ايـهـ الـسـر ...!؟ مع رعد السماء

[حـيـــــآة ❤]

1/ اكتر عيب ف شخصيتك؟

2/موقف محرج اوي بالنسبالك؟

3/ نبيل بيضعف امته؟

4/نبيل امته اخر مره بكي فيها؟

5/نبيل أكتر صحابه بنات. ؟

6/ هل تفتخر انك من عروس البحر الابيض؟

7/ما رايك في حيــــــاة ❤؟

8/هل ناوي تكمل بمنتدانا؟

9/سلبيه شايفها ف المنتدي؟

10/ ودا من ايه؟ اقصد حضرتك اكيد بتسب اليوم اللي دخل بيه هنا عشان الاسئله دي.. طب ليه؟

[Fatma eissa]

مرسي تسلملي
طب ممكن تعرفنا اكتر
عن نفسك

وايه رايك في حال البلد
وفي المظهره الي
هتقوم يوم ١١
تعتقد ان في
امل في الغير

[رعد السـماء]

احم
بتستخدم كام في المية من مخيلتك ؟

لما كنت مراهق وأيام الكلية والجيش كنت خيالي أكتر من كده بكتيرررررررررر
دلوقتي بشوف الأمور بموضوعية أكتر

انت عقلاني كام في المية ؟

أنا عاطفي ورومانسي أكتر من عقلاني
خلينا نقول 50% و 50%

بتحكم عقلك ولا قلبك في المواضيع الخاصة بحياتك العاطفية ومين بيطغى على التاني غالبا؟

قلبي بيتحكم فيا أكتر
لما بحب حاجة مش بشوف غيرها
أوقات قلبي بيلغي عقلي خااالص ودي مشكلتي

انت برج ايه ؟ وكام في المية من صفات برجك فيك ؟

عرفت بالصدفة ان برجي الميزان لكن معرفش مواصفاته إيه
مش بهتم بموضوع الأبراج ومش بصدقه


تسلم ايديكي يا أمال
بصراحة أسئلتك حلوة
خديلك لفة وتعالي اسألي تاني
هههههههههههه

[همس الكناريا]

جميلة الحلقه اسراء

ومنور ضيفنا
يا تري إيه أمنية حياتك ؟
وهل تستصيغ الشعر أو بمعني آخر هل يستهويك الشعر ؟
وهل لديك شعراء مفضلون ومن هم ؟

دمتم بخير
همس الكناريا

[رعد السـماء]

1/ اكتر عيب ف شخصيتك؟

سرعة الغضب والانفعال

2/ موقف محرج اوي بالنسبالك؟

من كام يوم كنت بتكلم مع أحد الموردين في وقت الراحة وبهزر معاه
في وسط الكلام قلتله (صلي ع النبي) أكتر من مرة
وبعدين بالصدفة اكتشفت انه مسيحي هههههههههههههه
الحكاية دي مش أول مرة تحصل معايا

3/ نبيل بيضعف امته؟

لما اشوف حد بيبكي
سواء طفل أو بنت حتى لو راجل

4/ نبيل امته اخر مره بكي فيها؟

للأسف مش بعرف ابكي
أقول للأسف لأن البكا بيريح
أحيانا بكون حنفجر من موقف معين ونفسي ارتاح مش عارف

5/ نبيل أكتر صحابه بنات. ؟

أيوة .. فيها حاجة ؟
هههههههههههه

6/ هل تفتخر انك من عروس البحر الابيض؟

أكيد .. ونفسي المسئولين يهتموا بيها أكتر من كده
اسكندرية مش الكورنيش بس

7/ ما رايك في حيــــــاة ❤ ؟

بنت بلدي وصديقتي
هذا بخلاف انها مشرفة شاطرة ودمها خفيف
الصراحة مبسوط ان ليا ضهر جامد في المنتدى
ههههههههه

8/ هل ناوي تكمل بمنتدانا ؟

مخبيش عليكي يا هاجر بدأت ازهق
التفاعل عندكم ضعيف أووووي وانا مش واخد على كده
عندي طاقات وإمكانيات كبيرة مش عارف اوديها فين
خليها بظروفها لما اشوف آخرتها معاكم
ههههههه

9/ سلبيه شايفها ف المنتدي ؟

وبعدين بأه
منا قلتلك قلة التفاعل
ههههه

10/ ودا من ايه ؟
اقصد حضرتك اكيد بتسب اليوم اللي دخل بيه هنا عشان الاسئله دي.. طب ليه؟

بالعكس لحد دلوقتي كل الأصدقاء اللي شاركوا أسئلتهم لذيذة
يلا يا حلوين .. اللي عليه الدور يتفضل
ههههههههههههههههههه


كالعادة أسعدني تشريفك يا هاجر

[رعد السـماء]

منور ضيفنا

أهلا همس
انتي اللي نورتيني وشرفتيني

يا تري إيه أمنية حياتك ؟

على المستوى الشخصي مش عايز غير الصحة والستر والاستقرار
على المستوى العام أتمنى لمصر الخير
واتمنى العالم يسوده السلام لأن أعصابي تعبت من القتل والحرق والدمار كل يوم وكل ساعة

وهل تستسيغ الشعر أو بمعني آخر هل يستهويك الشعر ؟

نعم .. أتذوق الشعر ولكني لا أمتلك موهبة كتابة الشعر

وهل لديك شعراء مفضلون ومن هم ؟

أكيد
هناك نزار قباني أروع من كتب عن الحب وتغني بالنساء

أيضا أحب أشعار الأبنودي واحمد فؤاد نجم وصلاح جاهين



أسعدني تشريفك همس
دمتي بود

[حـيـــــآة ❤]

اقتباس المشاركة الأصلية كتبت بواسطة رعد السـماء 1/ اكتر عيب ف شخصيتك؟ سرعة الغضب والانفعال 2/ موقف محرج اوي بالنسبالك؟ من كام يوم كنت بتكلم مع أحد الموردين في وقت الراحة وبهزر معاه في وسط الكلام قلتله (صلي ع النبي) أكتر من مرة وبعدين بالصدفة اكتشفت انه مسيحي هههههههههههههه الحكاية دي مش أول مرة تحصل معايا 3/ نبيل بيضعف امته؟ لما اشوف حد بيبكي سواء طفل أو بنت حتى لو راجل 4/ نبيل امته اخر مره بكي فيها؟ للأسف مش بعرف ابكي أقول للأسف لأن البكا بيريح أحيانا بكون حنفجر من موقف معين ونفسي ارتاح مش عارف 5/ نبيل أكتر صحابه بنات. ؟ أيوة .. فيها حاجة ؟ هههههههههههه 6/ هل تفتخر انك من عروس البحر الابيض؟ أكيد .. ونفسي المسئولين يهتموا بيها أكتر من كده اسكندرية مش الكورنيش بس 7/ ما رايك في حيــــــاة ❤ ؟ بنت بلدي وصديقتي هذا بخلاف انها مشرفة شاطرة ودمها خفيف الصراحة مبسوط ان ليا ضهر جامد في المنتدى ههههههههه 8/ هل ناوي تكمل بمنتدانا ؟ مخبيش عليكي يا هاجر بدأت ازهق التفاعل عندكم ضعيف أووووي وانا مش واخد على كده عندي طاقات وإمكانيات كبيرة مش عارف اوديها فين خليها بظروفها لما اشوف آخرتها معاكم ههههههه 9/ سلبيه شايفها ف المنتدي ؟ وبعدين بأه منا قلتلك قلة التفاعل ههههه 10/ ودا من ايه ؟ اقصد حضرتك اكيد بتسب اليوم اللي دخل بيه هنا عشان الاسئله دي.. طب ليه؟ بالعكس لحد دلوقتي كل الأصدقاء اللي شاركوا أسئلتهم لذيذة يلا يا حلوين .. اللي عليه الدور يتفضل ههههههههههههههههههه كالعادة أسعدني تشريفك يا هاجر

هههههههههه ظهر ايه ياشيخ انا هودع قريب

[رعد السـماء]

هههههههههه ظهر ايه ياشيخ انا هودع قريب

------------------

جبتيها منين دي ؟
أكيد ليكي حد قريبك في الكنترول
ف حد بيعرف حيودع إمتى
هههههه

[انجي_1]

ايه رايك في منتدى بنات مصر ؟

عمرك سالت نفسك ليه مش اسم المنتدى ولاد مصر ؟


عمرك حسيت بغيرة اكمن المنتدى اسمه بنات مصر ومش اسمه ولاد مصر ؟

مين اقرب حد ليه في المنتدى ؟


ايه هي الاقسام المفضلة عندك هنا ؟


ايه رايك في قسم حوء ؟


ايه رايك في انجي ؟

[رعد السـماء]

رجعت تاني لأسئلة إنجي المنعشة
ههههههه
توكلنا على الله


ايه رايك في منتدى بنات مصر ؟

لسة محتاج وقت وشغل كتير عشان يكون منتدى كبير


عمرك سألت نفسك ليه مش اسم المنتدى ولاد مصر ؟

لو إسمه ولاد مصر مكنتش سجلت فيه
ههههههههه

عمرك حسيت بغيرة اكمن المنتدى اسمه بنات مصر ومش اسمه ولاد مصر ؟

لا خالص بالعكس .. حد يغير من نصه الحلو ؟

مين اقرب حد ليه في المنتدى ؟

جينا للرخامة ..
ههههههههه
ومع ذلك ماشي حتعامل
بصي يا ستي .. الشغالين في المنتدى أربعة أو خمسة بالكتير
والحمد لله كلهم اصحابي

ايه هي الاقسام المفضلة عندك هنا ؟

منتدى الألعاب وصفحات مكشوفة
رغم انو معنديش مدونة لكن بحب اشوف أصحابي كاتبين إيه

ايه رايك في قسم حواء ؟

قسم حواء جميل طبعاً .. كفاية إسمه هههههههه
وأجمل مافيه المشرفة بتاعته
صاحبتي أوووي وأكتر واحدة بتغلس عليا
ههههههه

ايه رايك في انجي ؟

إنجي نجمة لامعة في سماء المنتدى


إنجي
خديلك لفة وتعالي تاني
مستنيكي