران خسر حقير

وانت يا عم الكبير

وتحياتي ليك شاعرنا

مفيش شئ يستاهل زعلك يا صاحبي

دوس علي الهم وعدي

مودتي

[*فجر الاسلام*]

انت الصراحه من الناس اللى بحب اقرالهم
هذا الكلام المره دى كانى انا اللى كاتباه وحساه
ولكن مهما كانت معاملتهم مابعرفش اعامل بالمثل
اخى حضرتك مبدع بمعنى الكلمه ربنا مايحرمنا من ابداعك
تحياااااااتى

[فصيح]

ورغم الحالة والكلام أنت فنان
الحالة صعبة أوي واتمني بجد ما أكون في موقف زى دا
الاحساس فوق الوصف عالي عالي واتمني كلماتك تكون
مجرد حالة مش عايشها حبيت تكتب فقط عليها
ومتفهم أوي الحالة وجوها ومش مستغرب كلمات الاستاذة جبل
لأن اللي يعيش الحالة دي الله يكون في عونه إن يكون الجرح من أعز الناس
صعب أوي ع النفس والقلب ، الله يسعدك شاعرنا الجميل
ويبعد عنك الحزن والسوء ، كل التقدير لك حببنا
خالص تحياتي

[فداااااااااااء]

الناس مع مرور الوقت بتظهر صورتهم الحقيقية
لكن ان كانوا بوجوه عدة فلا يجب ان نكون مثلهم
من السهل أن يكون الفرد بطبع سيء لكن من الصعب
ان يحافظ على نقاء نفسه... كن انت بطيبتك لأنك
أفضل منهم بكثير ولا تكن نسخة مماثلة لهم
كلمات موجعة ولكن كتبت بفن
وهذا ليس غريب عن قلمك الجميل
سلمت اخى شاعر و اسعدك الرحمن

[همس الكناريا]

ليس لزاما عليك أن تكون مثلهم...حتي لو أردت ذلك
فلن تستطيع ..فليس من السهل تغيير الطباع
سيأتي يوما ويعرفون قيمتك
وبعدها لا ينفع الندم ولا التحسر

شاعرنا الراقي
أبدعت رغم حزن الكلمات وعمق الحالة
واتمني أن تكون مجرد حالة ليس أكثر
فقد تعودنا منك علي تقمص الأدوار التي تكتب عنها
وتعيشها لذلك تخرج لنا بتلك الصورة التي تمس قلوبنا
وأحاسيسنا

قلم مبدع لا محالة
من حروفك تتندى الوردات
اسقها من عبيرك نفحات
يا من اسقيتنا الجمال هات
سلمت وسلم إحساسك
احترامي

همس الكناريا

[ويبقى الأثر]

رغم صعوبة الاحساس خالد اللى بحروفك
الا انك قدرت توصل احساس خيبة الامل فى اعز الناس بتكون ازاى
وانك بعد ماتعطيهم كل اللى الحب اللى بقلبك يطلع حبهم
ليك مجرد مجامله
بس انت قلبك طيب واكيد كل اللى حواليك بيحبوك فعلا
ودى مجرد حاله كتابيه
دام قلمك وروحك وقلبك الطيب يارب

[شاعر الحب الحزين]

شكرا للجميع وشكرا نغم الشام ..عودة ميمونة وحميدة

أشكركم جميعا للتواجد القلبي هنا..لي عودة للرد بما يليق بسموكم

[حـيـــــآة ❤]

خالد انت رائع
وهذه هي الحياه
روعه كعادتك
لاتكترث
في امان الله