متصدقيش

[حسن الذاكي]

متصدقيش
..................
متصد قيش
لو قلت عودي
مترجعيش
نفسي أتعود علي بعدك
نفسي أعيش
عايز أعرف ايه مصيري
ونهاري من ليلي
وإن طلبت منك تجيني
أوعاكي تصدقيني
سعديني
يمكن أقدر
أستغني عن غرامك
وأنسي الحنان
مع إني عارف
من زمان
أن عشقك إدمان
وحبك دوامه
فيها بلف وأدور
غرقان في بحور
من الوهم والظنون
كل محاول
أهرب من سجنك
وأخطي السور
أرجع تاني مكسور
وكأني مسحور
وأنا اللي كنت
فارس وجسور
قتلتي فيا الغرور
مش قادر اثور
و أبقي حر
غاوي أدوق منك
طعم المر
متزعليش
ده حب زياده
حاولت كتير ابعد
بس برجع كالعاده
وان قلت مترجعيش
متصدقيش
..........................
بقلمي"حسن الذاكـــــــــــــــــــــــــــي"

[شاعر الحب الحزين]

الله عليك يا ابو علي

وهو كده اللي بيحب من قلبه لازم يسلم لقلبه

ويستسلم قدام حبه وثورة عواطفه واحساسه

انتا جميل يا حسن واحساسك حلو وكلامك معبر

أبدعت ف تصوير مشاعرك من البداية للنهاية وقفلتها صح

الله يديم هالطلة الحلوة ابو علي

[راجعة لحبيبى]

كلملت تحكى مافى القلب
ومشاعى مزدحمه اشواق وحنين
تسلم
لروحك السعاده

[شاعرة الرومانسيه]

الله عليك

كلمات كتير رائعه

تسلم ايديك اخى

[حـيـــــآة ❤]

رائع تبارك الله

ادام الله موهبتك ووجودك

نورت بكلماتك الجميله

[ندوشه 2011]

ههههههههههاي هاهاها هوهوهو هي هي هي هههههههههاي

[*فجر الاسلام*]

الله جميله
تسلم ايدك يدوم الابداع
تحياتى

[αЛαstoOorα]

حسن الذاكي
وهل يخفي القمر^^
منور الفورم ومشرفنا بقلمك الراقي ..
منتظرين كل ماهو جديد لك..
تقديري..!

[ايمان طلعت]

عايزها تبعد وتساعدك تنساها
دة جبروت ههه
كلمات جميله منك
تحياتي

[السفيره عزيزه]

حيرت البنوتة كده
تسمعك بتنادي تيجي تجري
وتصحي من النجمه ومن الصبح بدري
تسمع البلبل الشادي تقول ياسعدي
والموضوع كده قلب تحدي
بتحبها ومش عوزها يا انا يا غلبي
ولا بتموت فيها وتعبك بعدها يا قلبي

ما ترسي على حال قربي ولا بعدي

دي حالة حب مستعصية والشافى ربي

قلم روعة وصل الرسالة بتالق
منتظرين الجديد .
احترامي