نسياتي

[a7med -3del]

بتفوت قدامي ومش حاسة
ان انا مش قادر يوم انسي
ودعت هواها لكن لسه
علي ذكري هواها
بعيش دايما
لو تيجي سيرتها بقول عادي
نسيتها خلاص وبقيت ماضي
وبمثل علي نفسي وراضي
وانا من جوايا
بموت فعلا
والشرح يطول
لو اقول اسباب
تعبت فراق وتعبت غياب
الناس تستني الفرصة تجيلها
وانا يظهر غاوي
اعيش في عذاب
مدتش لقلبي انا ليه فرصة
ولا اي سبب يمكن ينسي
فجاءة اللي هويته
بايدي رميته
وعايزلي سنين
علشان انسي
لو كان قلبي بيتكلم
كان يصرخ ويقول بتالم
مجروح وياريت بقي بتعلم
وياريت لو بنا رجوع تاني
وانا عارف انها نسيتني
اختار ت حلمها ورميتني
احساس جوايا مموتني
انها عايشة ونسياني

ولا زكري تحنن قلبه عليا
ولا عاد فيا
ولا ينفع بنا كلام تاني

نسياني
Ahmed adel
20-6-2016

[Aya 7ekaya]

جميله جدا ي احمد
رغم الحزن فى الكلمات
تسلم ايدك
ويدوم الابداع

[حنان الروح]

راقيه وجميله كلماتك اخي
رغم الحزن الذي يسكن سطورها
اتمنى لك السعاده الدائمه
دمت ودام قلمك وعطائك

[*فجر الاسلام*]

ولا ينفع بنا كلام تانى
يا سلاااااااااام على الروعه بجد جميله اووووووووى
عجبتنى تسلم مانتحرمش من ابداعك يا استاذ
ربى يسعدك

[شاعرة الرومانسيه]

رووووعه تسلم ايديك اخى

[فصيح]

رائع يا نحم والله
كم يعجبني قلمك واحساسك
كلمات لها صدى في القلب
وتأثير قوي ع النفس
لك التحية عزيزي
وخالص والود والتقدير

[دمعه حائره]

بمنتهى الابداع والاحساس كتبت وابدعت
تسلم اخى