جنون الموبايل/ بقلمى

[طارق طروق]

اهلا ومرحبا بكم جميعا
انا مقصدتش بالعنوان ان الموبايل
مجنون او طايش لا طبعا
ظاهره يمكن كلنا ملاحظنها ويمكن اغلبنا داخل فى هذه الظاهره
تلاقى كل واحده او واحد سواء كبير او صغير مش فارقه فى السن
ماسك الموبايل بتاعه اما بيتكلم فيه وهو ماشى فى الشارع
او وهو قاعد بيتكلم او بيلعب فى الموبايل وتلاقى اكتر بقى
البنات سواء بنات المدارس او الجامعات تلاقى البت من دول ماسكه الموبايل
وعماله تحب فيه ولا فى دماغها حد يسمعها او حد يشوفها
ولو حبيبها قالها مثلا على سر فى الموبايل وهى مثلا فى وسائل مواصلات
او ماشيه فى الشارع تقوله بتقول ايه؟ عايز تقولى على سر؟
طب قول ايوه انا لوحدى يقولها على السر مثلا يقولها انا عايز اقابلك
فى شقه واحد صاحبى عشان عايزك فى موضوع مهم
تقوله بتقول ايه؟ عايز تقابلنى فى شقه واحد صاحبك؟
لا لا طبعا مقدرش اقابلك فى شقه واحد صاحبك ممكن حد يشوفنا
يقولها الموضوع اللى كنت هكلمك عليك بخصوص جوازنا عشان هطلب ايدك
تفرح اوى وتنشكح وتقوله طيب لحظه ادينى عنوان شقه صاحبك
ثوانى هكتبه تقول للى قاعد جنبها وسامع الحديث كله
لو سمحت معاك قلم يديها القلم تقوله ايوه معاك قول
يمليها العنوان مش تكتبه فى صمت لا تقوله بصوت عالى ايوه معاك
11 شارع زعبوله ايوه معاك الدور الخامس شقه 8
وبدل ما كان هيبقى سر تلاقى امه لا اله الا الله عرفت ان البنت ده
رايحه الشقه على العنوان اللى قالته
انا متخيل انها لما تروح هتلاقى تحت العماره اللى رايحاها للولد
جمهور كبير من اللى سمعها وهى بتاخد العنوان فى استقبالها

[αЛαstoOorα]

بس دى تبقي مصلحة يامعلم؟ ^^
طلاما كتبت العنوان ..تبقة مصلحه هههه
حقيقي بقة
انا نفسي اشوف بنت ماشية ف الشارع
مش بتتكلم ف الموبايل !!
حاجة فزيعه بنت فزيع ^^
/
خزعبلايه حلوة ياطارق
ومنور

[طارق طروق]

اقتباس المشاركة الأصلية كتبت بواسطة αЛαstooorα بس دى تبقي مصلحة يامعلم؟ ^^ طلاما كتبت العنوان ..تبقة مصلحه هههه حقيقي بقة انا نفسي اشوف بنت ماشية ف الشارع مش بتتكلم ف الموبايل !! حاجة فزيعه بنت فزيع ^^ / خزعبلايه حلوة ياطارق ومنور

ههههههه هى فعلا كانت تبقى مصلحه يا معلم
يلا بقى الجايات اكتر من الريحات
انت نفسك تشوف بنت ماشيه فى الشارع
مش بتتكلم فى الموبايل؟
لا انا من حوالى سنه كدا شوفت بنت مش بتتكلم فى الموبايل
شكرا يا معلم على تعليقك الخفيف الظريف
ونورت وشرفت يا معلمى
ومع تحياتى لك

[Aya 7ekaya]

والله تقدر تقول ع ده قله حياء من البنت
اصل زمان كانو بيقولوا عيب تضحكى ف الشارع و عيب تتكلمى ف الموبايل وانتى ف الشارع دلوقتى بقت عادى و كمان بتطلع عليها نكت
و الغريب تلاقى اطفال بنفس الوضع كمان

نايس خزعبلايه بقا

[طارق طروق]

اقتباس المشاركة الأصلية كتبت بواسطة aya 7ekaya والله تقدر تقول ع ده قله حياء من البنت اصل زمان كانو بيقولوا عيب تضحكى ف الشارع و عيب تتكلمى ف الموبايل وانتى ف الشارع دلوقتى بقت عادى و كمان بتطلع عليها نكت و الغريب تلاقى اطفال بنفس الوضع كمان نايس خزعبلايه بقا

عندك حق طبعا
والله يرحم ايام زمان
دلوقتى للاسف كل شىء مباح
وعلى رايئك حتى البنات اللى لسه مطلعتش من البيضه
بتحب فى الموبايل وبكل بجاحه بتتكلم فى الحب علنا
شكرا لتعليقك ومرورك الغالى
نورتى وشرفتى
ومع تحياتى

[حـيـــــآة ❤]

من الهم مايضحك والله طارق
يعني ساعات بتحصل معايا ماشيه مستعجله الاقي اللي قدامي بتتكلم بالفون
علي خطوات بطيئه تتشل انت بئا
تسلم عل الخزعبلايه تحكي واقع خزعبلي
في حفظه تعالى طارق

[.Lamar]

و الله افتكرتها جد
وقولت ايه الاخلاق دى
و ازاى
طلعت خزعبلاية
ربي ستر
تسلم اخى

[دمعه حائره]

ههههه
مصيبه والله الناس اللى واخدين راحتهم فى الكلام
كمان سعات نكون مثلاعند الدكتور وواحده تتكلم
فى مشكله وتشتم وتحكى ولا كأنها فى بيتها
خزعبلايه جميله

[شاعرة الرومانسيه]

كتير روووووووووعه

تسلم ايديك

[طارق طروق]

اقتباس المشاركة الأصلية كتبت بواسطة حيــــــاة ❤ من الهم مايضحك والله طارق يعني ساعات بتحصل معايا ماشيه مستعجله الاقي اللي قدامي بتتكلم بالفون علي خطوات بطيئه تتشل انت بئا تسلم عل الخزعبلايه تحكي واقع خزعبلي في حفظه تعالى طارق

هى مش ساعات بتحصل يا هاجر بصراحه بتحصل على طول
والبنات بقت جريئه جدا ولا بتعمل حساب حد يسمعها
صدقينى انا بسمع العجب وهما بيتكلموا فى الموبايل
شكرا لتعليقك ومرورك الغالى
وحمدالله على سلامتك هاجر
نورتى وشرفتى