انا ده

[a7med -3del]

انا ده
بمشاكلي وكل تفاصيلي
بكل عيوبي وذنوبي
لو حابة تقربي
وتقربيني
عصبي وهادي ساعات
مجنون ويكون بحالات
لو عاجبك علي كده اوكيه
لو عايزة تقبليني

متدنيش ابدا نصايح
وتحاولي مرة تغيريني
انتي مش هتكوني اقوي
من كل ايامي وسنيني

قبل مانمشي خطوة
بقولك واسمعيني
انا بطبعي مش مضمون
وممكن ابيع حنيني
عارفاني طبعا من زمان
ولا انتي لسه هتعرفيني
ايوة بايع حتي نفسي
والكلام مش بيداويني
ممكن اغلط الف مرة
وارجع اندم الف مرة
وفي كل مرة
الندم مش بيلاقيني
هاقنعك بالوهم لو عايز
هاخونك واقول جايز
مكنتش اعرف
وهافضل احلف
وهتصدقيني

Ahmed adel
15-8-2016

[جبل عالي]

صعب ع الواحد يعترف بمتناقضاته
الا لو حاسس ان اللي قدامه ممكن يفهمه
يحتويه ...وده عمره مايكون الا من اقرب الاقربين



نص صريح وموجع ف نفس الوقت
وكأن صاحبه يقول اقبليني ولا تقبليني

كل الشكر والتقدير لقلمك المتميز

[حـيـــــآة ❤]

احياناً يقتلنا كبرياء انفسنا
صحيح لانستطيع تغيير عيوبنا
واذا وجد الحب سيعشق المحب عيوب محبوبه
تسلم ايدك يامبدع
في حفظ الله

[السفيره عزيزه]

شكلك عايش وهم كبير
لا وايه .صريح ودغري

ومن دي ال تقول ريداك
دي لسه عليها بدري

تدرب الاول فى الادغال
وبعدين تدور ابن حلال

وتتعلم ترويض الاسود
وتتفرج على كتير عروض

تعيش بعدها عيشه هنيه
وتبقي الزوجة ال هيه

حد كده راضي بنصيبة
ومنتظر حجات وتصيبة

ما تغير يا سبع البرمبه
وتبقي كده زوج رومانسي

ان حزنت يوم تمسح دموعها
تلاقي حبك وتعيش خضعها

حواء دي بسكوته حلوه
تفرح معاك بكلمة حلوة

اما ال انت ناوي عليه
يا خوفى منك وبريه بريه.


على فكرة انا مش عرفى يعنى ايه
بُريه .بس انا بسمعهم يقولو ا
كده بريه منك بريه .


ربنا يجعل كلامنا خفيف عليهم
دمت احسن من كده شوية

ومش الطريق وياك

[a7med -3del]

اقتباس المشاركة الأصلية كتبت بواسطة جبل عالي صعب ع الواحد يعترف بمتناقضاته الا لو حاسس ان اللي قدامه ممكن يفهمه يحتويه ...وده عمره مايكون الا من اقرب الاقربين نص صريح وموجع ف نفس الوقت وكأن صاحبه يقول اقبليني ولا تقبليني كل الشكر والتقدير لقلمك المتميز

الغنوة اللي حيلتي ضاعت

تحياتي

[جبل عالي]

اقتباس المشاركة الأصلية كتبت بواسطة a7med -3del الغنوة اللي حيلتي ضاعت تحياتي

نبرة اللوم مااقدر اتحملها
وفعلا تقتلني......................

[همس الكناريا]

والله ماكان يخطر علي بالي
انه يكون وياك كده حالي
كل ما أقرب أحاول أجرب
أتوه واتغرب وانسي سؤالي
أنا مش عارفة ليه أنا خايفة
إني أقولك ايه بتكون بالنسبالي
علي أد وضوحك وصراحتك
لكن خايفة علي قلبي وبالي
ومن حبي ليك أقول
أنا قدامك بنسي الكون
حبك قوي عاشقاك بجنون
لو وياك هاعيش في عذاب
ويا غرامك كله يهون
=========

............
بجد مش عارفة عشان تلاقي واحدة تقبل كل التناقضات دي
وتقبل بصراحتك لازم تكون دايبة فيك وتقبلك بكل عيوبك ووميزاتك

يسلم حرفك و رقي احساسك شاعرنا
ودمت والألق عنوان
احترامي

همس الكناريا

[*فجر الاسلام*]

مين ده انت متاكد انك كده
طيب مش مقتنعه انها هتستحمل الصفات دى
مهما كانت بتحب فالصفات اللى بتقولها دى صعبه عليها
وبتقولها كده هاقنعك بالوهم لو عايز
هاخونك واقول جايز
مكنتش اعرف
وهافضل احلف
وهتصدقيني

ما اعتقدتش انها هتفضل تصدق علطول
لوصدقت تبقى خياليه لاتنتمى للواقع
تحياتى

[a7med -3del]

كل ماهاكتب حاجة هتفكروني بوصف نفسي
دي حالة واقعية خيالية حسب الشخص والتفاصيل
وهنروح بعيد ليه بيحصل اكتر من كده
مش كه ولا ايه

[*فجر الاسلام*]

اه خياليه اكيد
الشخص واقعى كلنا عيوب وذنوب
لكن مافيش واحده هتستحمل الصفات دى
وكمان هتصدق