ما تضحكيش قدامهم

شاعر الحب الحزين · منذ /09-23-2016, 06:50 PM

يا اجمل ضحكة في الوجود

يا رقة وأنوثة ملهمش حدود

ما تضحكيش قدامهم

اخاف من ضحكتك والعيون السود

تصحي جواهم غرامهم

تفتحلهم طريق اغاني واماني ووعود

اخاف يزيد عليكي كلامهم

خايف من اشواكهم يا احلا وردة ف الورود

خايف تعلقهم اوهامهم

ف امنيات وحاجات ف خيالهم ملهاش وجود

خليكي راكزة كده قدامهم

خلي الضحكة ما بيننا والنغزات اللي فوق الخدود

انتي مش لازم تخرجي ف مكان

ده انتي خطر على المجتمع

جمالك دلالك ولا كيم كاردشيان

كل الحسن فيكي اجتمع

اعمل فيكي ايه احبسك ف برتمان

اخاف يتكسر من كتر الدلع

معاكي بقضيها غيرة وشوية جنان

قصاد عنيكي بنسى كل الوجع

يادي الضحكة اللي شدتني وجابتني لعنيكي

داري ضحكتك داريها إذا كنت انا هتجنن عليكي

يا احلى ضحكة في الوجود

يا غيرتي يا مجنناني معايا وواحشاني وبشتاق ليكي

يا ضحكة بتمحيلي همي ياللي الجمال منك وفيكي

شـــــــــــــــــــــــــــــــــــ . حـــــــــــــــــــــــــــــــــــــ

حـيـــــآة ❤ · منذ /09-23-2016, 06:59 PM

وهي كيم حلوه هههه
ظريفه ياخالد
ربنا يسعدك بمن تحب
تسلم ايدك
في حفظ الله

شاعر الحب الحزين · منذ /09-23-2016, 07:03 PM

اقتباس

المشاركة الأصلية كتبت بواسطة حيــــــاة ❤


	وهي كيم حلوه هههه ظريفه ياخالد ربنا يسعدك بمن تحب تسلم ايدك في حفظ الله

وهي اللي بكتبلها موجودة اساسا ههههاي

في خيالي مش اكتر

تسلمي هاجر ويسلم نبض قلبك

اسعدتيني بتواجدك الطيب

ربنا يوفقك ويسعدك

ندوشه 2011 · منذ /09-23-2016, 07:03 PM

ما تشغل محرم فؤاد خايف عليكي من سلامه النيه هههههههههاي

YOo YA · منذ /09-23-2016, 07:04 PM

هههه
بالضبط كدا احبيها ف البرطمان
دي خطر ع المجتمع
حلوة كلماتك
واحساس حب وغيرة حلو.
ابداع اخي كعادتك
دوام الابداع
ودي..

شاعر الحب الحزين · منذ /09-23-2016, 07:13 PM

اقتباس

المشاركة الأصلية كتبت بواسطة ندوشه 2011


	ما تشغل محرم فؤاد خايف عليكي من سلامه النيه هههههههههاي

مين يختي ههههههاي

وماله مش غلط ..حلو محرم

نورتيني يا ندى

ربنا يوفقك ويسعدك

شاعر الحب الحزين · منذ /09-23-2016, 07:16 PM

اقتباس

المشاركة الأصلية كتبت بواسطة yoo ya


	هههه بالضبط كدا احبيها ف البرطمان دي خطر ع المجتمع حلوة كلماتك واحساس حب وغيرة حلو. ابداع اخي كعادتك دوام الابداع ودي..