بقيت بخاف

[دمعه حائره]

بقيت بخاف
من ضحكة يجى بعدها فراق ودمعه

ومن يوم تهرب من عيونى بسمة ولمعه

أهرب فى ليل طويل من عيون جارحة

واستنى اشوف الشمس

فى سمايا من بدرى طالعة

وساعات بشوف

فى كل الوشوش حواليامليون سؤال

وعشان أجاوب عليهم دة شئ محال

أسجن كلامي كله مابين أربع حيطان

وأعيش مابين حاضر واللي كان زمان

بقيت بخاف

أقرب من ناس بتحبنى

لحسن فى يوم فراقهم يهدنى

لكنى أوقات

بحن لقلب كان بيحبنى

وإحساس جميل بيضمنى

برغم البعاد وسنين عناد

لسه هواه جوايا ليه بيشدنى

وأفضل أخاف

من بكرا شايل بين ايديه

حاجة فوق الإحتمال

وهايفيد بإيه

ساعتها جاه ولا مال

لوتخونك قوتك

أو تنسرق من حياتك راحة البال

ومعناها إيه

تبقى شايف حلم لسه بين القلوب بيتولد

تتمنى يوم يكبروتقول علي الله هاعتمد

ويغيب كتير يوم اللقا

ويسيب قلوبنا متغربة ومتشوقة

لكنه الأمل

عمره مافى يوم مات ولاانعدم

عشان إيماني بربنا

بيحي أي شئ كان في طريقة يتهدم
mena_hassan

6-9-2016

[همس الكناريا]

ونعم بالله
سيعود الامل الي قلبك ما دام عندك اليقين بان الخير مقسوم
حتى في اسوأ الأشياء
جميلة وأكثر حروفك الناطقة برقة الإحساس
دمت ودام نبض قلمك حبيبتي
مودتي

همس الكناريا

[a7med -3del]

هادية سلسلة سهلة كلماتك
بتاخدنا معاها زي مانتي عايزة
بكل حالة بتعيشنا
بصدقك دايما
وده النجاح
تحياتي

[يحيى الفضلي السودان]

هطل غيثك روى ظمانا منلؤلؤ اتنثر على صفحات دفاترنا غاليتي امطرتينا شجوا وبلبلا صداح لك المنى

[Eng Esraa]

و نعم بالله ..
جميلة كلماتك منة و كتابتك
تسلمي ..

[فصيح]

جميل جميل أوي يا دمعه
الإحساس عالي جدا
وكلام طلع من القلب عشان كدا وصل
لقلب القارئ أحييك على روعة إحساس
نثرتيه وعلى قلم استخدم جميع ادواته بتمكن
ربنا يسعدك شمس المنتدى دمعه
أكيد خالص تحياتي

[*فجر الاسلام*]

الامل عمره ما مات ولا انعدم
وهذا اللى بيخلينا نكمل
اسعدكى البارى روعه حبيبتى
تحياتى

[فداااااااااااء]

جميل ما سكب هنا
احساس عالى ونبض راقى جدا

سلم القلم لما عطر به الصفحة

[حـيـــــآة ❤]

رقيقه يامنه
ونعمَ بالله حبيبتي
ربي يبعد عنك اي فراق والم
ويقربلك احلامك
ويسعدك يارب
في حفظ الله ياقلبي

[سجين الأحزان]

نحن نعيش بالامل
ولو مفيش امل لا نستطيع العيش
واملنا في الله كبير

كلماتك وصلت احساسك للقارئ
تسلمي علي ابداعك


ولكي مني خالص الاحترام والتقدير
اختي دمعة حائرة