دين وسلف .))

[همس الكناريا]

دين وسلف اللي صدق وعده وصان م اللي خلف دايره في وسط قلوب حيارا مصدقه إن الوجع يطرح لقا وإزاي بقى مهما ندوق طعم الألم كل الشكوك متفرقه صدق اللي قال على وهم بنصدق هوى لكن الهوی مابيتحسبش غير لما يبقى.. أعقل روحين عايشين سوا :::::::: :::::::::: في الوهم بنصدّق مافيش فتشوف أفيش فيلمك مكسّر ........ كل سينمات البلد تلقى الولد والبنت والشايب في كوتشينة ملامحك بيسابقوا ع اللي يقُش مش باقي منك في السَبَق غير نُص وش بتخاف يبان في النور فتبان حقيقتك ع الملأ أصغر من الابرة اللي تايهة في حِمل قش بكفاية غِش.... مبروك على الوجع اللي قشّ !!! ::::::::::::::: :::: سكتنا ليه متقسمة تايهين بعيد إنتي وأنا حتى الزهور ساعة الغنا دبلت وماتت مننا هتقولي إيه للعشمانين واللي لفرحنا مشتاقين مستنيين دُف الزفاف ونكون سوا متجمعين مخطوفه راحة قلبنا مسروقة أيام حبنا شوفي كنا فين وبقينا فين.. ولفين هيوصل حلمنا ::::::::: :::::::::::: شوف كنا فين من كام وجع من كام حنين بين كام وكام تجري السنين متقرطسين إنت وانا مضحوك علينا من الزمن ومن الصحاب ومن اللي ساب حلمه هنا ومن اللي غاب من كام سنة وساب العشم للعشمانين شوف إحنا فين والحلم فين ؟!!! :::::::: ::::::::::::: قلتي الصراحه بإختصار مضحوك علينا .. من الصغار ومن الكبار وأكتر وجع ولا يوم يطيب من الصحاب قبل الحبيب كان الأمل هو الطريق غربة وألم..دمعة وندم ومين غيرنا اللي اتظلم والحلم مات .. واللي يموت بتموت معاه أجمل حاجات.. :::::::::::: :::::::::: الموت نجاه للغرقانين في بحر أوجاع الحياه الموت حياه للمحتاجين ضمة وطنهم للى تاه من عمرهم سيب الأماني تضمهم وانفد بروحك بره دايرة غربتك ارسم بروحك سكّتك و ارجع.......!!! :::::::::: ::::::::::::::: تفتكري لسه .. إن الرجوع حل وعمل والمحتمل لأ..دا الآكيد حتى الرجوع لا يحتمل عمی القلوب والعجز مش خيبة أمل ولا الأماني سكونها بيحرك قمم وانا لو رجعت وليكي وفيت جدا سمعت السكة برضو مفرقه ومفيش لقا يجمع فتاتنا وعمرنا بيخلص خلاص فوقي بقى.. ::::::::: ::::::::::::::: همس الكناريا

[ahmed 22]

رااائع وجميل جدا جدا
بأمانة ممتاز

ده تقريبا رابع موضوع اقراه في شعر العامية هنا منهم موضوعين ليكي
ماكنتش اعرف ان النوع ده من الشعر ممتع كدا بصراحة
لدرجة اني عاوز اجرب اكتبه في يوم ما ...

دايما في تألق وتطور ان شاء الله
بالتوفيق

[توحد ارواح]

اقتباس كان الأمل هو الطريق غربة وألم..دمعة وندم ومين غيرنا اللي اتظلم والحلم مات .. واللي يموت بتموت معاه أجمل حاجات..

جدا جميل رغم النزف
دام نبض قلمكِ الراقى
تحيتى

[Eng Esraa]

همس .. انتي من الناس اللي بحب كتابتها
تسلم ايدك حبيبتي

[فصيح]

جميل همس ما روع نبض قلمك
بكل المعاني مبهرة وقلم يخط الروائع
لك التقدير وعذرا لمرور بسيط من عابر سبيل
موده مش مظبوط
احترامي

[حكاية حب]

جميله كلماتك همس

والصوره كمان معبره

حرف راقي نسعد بصاحبته كثيرا

مودتي ايتها ال***************

[YOo YA]

حبيبتي
اندمجت مع كلامي
وعيوني دمعوا
وبصراحه مقدرتش اكمل
وجع .. نزف .. غش ..
وغيره الكثير
اعجبتني عبارات
اجدتي التعبير فيها
بكل المعاني بجد روعه
انتي قلبك كتب
بخيال عاللي جدا
اروع ما يكون
مش لاقيه تعبير الصراحه
ابدي بيه اعجابي
تسلمي ي قمر
ومتابعاكي دايما ..

[a7med -3del]

ممممممممممممممممم
هو انا حد متابع اوي وده معرفش طبع ولا ايه
المهم انك اجبرتيني اتابعك وتجبري اي حد
انتي مش جديدة في الكتابة واتحدي
ده مش شغل هواة.. انتي ازاي كده
في مرة سالني حد محترم جدا من الاعضاء وقالي
انت بتجيب الكلام ده منين
انا بقي عايز اعرف انتي بتجيبي الكلام ده منين
فنانة انتي
تحياتي

[دمعه حائره]

رائعه واكثر انتى مبدعه
ومفيش كلام يوصف جمال كلماتك
تسلمى همس

[ويبقى الأثر]

الله على الجمال وروعة الاحساس والحرف
حقيقى رائع فوق الوصف
سلمتى همس وسلم حسك ونبض قلبك غاليتى