المستوي المتوسط والمرحله الثانيه (مسابقه نجم الفضفضه)

[حـيـــــآة ❤]

ولايهمك غاليتي
تسلمي لمحاولتك
في حفظ الله

[شاعرة الرومانسيه]

هى فين الصوره ياهاجر

انا وقعت فى مجله ابيض واسود ولا ايه

بلييييييييييييييز تفسير بقن

[حـيـــــآة ❤]

والله ياحن الصوره سهله جدا وفيكم اللي جابها
عاديه يعني بس محتاجه تفكير حبه

[ahmed 22]

والله انا اتعودت لو في حاجة في بالي لازم اقولها عشان تتواجه
وهقولك مجموعة تحفظات علي ما اعتقد يا حياة موجود في دماغ ناس كتير
بس بيتحرجوا يكلموا فيها اعتقد .. واتمني تاخدي الموضوع بصدر رحب ..
لاني كدا كدا اصلا واخد الموضوع كتسلية مش مكسب وخسارة والله ...
بس حبيت اوضح حاجة انا شايفها قدامي ممكن تقصر علي نشاط المسابقة اللي اجتهدتي فيها
ومش واخدة بالك منها ..

1 - في اعتقادي ناس كتيرة حابة تعرف التقييم بيتبني علي اي اساس لانه لازم يكون واضح..
طالما شخص واحد هو الحكم .. لانه مثلا لو في 3 حكام هتلاقي ارائهم مختلفة
طبقا لميولهم وازواقهم الشخصية وده شئ فطري وطبيعي جدا مانقدرش نتحكم فيه ..
والحلو لواحد هيكون وحش لشخص تاني او متوسط لتالت ..

2 - وبرضه في ناس هتلاقيها مش حابة الصيغة الكلامية اللي زي دي
(فانا كنت بدربكم بس علي الوضع) لانه كل شايف نفسه وغيره علي مسافة واحدة ....
وممكن تتفهم غلط مع انها اكيد مش مقصودة .. بس يفضل مراعاتها ...
لأن الناس كلها مش تفكير واحد ولا طبعا علي سطر واحد ..

3 - كل واحد ليه اسلوبه اللي اتعود عليه في ايصال الفكرة وشايفه الانسب ..
ولو غير فيه عشان يناسب شكل المسابقة اعتقد المحتوي هيكون شبه سطحي
او مش هيعبر عن الكاريزما الخاصة بالشخص اللي بيكتب وكله هيكون شبه بعضه ..
وبالتالي احنا مش عاوزين عشر مواضيع شكل واحد وفكر واحد ..
وفكرة الفضفضة اصلا مبنية علي تجارب شخصية بنقابلها مش مواضيع حياتية بنكلم عليها ..
وبالتالي مثلا عشان نعبر عن صورة هنحتاج نقول معلومة
وهنحتاج غصبا عننا نكلم عن اصلها لأننا مثلا ماعشناش مثلا الخمسين مشكلة
اللي في الصورة اللي فوق دي ولا الوضع اللي مروا بيه
بس نقدر نحطهم تحت برواز الانسانية الخاصة بينا
ونكلم عليها ونعبر عنها بمبدا البساطة فقط
اللي هو قريب من الفضفضة بس عمرها ما هتكون فضفضة بصورة كاملة ..

انا قلت الكلام اللي شايفه من وجهة نظري واحتمال يكون صح واحتمال غلط
واتمني الافضل ليكي وبالتوفيق يا رب ..

عيد سعيد

[حـيـــــآة ❤]

السلام عليكم
شكرا علي حديثك اخي
مش هتكلم ف نقطه انك بتشكك ف تقييمي
لكن هوضحلك مبني علي
صحه المشكله
سلامة الالفاظ
والمحافظه علي الطابع الفضفضي

عشان يبقي عداني العيب
....
تمام اخي؟
انا بعتذر لو غلطت في احد او طريقتي دايقت حد

واعتبروا المسابقه ملغاه مش عشان كلامك
دا عشان انا حالتي لاتسمح لاجراء اي مسابقات والبعض يعلم
ومع ذلك بحاول وبشتغل
فلما الاقي كدا.. موضوع لايسرني بالمره

شاكره لكم جهودكم
مع العلم انه بكلام حضرتك او من غيره انا كنت داخله فقط عشان ابلغكم بالغاء المسابقه.. وانت شجعتني بصراحه
بالتوفيق لكم اعزائي
كل عام وانتم بخير
واعتذر ان اسأت لاحد بدون علمي واللي ملاحظ دا يقولي
في حفظ الله ورعايته