آخر ماتوصلنا اليـه "حادثـة مركـب رشيـد الغارق"

[حـيـــــآة ❤]

السلام عليكم ورحمة الله وبركاته

انا بس عايزه اتكلم ف نقطع بما اننا كلنا متابعين وعارفين اللي حصل

وهو ان اغلب الي كانوا ف المركب اصحاب الهجره الغير شرعيه مبسوطين

وللاسف انا اعرف فيهم ناس الله يرحمهم معاه بالالاف

طب ليه؟ عايز تتجوز وتجيب شقه؟
بس مترميش نفسك كدا.. وانت عارف اللي قبلك دي مش اول مره تحصل
بعدين لما انت عيشتك ضنك رايح تدفع من 1000الي 10الاف دولار سعر تذكره الرحله الخارجه من البلد
فعلا بجد اغلبيتهم مش محتاجين واحوالهم كويسه
بس للاسف احنا ف مصر عشان البنت تتجوز لازم عريسها يشيل بنك فوق راسه
احنا اللي عاملين كدا ف نفسنا
والدوله مقصرتش.. لو الشباب دي لقت فرصه تشتغل عمر ماكان حد فكر يرمي نفسه كدا

بس انا بقول ان مهما وصلت العيشه اللي عملوه دا حرام
الشباب اغلبهم عيال طب ليه بتدفع الاف وترمي روحك؟
حسبي الله ونعم الوكيل في اللي ورا دا كله

الوقفه هنا::

لو مهما كانت عيشتك وحياتك.. ممكن تعمل محاوله زي دي وانت عارف انها غلط؟

ربنا يسعد الجميع يارب
ويرحم جميع الشباب
ويصبر اهاليهم

[Aya 7ekaya]

بصى ي هاجر انا اعرف شاب باع كليته علشان والد البنت اللى عايز يتجوزها طالب منه طلبات كتير

الحياة بقت صعبه و المسؤليات كتير اكيد حياته مش رخيصه عنده وماوصلش للقرار ده غير لو جرب كل الطرق و يأس منها

ربنا يرحمهم يارب

[الفيلسـوف]

احيانا الياس لما يتغلب البنى ادم بيكون اقصر الطرق هو الهروب صدقنى ف حاجات كتير بتبقى غير مرضيه ولكن نتمنى الافضل رحم الله تلك الارواح وغمرها ف عطفه ولكن الحزن يسكن القلوب ع هذه الارواح الطاهره

[بنت خديجة]

ولا تلقوا بأيديكم إلى التهلكة

واضحة وصريحة العجز الذي يصيب الناس سبب ايضا

الموضوع مش سهل عليهم بيخلمو بحياة مختلفه وكريمه

[SaMa.]

هما غلطانين بس اكيد غصب عنهم
العيشة بقت زفت والشباب ضايع ربنا يرحمهم

[حـيـــــآة ❤]

مهما حدث دا مش مبرر
منورنني جميعا والله
في حفظ الله

[فصيح]

الله يرحمهم ندعوا الله لهم بالمغفرة
طبعا دي تهلكه والمخاطرة بالروح والنفس محرم
اليأس والطموح بين حدى شعرة وهي دى المغامرة
ودا اكيد مش مبرر لكن تلخيص مختصر للي حصل
تحياتي أكيد

[فداااااااااااء]

تعرفي معظم اللى بيهاجروا بيرفضوا يشتغلوا فى بلدهم شغل بسيط علشان مش مقامه
ولكن يشتغل اى حاجة حتى لو ايه برا
يللا هو امر متكرر وملل جدا
وطالما ارواحهم مش غالية على انفسهم ازاى يطالبو بخوف او حزن عليهم من دولة نفسها تبيد نص المجتمع

دا وباختصار
سلمتى هاجر

[شاعر الحب الحزين]

الله يرحمهم ويتولاهم برحمته

هو مش مبرر فعلا ..بس القدر له كلمته

انا برفض فكرة الهجرة من اساسها سواء شرعية او غير شرعية

مهما كانت الظروف ومهما كانت الاسباب

ربنا يرحمهم يارب

تسلمي هاجر لانسانيتك الجميلة

ربنا يوفقك ويسعدك

[حـيـــــآة ❤]

ربنا يرحمهم
شكرا لمروركم الراقي
في حفظ الله