لســه الأمـانى ممكــنه :))

[همس الكناريا]

لســه الأمـانى ممكــنه ::::::::::::::::::::::::: ملينا تكرار العيوب وكرهنا صوت السهوكه والعُذر أقبح م الذنوب فى حياة عقيمة مؤلمة وفى كل جرح نسمع يادوب لسه الأمانى ممكنه ... ؟ / سراب بنبنى عليه أمل وفساد بينهش لحمنا دايرة وفيها بننطحن سنين بتاكل عمرنا أوجاع وفينا من زمن أمراض بقت مستوطنه وعلاجنا فى كل المحن كلام يا دوب م الألسنة فى كل إخفاق أو فشل حجج تبرر عجزنا نسمعها عادى بدون خجل لسه الأمانى ممكنه. ..... ؟ / يتوه قدمنا عن الطريق والحيرة تاخد عقلنا نستنى تانى من جديد ولا خلاص المسألة ونعيش وجع فينا مُميت وجرح حالته مُزمنة واليأس يوم عن يوم يزيد وانت يا صاحبى مش هنا / صدقنى بكرة مش لنا إلا ...... إذا ... / كنا نريد وبدأنا فعلاً كلنا أنت يا صاحبى الأمل أنت الأمل والمشكلة أنت اللى أدمنت السكوت وانت الجواب والأسئلة وجميع حروف المهزلة / كاتم فى نفسك الألم خايف تموت ما انت فى تابوت واللى انت لابسه ده كفن إيه اللى ناقص يا عبيط وانت اللى فيه كله ندم وجروح بتنهش من زمان بواقى أحلام العدم نازلة بتتسرسب دموع من ناس ب تتعذب خدم / وألف أاااااااه ساكنة الضلوع طالعة من الروح والبدن عليك بقولها يا وطن ... ؟ :::::::::::::::::::::::::: همس الكناريا

[ايمان طلعت]

مهما كانت الصعاب
ومهما احلام اتهدمت
فيه امل لسه في القلب
لان الله قال لنا
ان بعد العسر يسرا

كلمات قويه منك كالعاده همس
تحياتي

[توحد ارواح]

عنوان جميل معبر
عن الامل ف التغيير
رائع ما كتبتيه همس

تسلم ايدك

[SaMa.]

حلووة اوي همس ثانكس عسولة

[.Lamar]

لازم تضل لسة الامانى ممكنة
من غير امل فى بكرة نعيش ازاى
مش هينفع يسرقوا منا الحلم
زى ما سرقوا قوتنا و راحتنا و كرامتنا
و الحلم لازم يكون معاه سعى و عمل
يمكن يتحقق
مفيش حاجة بعيدة عن رب العالمين

همساتك اليوم بتقول كتير حبيبتى
ربي يحفظك يا جميلة

[۩۩ elMagic ۩۩]

نعم كل شئ ممكن
كلمات جميله منك
تسلمي همس
دام نبضكـ

[αЛαstoOorα]

الله الله

[Aya 7ekaya]

رغم كل الالم
ورغم كل الندم
يبقى الامل فى الله
تسلمى مبدعتنا همس

[بنت خديجة]

مااروع كلماتك همس
احييك على احساسك الراقي والجميل

[دمعه حائره]

ربنا يصلح الحال ونشوف مصر اجمل بلد فى الدنيا
تسلمى كلمات رائعه وقلمك مبدع فعلا