غرقان فيكى

[دمعه حائره]

بيقولوا اللى بيشرب من نيلك

بيلف ويرجعلك تانى

وانا عايش عمرى بغنيلك

مع انى سنين فيكى بعانى

وحاولت اصبرعلى مواويلك

لكنك دايما رفضانى

هاهرب من ارضك ومسيرك

تعرفى ان انتى اللى طردانى

وفى مركب هابعد واسيبك

مش هارجع وهاقول وحشانى

وعشان روحى يابلدى فى ايديك

سابتنى ورجعتلك تانى

غرقان فى هواكى قصاد عينك

مع انك ديما كرهانى

مطرود من حضنك واسيرك

وبلف ويرجعلك تانى
mena_hassan

23-9-2016
رحم الله ضحايا مركب رشيد

[العاشق الذى لم يتب]

الله يرحمهم
ويصبر اهاليهم
كارثة بمعنى الكلمة
والحكومة هى السبب
حسبنا الله ونعم الوكيل
شكرا
منة
والله كلماتك وجعتنى

[بنت خديجة]

الله يرحمهم ويغفرلهم ويصبر اهاليهم يارب

[Lamees]

والله يا منة حاجة تقطع القلب
ربنا يرحمهم
وتسلمي علي التفاعل الجميل ده
تحيتي

[*فجر الاسلام*]

الله يرحمهم
كنت داخله اضيف واحده لقيتك سابقانى
ربى يحفظك

[a7med -3del]

الله يرحمهم
ردي هيكون قوي بحجم اللي حصل
بدون قيود
احييكي

[فداااااااااااء]

الله يرحمهم جميعا
امر اعتادنا عليه فى الوطن لا جديد
يا لها من سخرية يعتليها الحزن

سلمتى عزيزتى ودام نبضك

[حـيـــــآة ❤]

والله شئ محزن الي ابعد الحدود
ربنا يرحمهم يارب

[SaMa.]

حاجة توجع القلب ربنا يرحمهم

[وباء الحب]

جمييييل
يسسللمم