وانقلب الحال وهنشوف المحال

[طارق طروق]

تعالوا بقى نشوف الحوار ده بين بنت وولد على الفيس
عن طريق الرسايل

البنت: إزيك ياقمر

الولد: ــــــــــــ

البنت : ياعم رد علينا مش هناكلك

الولد : معلش أصلي معرفكيش

البنت : نتعرف

الولد : بس أنا مش بكلم حد غريب
البنت: ماغريب إلا الشيطان يابني .. طب ممكن أضيفك عشان مبقاش غريبة ؟؟

الولد : ده شيء يشرفني بس سوري و الله مينفعش .. مش بضيف بنات

عندي أختي الكبيره و ماما ف الأكونت و لو شموا خبر إني بكلم بنات يقطعوا رقبتي

البنت : طب أعملك أكونت تاني بإسم ولد وتضفني ؟

الولد: لأ طبعا .. تفتكري إن أنا أخلاقي تسمحلي أعمل حاجة من وراهم ؟؟

البنت : سوري مش قصدي بس نفسي نبقى صحاب .. أعمل إيه ؟؟

الولد: طب ما إحنا صحاب فعلا .. هي الصداقة مجرد إضافة وخلاص ؟ .. خلينا على رسايل

البنت : ماشي زي ماتحب ياقمر

أستأذنك أنا دلوقتي عشان خارجة مع صحباتي

الولد: يابختك .. أنا نفسي أخرج كده مع صحابي

لكن إزاي بقى؟ .. رايح فين ؟ وجاي منين ؟ وماتتأخرش بره بعد الساعة عشرة

دا غير أختي الصغيرة اللي بيبعتوها معايا كل ماخرج مع حد من صحابي

البنت : معلش ياسكر إستحملهم .. دول مهما كان خايفين عليك

بنات الحرام ماخلوش لولاد الحلال حاجه

الولد : مانا عارف إن ده من خوفهم عليا بس أنا مليت

يلا شوفي انتي رايحة فين عشان متتأخريش على صحباتك

البنت : أوك ياقمر .. هابقى أكلمك لما أرجع ع الساعة تلاتة كده أو بعد الفجر إن شاء الله

سلام

الولد : أوك خدي بالك من نفسك ربنا معاكي .. هستناكي .. سلام

[حـيـــــآة ❤]

واتقلبت الآيه

دا في المستقبل ان شاء الله

هنوريكوا اللي بتعملوه فينا دا

نايس خزعبلايه طارق

[رعد السـماء]

حلوة بس خيالية أوووووووي
ههههههه
يسلموووو طروووق

[ندوشه 2011]

....احنا في عصر الانفتاح ولا انت ضد الانفتاح يا استاذ ملواني. ..

[~♥ Queen sozan♥~]

ههههههه

ودة فى سنة كام عشان ناخد بالنا

توبيك جميل .. يدوم الابداع

[*فجر الاسلام*]

فعلا مع راى رعد خياليه اوى ياطارق
مش هيحصل كده ابدا
ربنا يهدي شباب وبنات الاسلام
تسلم للخزعبلايه دى

[دمعه حائره]

ههههههه
طب ليه بتبشر على نفسكم ياطارق
انتم مش قد العيشة بالشكل دة
خزعبلاية جميله تسلم

[SaMa.]

نفسي. اعيش لليوم دة
ههههه ضحكتني مووت

[ايمان طلعت]

ههههههههههههههه
صحيح اتقلب الحال
وخلاص هتلبسوا طرح وتقعدوا فالبيت تربوا العيال ههههههه
جميله منك طارق

[طارق طروق]

اقتباس المشاركة الأصلية كتبت بواسطة حيــــــاة ❤ واتقلبت الآيه دا في المستقبل ان شاء الله هنوريكوا اللي بتعملوه فينا دا نايس خزعبلايه طارق

هههههه ماشى ماشى
شكرا لتعليقك ومرورك الغالى
نورتى وشرفتى