" محكمـة "!

[αЛαstoOorα]

( محكمة )



/
ياقاضي الحب ياقاضي
ياريت تسمعني لو فاضي
وخلي الناس تركزلي
وف الآخر هكون راضي
/
سكوت ف القاعة آكملها
وعندك حاجة طب قولها
آنا سامع آهو يابني
/
يابيه الحب جيه صابني
وضيع من عيوني النوم
بجيبه تملي وآهو جابني
وف الآخر بقيت محروم
/
ومين خلاك في دي الوحله
آنا سامع عليك آساطير
مقضيها ف كام رحلة
وعشاقك تملي كتير
/
آهي الصدفة اللي خلتني
آشوفها وبيها جمعتني
ف يوم مرة من الآيام
لقيتها قصادي عرفتني
/
وقف نني العنين ثابت
ودقت قلبي مش ساكته
ف ملامحها قوام دابت
مشاعري وفيها جت ساكنه
/
لقيتها كآني بعرفها
بقيت عايز كدا آخطفها
حقيقي جمالها مش ممكن
ومش قادر يابيه آوصفها
/
تاهت آفكاري ف ثواني
وشوفتها هي روح قلبي
آكيد مخلوقة علشاني
عشان تبقة ف يوم حبي
/
وحبتها ف غمضة عين
بقيت مدمن آفسحها
وساعة بقربها بسنيين
مكنتش احب اروحها
/
ولما آحس بزعلها
يكشر ليا كل الكون
تقولي الحاجة آعملها
منا فيها يابيه مفتون
/
بقيت فعلاً كدا غيري؟
ومستسلم لآوضعها
تشوف هي ف تغييري
تزيد ويايه مواضيعها
/
آحاول مرة والتانيه
آغير فيها مقدرتش
آقول آنساها دي ف ثانيه
علي نسيانها معرفتش
/
ياريتها تحس يوم بيا
وتفهم آني فيها بدوب
وتعرف آنها روحي
مهياش ليا كفر زنوب
/
لاكن برضه مسمعتنيش
ومشيت ويا آفكارها
مهي ياقاضي محبتنيش
ولا قلبي ف يوم زارها
/
وف الآخر بقيت جاني
عشان ليها وهبت الحب
بقت هي اللي بسطاني
وانا اللي آناني من غير قلب
/
وحطتني وره حديدك
بتهمة آني بايعها
طب الحكم يابيه ف آيدك
ياريت تنطق تسمعها
/


حكمت المحكمة
علي المتهمة ...ما.؟
بآزالة قلبها
من جسمها
رُفعة الجلسة

/
مجرد شعر ...!

[شاعر الحب الحزين]

إيه الجمال ده كله يا مانش بجد فوق الروعة

ماشاء الله عليك وصفت إحساس صعب بطريقة جميلة

استمتعت جدا بطريقة عرض الموضوع واختيارك للفكرة ممتاز

الله يديم هالحضور ودوااام التألق يا برنس

الله يوفقك ويسعدك

[ندوشه 2011]

ايه الحلاوة دي عظمه علي عظمه يا كبير. ربنا يسعدك

[.Lamar]

قاسى حكم القاضى

كان عرفها غلطتها يمكن تحس بيها

و تلاقيك اول واحد هيزعل عليها

ما هو الحب كدة

جميلة خاطرتك اخى
يدوم الابداع

[دمعه حائره]

ههههه ازاله قلبها هو انت مفكره دور مخالف ولا ايه
انا مش هعلق على احكام القضاء
بس انت مبدع وبتجيب كلام ومفردات من اجمل مايكون
تسلم منشاوى

[۩۩ elMagic ۩۩]

وربنا مصلحة ان قلبها اتشال
عاميه جامده
متميز كالعاده فارس
دام نبضك

[αЛαstoOorα]

اقتباس المشاركة الأصلية كتبت بواسطة شاعر الحب الحزين إيه الجمال ده كله يا مانش بجد فوق الروعة ماشاء الله عليك وصفت إحساس صعب بطريقة جميلة استمتعت جدا بطريقة عرض الموضوع واختيارك للفكرة ممتاز الله يديم هالحضور ودوااام التألق يا برنس الله يوفقك ويسعدك

حبيبي ياخالد ربنا يخليك
آنت الكبير برضه يانجم
منجيش حاجة ف آبداعاتك والله
منورني آحبيبي ..ربنا يكرمك
بوناسيرآآآ

[αЛαstoOorα]

اقتباس المشاركة الأصلية كتبت بواسطة ندوشه 2011 ايه الحلاوة دي عظمه علي عظمه يا كبير. ربنا يسعدك

منورة ياندي ..
متشكر ربنا يخليكي
بون وي ^^

[Doaa Hammam]

الفكرة والاسلوب حلو اوي

انا أؤيد حكم القاضي .. هي تستاهل تعيش من غير قلب

تسلم ايدك لروعة الفكرة ورقي الاسلوب

تحياتي

[فصيح]

على غرار قاضي البلاج يا قاضي كتبت
فكنت رائع يا منشاوى عنجد رائع
امبراطور العامية لك الشكر حبيبي
خالص تحياتي