بحتاجلك

[دمعه حائره]

وبحتاجلك
يانسمة رقيقة بتعدى فى عز الصيف
ونجمة تنورلى السما دى ليلها مخيف

وبناديلك
بكل كلام قالوه العشاق فى الروايات
وكل أسامى الحب والهمسات

وبكتبلك
كل مشاعرى اللى وياك أنا حسيها
هاتفهم ولا الغياب قساك ونسيتها

وبشتاقلك
يفضل قلبى يستنى تحن عليه
وتيجى بسرعة وتقوله غايب ليه

وبستناك
فى كل مكان جمعتنا فيه ذكرى
وبحكيله على هوانا واقوله هايجى بكرا

ومهما تغيب
وحتى إن هان عليك حبى وتقسى ساعات
ده حبى ليك مايفرقشى معاه مسافات

ياحلم جميل
ياروح ساكنة جوايا بقالها سنين
يالهفة شوق بداريها بدمعة عين

وأقول هانساك
أخبى حنينى جوايا يدوب ساعتين
يروح قلبى ويسألنى حبيبك فين...
mena hassan
6-10-2016

[العاشق الذى لم يتب]

وديمانحتاج الحبيب
وقربه يفرحنا والقلب يطيب
تسلمى
مبدعتنا
منة
باقات السوسن

[شاعرة الرومانسيه]

طيب اقول ايه بعد ان تكلمتى على لسانى

واجيب حروف منين تعبر عن شكرى لكى وامتنانى

لمست كلماتك حنايا القلب وكأنك جالسه امامى

بجد مش قادره اكتب تعليق

غير انى اقولك تسلم ايديكى ويسلم قلبك منه

[إيلاانا]

إن من يحب يشعر بالوحده في غياب من أحب
ويحس بسعادة العالم بقرب الحبيب في كل الأوقات خاصة
وقت الشدة وقت الألم وقت الفرح يكون الاحتياج لقرب الحبيب هو المبتغى والمطلب
سلم نبض قلمك غاليتي وأختي منه
كلمات في قمة الروعة والجمال
لك خالص تقدير واحترامي ودعواتي
إيلانا

[Aya 7ekaya]

رووعه الكلمات ي منه
مبدعه كالعاده حبيبتى
تسلم ايدك

[السفيره عزيزه]

ومن لا يحتاج للهواء
ومن يستغنى عن الماء
فالحبيب حياة وبفراقه
الموت جاء..


شمس تنير ارجاء المكان
لك شكرا وعرفان
دمت حبيبتى بحفظ الرحمان

[ايمان طلعت]

الله عليكي منه
كلماتك رائعه سلسه في قرائتها
دام نبض قلمك
تحياتي

[همس الكناريا]

احرفك رائعه منسوجة من شغاف القلب ،
تروى من ألق روحك العبق الثائر ..
سلمت روحك. حبيبتي
مودتي

همس الكناريا

[.Lamar]

رقيقة و حساسة كعادتك منون

و جميلة خاطرتك اليوم

تسلمى حبيبتى

[شاعر الحب الحزين]

احساس جميل وكلمات معبرة جدا وجميلة

أبدعتي منة بإشراقتك وإطلالتك الرائعة بإحساس عالي جميل

كل الشكر والتقدير