" المرحلة الآولي من مسابقة " شاعر المنتدي ؟!

[αЛαstoOorα]

المرحلة الآولي
( شاعر المنتدي الآول )
:
القصة ....!
/
حبيبي
آنت حـــــــــــــبي وانت قلبي
يستحيل ابعد واسيبك
يوم ما هبعد يبقة موتي
قلبي طول عمره حبيبك
/
حبيبتي
انـــــتي كل الدنيا ليا
انتي قلبي ونن عيني
حبي ليكي مش شويه
حب عمري وطول سنيني
/
حبيبي
عهد فيا تملي باقي
آني آعيش بس لعيونك
وآني آحذر فيا دائي
آنه يعشق فيك يصونك
/
حبيبتي
كل دا كان بنا عارف
بس قدرك مش معايه
الفراق دا مابنا حالف
يقفل القصة ف نهاية
/
حبيبي
ياللي عمري ماحب بعدك
ربنا حدد مصيرنا بالبعاد؟
يعني تاني مش هواعدك
مات خلاص قلبي وهعلن
ع الحداد
/
حبيبتي
كنتي معايه وكنت معاكي
بس قدرنا نودع بعض
كل حياتي كانت دُنياكي
بس الحلم خلاص آتهد
/
الهجر؟
قصتنا عن الهجر
..في هجر بيكون بسبب آقدار؟
وفيه هجر بيكون بسبب ظروف ما؟
وفيههجر بيكون سبب خيانه وعدم تفاهم
وفيه هجر بيكون لآكتشاف آوضاع كتير آتغيرت
المهم ؟
آن القصيدة اللي هتتكتب؟ عن الهجر؟
آيه الفكرة بقة؟
دي بتاعتكم آنتم ..آنا عطيت آمثال كتير آهي
عاميه معاكم ..وفصحي معاكم
آوزان كويسة؟
فكرة ورسالة تتفهم؟
كلام مترتب وحلو
ومعاني تشد القارء
كل دا هيفيدك ف التقييم وف المركز بتاعك
وف التقييم ف النهاية
هتكتب موضوعك وتكتب جمب العنوان( شاعر المنتدي )

يلا علي بركة الله نبدء

[همس الكناريا]

تمام ...بسم الله البداية

[توحد ارواح]

باذن الله نشوف حاجات جميله من مبدعى المنتدى

متابعه معاكم وبالتوفيق للجميع

تسلم ع المجهود المميز ا/ فارس

[فداااااااااااء]

ان شاء الله نشوف ابداع راقى من الأقلام المميزة هنا
سلمت اخى المنشاوى وموفق باذن الله

[دمعه حائره]

بدايه رائعه والابيات اللى كتبتها مافيش اجمل من كده
تسلم فارس وان شاء الله نبدأ سوا
وكنت عاوزة اعرف المدة قد ايه؟

[طبيب الهوى]

تمام يا فارس

لكن هل يجوز لي أن أكتب قصيدة دويتو بين عاشقين

يتفقوا علىَ الإنفصال والفراق

أم يكفي شخصية واحدة

وشكرا لك

بالتوفيق للجميع إن شاء الله

أبو عصام

[αЛαstoOorα]

منورين آجماعه ,,
/
منة
المدة الآساسية 3 آيام وفي يومين آضافي
دول لآي ظروف يعني عضو مدخلش عضو تعبان
كدا
آنما الآساسي 3 آيام ...
/
آبو عصام
آكيد معاك حريه القلم والآبداع..
آكتب كما تشاء ..وآجرح آحاسيسي كما تشاء ^^

[السفيره عزيزه]

فى البداية ادعوا الله ان يوفق كل المشتركين
وتكون المسابقة عامل لزيادة الالفه والاخوة بيننا
وان تتم على اكمل وجه ويخرج الجميع منها راضا
بما قسم له .
وان يوفق الاقلام لتخرج اروع ما كتب حتى يسعد
المتابعين للمسابقة ..

مساءكم توفيق ان شاء الله جميعا .
تخدوا ورد .كتير الورد بيهيء المزاج ليكون افضل
ورد لكل القائمين على المسابقة وكمان المشتركين
وبقول فوز احدنا هو فوز للجميع ولمتنا الحلوة هى الغاية
والورد للمتابعين كمان اووومال ما كلنا سوي سوي اخوة.

[شاعرة الرومانسيه]

كلمات رائعه وتحمل الكثير

موضوع المسابقه كتير رائع

وتركه مفتوح هايعطى فرصه للكاتب

بحريه الكتابه دون التقيد بفكره

انت كدا نزلتها بقسمى

اكيد مينفعش اشارك فيها

تسلم ايديك فارس

[αЛαstoOorα]

منورة يا سفيرة الآدب والآبداع
ومرسيتو ع الورد
/
حنين
عادى جداً آنك تشتركي
الكلام دا لو انتي ضمن مجموعة التحكيم معانا
انما انتى بره ف مفيش مشكلة انك تسجلى