ياتافهة

[a7med -3del]

تافهة
ومضحوك عليكي
فهموكي انك بشر
الغرور
دايما ماليكي
قلب ومشاعر من حجر

اللي عاش يحضن همومك
زي اللي كان دايما اذيكي
اللي يعيشلك تكسريه
واللي يخونك تصدقيه
وهاقولك ايه
ايام هوايا خسارة فيكي

تافهة
ومالكيش في الغرام
احساسك
تافه واي كلام
في الغدر عندك حضور
وعلي استعداد
تبقي عايشة بقلب ميت
زي الجماد
لا بيشوف ولا بيحس
عايش لنفسه وبس
باردة جدا
وقلبك جاهل احلام

ياتافهة ياتافهة ي
صبري عليكي زمان
كان طيبة واصل مني
دلوقت كان ياما كان
يافراق مش غصب عني
كان اختياري
وكان قراري
اني اعيش بعدك واغني

ساذجة
فكراني بحن ليكي
جاهلة
ومش هاكدب عليكي
انتي ارخص حد شوفته
انتي اكبر وهم عيشته
ولو مش عيب
انا كنت مش هاحذف كلام

وعاملة فيها انك بريئة
والحقيقة غير كده
وانتي عارف انك رخيصة
لا وكمان متاكدة
هتعيشي الدور علي مين
يابنت الناس الحلوين
كان اول كلامنا ورد
وشكله اخره طين
محدش شافك
وقال عليكي كلمة منصفة
كل اللي عرفك
اقسم بربه انك متخلفة


بالشفا
Ahmed adel
7-9-2016

الموضوع ده والحالة دي لو فضلت اكتب للصبح مش هيخلص
كده بدون اسباب.. لو فضلت يومين هلاقي كلام
صعب انا عارف.. بس اهي حالة
ومفيش حلول 😉

[شاعرة الرومانسيه]

يالهوى صعبه بجد

دى مش هاتفكر تعيش بعدها

كان الله بعونها بجد تقيله قوى واصعب مايكون

قلمك بجد يتخاف منه ههههههه

تسلم ايديك يا احمد

[فصيح]

هههههههههههه
يخربيت كدا إيه بس يا غالي
دى حالة حالة هو كله ضرب ضرب مفيش شتيمه
ههههههههههههههههههه
حبيبي يا نجم أنت فنان حتى لو بتشتم
الكلام فعلا معبر جدا عن حالة وشخصية مريضة
من وصفك جامدة كلماتك يا احمد
خالص تحياتي

[*فجر الاسلام*]

ايه ده بقى كل ده
دى مش قوه انت قربت تقتلها
اهدى شويه على نفسك وعليها
هههه ربى يسعدك والحاله المره دى صعبه اوى
تحياتى ليك

[a7med -3del]

اقتباس المشاركة الأصلية كتبت بواسطة شاعرة الرومانسيه يالهوى صعبه بجد دى مش هاتفكر تعيش بعدها كان الله بعونها بجد تقيله قوى واصعب مايكون قلمك بجد يتخاف منه ههههههه تسلم ايديك يا احمد

خافي مني بقي
ههههههههههه
علي فكرة انا بخاف فعلا من قلمي
ومش بسيب نفسي لنفسي
عامل لجام كده
عندي حاجات لو حد قراها
احتمال يضربني بالنار
مرورك رائع
تحياتي

[حـيـــــآة ❤]

ايوه هههه
ايه دا مش بعيد تنتحر بعد كدا
جميله مشاعرك الرقيقه دي هههه

[a7med -3del]

اقتباس المشاركة الأصلية كتبت بواسطة حيــــــاة ❤ ايوه هههه ايه دا مش بعيد تنتحر بعد كدا جميله مشاعرك الرقيقه دي هههه

ولا يهمني
هههههههههههه
نورتيني