قالك فى ليله الزفاف

[طارق طروق]

اتقدم لك شاب مكتمل المواصفات وفيه كل ما تتمنيه كفارس احلامك وقبلتى به وحصل الزواج
وفى اول ليله فى الزفاف فى عش الزوجيه
حصلت مفاجئه من الزوج
قالك بصراحه انا بحب واحده تانيه وانا اتجوزتك عشان اهلى هما اللى اختاروكى ليا
وغصبونى على الزواج منك بعد رفضهم انى اطلب يد حبيبه القلب
ياترى هيكون موقفك ايه وهتتصرفى ازاى؟
وانت ايها الشاب لو حدث العكس هيكون ايه موقفك وهتتصرف ازاى؟
منتظر ارائكم

[توحد ارواح]

يعنى من رايي طالما فيه مواصفات كويسه

بالمعامله الطيبه من الزوجه تثبت له انها جديرة به

وممكن الحياه تستمر وبمرور الايام يحبها وينسى حبه القديم


تسلم ع موضوعك القيم ا/ طارق

[طارق طروق]

طبعا بحترم وجهه نظرك وكلامك صح فيما بعد
لكن انا عايز اعرف منك رده فعلك وقتها اول ما يصدمك بكدا؟

[توحد ارواح]

اقتباس طبعا بحترم وجهه نظرك وكلامك صح فيما بعد لكن انا عايز اعرف منك رده فعلك وقتها اول ما يصدمك بكدا؟

اوك يعنى مش عارفه
ولكن هى مش هتبقى صعبه اوى
لانه طالما زواج مش ع حب يبقى اكيد متوقع منه اى شئ
ممكن ف الحاله دى اتمالك اعصابى شويه واحاول امتص المفاجأه
لكن اكيد برده هاخد موقف علشان يعرف انه غلط ف حقى

[رعد السـماء]

أولا مستحيل اتجوز بالطريقة دي
في الزمن ده مفيش حاجة اسمها (أهلي اختاروكي ومغصوب عليكي)
لكن لو حصل واتجوزت بنت قالتلي بحب واحد تاني
مستحيل انام معاها ليلة واحدة
وعشان هي بنت ناس وانا راجل محترم لازم احترم صراحتها وشجاعتها الأدبية
الحل من وجهة نظري
حنام في الصالة شهرين تلاتة
وبعدين نتفق أنا وهي نفتعل أي فيلم هندي
واطلقها فوراً
الله يسهل عليا وعليها

موضوع حلو
يسلمووو طارق

[حـيـــــآة ❤]

لا مينفعش هطلب منه الانفصال
محدش غاصبك عليا يابن الحلال
او بالٱحري انا متنازله عن شخص معايا وبيفكر ف غيري
تسلم ع نقاشك طارق

[انجي_1]

لا تعليق
بجد لا تعليق

[سارة بنت مصر]

لو انا وافقت عليه وفجاه قالى كده هطلب منه انه يسبنى اروح لبيت اهلى بس مش تانى يوم الا الناس تقول في ايه وبعدها باسبوع اروح على بيت اهلى وفى الحاله دى استحمل الاسبوع اللى هقعد معاه فيه

او ممكن اسئل ليه اختارتنى او حتى كنت ترفض طلب اهلك متوافقش

انا مش هقبل اتجوز حد بيحب واحده تانيه او ممكن حل احسن ساعه الخطوبه اعرف لو بيحي واحده تانيه ولا لا

[αЛαstoOorα]

فيش حاجة كدا هههه شغل افلام دا ^^
اكيد فيه وقت كافي قبل الجواز انها تعترفله
بآي طريقة .عن اللي جواها دا ..ولو معترفتش
ف الخطوبة واعترفت ف يوم الدخلة ..
يبقة هي كدا مُتعمدة آنها تكسره ..اللي يخليها
تعترف بحبها ف الدخله يخليها تعترف ف الخطوبة
ولو دا حصل ف الخطوبة هحترمها ..وهسبها بهدوء
وممكن اخلي العيب فيا كمان قدام اهلها عشان
محدش يكلمها
آنما انها تدمرني نفسياً يوم دخلتي ..دي مينفعش
احترمها لآنها لو بتحترمني وبتحترم نفسها
كانت اعترفت باى شكل من الاشكال قبل الدخله
حتي لو هيجصل مشاكل

[SaMa.]

يعني. وقت. الخطوبة محستش مبيحبهاش؟.
وفيه راجل. بيتغصب ع الجواز مستحيل
رد فعلها لازم تتصل بمامتو تيجي تاخدو...